„მსოფლიო ბანკის პროგნოზი ოპტიმისტურია და უფრო დაბალ მაჩვენებელს უნდა ველოდოთ“ - ექსპერტები ეკონომიკის 4.3%-იან ზრდასაც კი სკეპტიკურად უყურებენ

„მსოფლიო ბანკის პროგნოზი ოპტიმისტურია და უფრო დაბალ მაჩვენებელს უნდა ველოდოთ“ - ექსპერტები ეკონომიკის 4.3%-იან ზრდასაც კი სკეპტიკურად უყურებენ

access_time2020-01-15 10:00:47

მსოფლიო ბანკი მიმდინარე წელს საქართველოში 4.3%-იან ეკონომიკურ ზრდას ვარაუდობს, რაც წინა პროგნოზთან შედარებით, 0.5%-ით შემცირებული მაჩვენებელია.


ეკონომიკის ექსპერტი აკაკი ცომაია მიიჩნევს, რომ მსოფლიო ბანკის პროგნოზი ოპტიმისტურია და მიმდინარე წელს ეკონომიკური ზრდის უფრო დაბალ მაჩვენებელს უნდა ველოდოთ.


„მსოფლიო ბანკის პროგნოზი გამომდინარეობს ალბათ იქედან, რომ ქვეყანაში ინფლაცია მაღალია, ამას უნდა დავამატოთ ის საკითხები, რაც ანაკლიის პორტის გარშემო ვითარდება და საინვესტიციო გარემოც უარესდება. ვფიქრობ, რომ მსოფლიო ბანკის პროგნოზი ოპტიმისტურია და უფრო დაბალ მაჩვენებელს უნდა ველოდოთ. დაბალგანვითარებული ქვეყნისთვის ეს მაჩვენებელი ძალიან დაბალია, თუ გვინდა რომ ნორმალურ ქვეყანას დავემსგავსოთ, შეუქცევადი ეკონომიკური ზრდის ტემპი გვჭირდება, რომელიც ორნიშნა მაჩვენებელს გაუტოლდება, ყველა სხვა მაჩვენებელი ქვეყანას გრძელვადიან პერიოდში არაფერს  აძლევს,“ - აცხადებს ეკონომიკის ექსპერტი აკაკი ცომაია.


ქართულ-ამერიკული უნივერსიტეტის ბიზნეს ანალიტიკოსი გია ჩქოფოია მიიჩნევს, რომ მსოფლიო ბანკის საპროგნოზო მაჩვენებლის შემცირებაზე ძირითადად ორმა ფაქტორმა იმოქმედა - წინასაარჩევნო პერიოდმა და მაკროეკონომიკური მაჩვენებლების გაუარესებამ.



„საარჩევნო წელია, გარდა ამისა გარკვეული ტიპის მაკროეკონომიკური მაჩვენებლები ქვეყანაში გაუარესდა, მაგალითად, რეფინანსირების განაკვეთი გაიზარდა, რაც ეკონომიკური ზრდის შემაფერხებელი ფაქტორია. ვფიქრობ, ძირითადად ამ ორმა ფაქტორმა იმოქმედა საპროგნოზო მაჩვენებლის შემცირებაზე. ეს მაჩვენებელი ჩვენთთვის საამაყო ვერ იქნება, რადგან ასე თუ გავაგრძელებთ 40 წელი მაინც დაგვჭირდება, რომ საშუალო ევროპულ ქვეყანას დავეწიოთ. გარდა ამისა აღსანიშნავია, რომ ეს მაჩვენებელი რაიონებში არსებული  ეკონომიკური ზრდის საშუალო მაჩვენებლით გამოითვლება და გამოდის, რომ ზოგიერთ რაიონს ზრდა საერთოდ არ ჰქონია, პირიქით მინუსშიც კი წავიდა, შესაბამისად, რამეს რომ მივაღწიოთ, ორნიშნულიან ზრდაზე უნდა ვიყოთ ორიენტირებული“, - განმარტა გია ჩქოფოიამ.


მსოფლიო ბანკის ანგარიშის მიხედვით, ზრდის ეს ტემპი დამაკმაყოფილებელია თუ გავითვალისწინებთ, იმ ფაქტსაც, რომ საქართველოს რუსეთმა პირდაპირ ავიამიმოსვლაზე შეზღუდვა დაუწესა. თუმცა, „ახალი ეკონომიკური სკოლის“ პრეზიდენტი პაატა შეშელიძე და მიიჩნევს, რომ რუსეთთან ავიამიმოსვლის შეზღუდვას არც 2019 წელს მოუხდენია ქვეყნის ეკონომიკაზე განსაკუთრებული გავლენა და მითუმეტეს მიმდინარე წელს ვერ მოახდენს. მისივე თქმით, ეკონომიკური ზრდის შეფერხებაზე სხვა ფაქტორები უფრო მეტად იმოქმედებს.


„რუსეთიდან ავიამიმოსვლის შეწყვეტამ შარშანაც ვერ მოახდინა რაიმე განსაკუთრებული გავლენა, რადგან ვისაც ჩამოსვლა უნდოდა მესამე ქვეყნების გავლით მაინც ჩამოფრინდა. გარდა ამისა, როგორც გაჟღერდა, ეს ემბარგო მალე გაუქმდება, თუმცა დიდი პრობლემა არ არის, რადგან ჩამომსვლელი მაინც მოდის. ჩემი აზრით, ორი ფაქტორია რომელიც მიმდინარე წელს შეიძლება პრობლემური იყოს, ესაა არჩევნები და რეგიონალური საკითხი, ისეთი როგორიცაა ირანთან დაკავშირებული პრობლემები. სხვა თვალსაზრისით არსებითი ცვლილებები წელს მოსალოდნელი არ არის, ამ მთავრობას მეტი არ შეუძლია და რადიკალურ ცვლილებებს ვერ განახორციელებს. ვფიქრობ, რომ მსოფლიო ბანკის, სავალუტო ფონდის და სხვა ბიუროკრატიული ორგანიზაციების ანალიზი მაინცადამაინც საყურადღებო არ არის, რადგან მათი ანგარიშები ძირითადად მიკერძოებულია“, - აცხადებს პაატა შეშელიძე.


როგორც მსოფლიო ბანკის ანგარიშშია მითითებული, მიმდინარე წელს რეგიონში ეკონომიკის 5.1%-იანი ზრდით ლიდერი სომხეთი იქნება. 2.3 %-ით გაიზრდება აზერბაიჯანის ეკონომიკა. მსოფლიო ბანკი თურქეთის ეკონომიკის 3%-იან ზრდას პროგნოზირებს. 3.7 %-ით გაიზრდება უკრაინის ეკონომიკა, ხოლო რუსეთის ეკონომიკური ზრდის მაჩვენებელი 1.6 %-ს მიაღწევს. მსოფლიო ბანკის ინფორმაციით, 3.7 %-იანი ზრდა ექნება ყაზახეთის ეკონომიკას, ხოლო ყველაზე ნაკლებად, დაახლოებით 0.9% ბელორუსის ეკონომიკა გაიზრდება.


ნინო თამაზაშვილი





სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up