მსოფლიოს წამყვან ბირჟებზე მიმდინარე წელს ინდექსების ორნიშნა პროცენტული ვარდნა აღინიშნება. ამერიკაშიც, ევროპაშიც და აზიაშიც უკვე რამდენიმე თვეა დათვები დომინირებენ ფასები ყველაზე მეტად ტექნოლოგიურ კომპანიებზე დაეცა.

Dow-jones-ის ინდექსი, რომელიც მსოფლიოს უდიდეს ნიუ-იორკის საფონდო ბირჟის პულსაციას განსაზღვრავს, იანვრიდან დღემდე 12%-ით შემცირდა, შემცირდა. S&P 500-ის 17%-ით, ხოლო Nasdaq-ის სადაც ძირითადად ტექნოლოგიური კომპანიების აქციები ივაჭრება 26%-ით.

თუ ცალკეულ კომპანიებს ავიღებთ, ბოლო 4 თვეში Facebook-ს კაპიტალიზაცია 42%-ით $920 მლრდ-დან $531 მლრდ-მდე შემცირდა. Tesla-სი 34%-ით $1.1 ტრლნ-დან $815 მლრდ-მდე. Amazon-ის 36%-ით $1.7 ტრლნ-დან $1.1 ტრლნ-მდე, Google-ის 24%-ით $1.9 ტრლნ-დან $1.5 ტრლნ-მდე, Microsoft 20%-ით $2.5 ტრლნ-დან $2 ტრლნ-მდე, $2.9 ტრლნ-დან $2.5 ტრლნ-მდე.

ტაბლოები გაწითლებულია ევროპაშიც. გერმანული dax-ს ინდექსი 15%-ით შემცირდა, შვეიცარიული Swiss market-ის 10%-ით, ფრანგული Cac 40-ის 15%-ით, ბრიტანული FTSE 100-ის 3%-ით, საერთო ევროპული Euronext 100-ის 14%-ით.

ვარდნაა აზიაშიც. იაპონური Nikkei 225-ის ინდექსი იანვრიდან დღემდე 11%-ით შემცირდა, შანხაის ბირჟის 14%-ით.

აქციათა ფასების კლებამ უმდიდრეს ადამიანებს ათობით მლრდ დოლარი დააკარგვინა. თუ ილონ მასკის ქონება სულ რამდენიმე თვის წინ $300 მლრდ-ს აჭარბებდა, ახლა „მხოლოდ“ $237 მლრდ აქვს დარჩენილი, ჯეფ ბეზოსის ქონებაც $200 მლრდ-ს აღემატებოდა ახლა კი $135 მლრდ-მდეა შემცირებული. ლარი ელისონმა, ლარი პეიჯმა, სერგეი ბრინმა და მარკ ცუკერბერგმა ცენტი მილიარდერების სტატუსი დაკარგეს.

რუსეთ-უკრაინის ომი ვარდნის ერთადერთი მიზეზი არაა. Facebook-ზე მომხმარებლის კლება და მასკის მიერ Twitter-ის შეძენით წარმოშობილმა გაურკვევლობამ ფასებს კლებისკენ უბიძგა.