სამშენებლო კოდექსის  ამოქმედების 10 წლით გადავადება და მოსალოდნელი რისკები

სამშენებლო კოდექსის ამოქმედების 10 წლით გადავადება და მოსალოდნელი რისკები

access_time2019-12-23 10:00:28

 საქართველოს პარლამენტი  ახალი სამშენებლო კოდექსის 10 წლით გადავადებას გეგმავს.  იწონებენ თუ არა მთავრობის გადაწყვეტილებას და რა რისკებს ხედავენ სამშენებლო სფეროს წარმომადგენლები? „კომერსანტი“  დეველოპერული ბაზრის პოზიციით დაინტერესდა და შეეცადა გაერკვია,, კოდექსის ამოქმედების  რამდენიმე წლით გადავადება  ხომ არ შეაჩერებს სამშენებლო პროცესს


„ერთბაშად ძალიან ბევრი  სირთულე დააწვა სამშენებლო სექტორს რეგულაციების კუთხით,  კიდევ რომ რამე დამემატოს ფიზიკურად ვერ შევასრულებთ სამუშაოს და გავჩერდებით.“-ამის შესახებ „კომერსანტს“  სამშენებლო  კომპანია „ივერონის“ დამფუძნებელი არჩილ ჯაყელი ესაუბრა.

 

მისი  ინფორმაციით, ერთი სექტორისთვის, ერთბაშად ამდენი ცვლილება არ შეიძლება. იმდენი  პროცესი და ნიუანსია გასათვალისწინებლი, თუნდაც,  ურთიერთობა მოსახლეობასთან, თანამშრომლებთან, ამ ყველაფერს როგორც მშენებლები, ასევე  ბაზარიც უნდა შეეჩვიოს  და შემდეგ უნდა მოხდეს დამატებითი რეგულაციების და სიახლეების ამოქმედება. 


„კოდექსის 10 წლით გადავადებას ვემხრობი, რადგან რეალურად დაინახეს პრობლემები, რაც სამშენებლო ბაზარზე შეიქმნა სულ მცირე დროში და ახალი რეგულაციით არ დაამძიმეს ისედაც რთული სიტუაცია. არ ვამბობ, რომ  რეგულაციები არ უნდა  შეემუშავებინათ, უბრალოდ, ეტაპობრივად მიგვეღო, ნაბიჯ-ნაბიჯ გაგვეანალიზებინა ის შედეგი, რაც რეგულაციებს მოჰყა.“- აღნიშნავს   ჯაყელი და  განმარტავს, რომ  ყოველი მომდევნო რეგულაციის ამოქმედებამდე აუცილებელია ის მთავრობამ კერძო სექტორთან შეათანხმოს. 


„10 წელი არ არის დიდი  დრო, თუ დავსხდებით და ერთად გავივლით  ყველა დეტალს, სამშენებლო კოდექსში რა ცვლილებებიცაა დაგეგმილი,  ბაზრისთვისაც უმტკივნეულო პროცესი იქნება. ასეთ დროს აუცილებელია, იმ მშენებლების აზრის გაზაირება, რომლებიც საქმეში ღრმად არიან ჩახედულები.  ვამბობდი, რომ ამდენი ცვლილების აღსრულება  რთული იქნებოდა . როგორც ძველი თბილისის შემთხვევაშია, რომელიც ფაქტობრივად  გაჩერებულია. იმ ტერიტორიაზე, ადამიანს სახლი, რომ ენგრეოდეს  თავზე  ვერაფერს  მოუხერხებს, ინვესტორი იქ ვერ შედის, ესაა რეგულაციის შედეგი.“-აცხადებს  არჩილ ჯაყელი.  


 

„საქართველოს მენაშენეთა  ასოციაციის“  წარმომადგენელი  თორნიკე აბულაძე აღნიშნავს, რომ ამ ეტაპზე კოდექსის მიღება ზედმეტია, თანაც  იმ  ფონზე, როდესაც  სამშენებლო სექტორში ამდენი სიახლეა.

 

„ბოლო დროს სამშენებლო სექტორი ძალიან დაიტვირთა სიახლეებით და ახალი რეგულაციებით, სწორედ ამის გამო ვემხრობი კოდექსის გადავადებას, გონივრული ვადით,  რომელიც 2 წლამდე განისაზღვრება.  ამ პერიოდში ისიც უნდა გავითვალიწინოთ,  რომ სხვა კანონი არ  მივიღოთ  მშენებლობასთან დაკავშირებით.  იმ ცვლილებებს,  რომელიც უკვე განხორციელდა, როდესაც  გავითავისებთ, შემდეგ გადავიდეთ ახალზე“-ამბობს აბულაძე.

 

 შეგახსენებთ, რომ საქართველოს პარლამენტი  ახალი სამშენებლო კოდექსის 10 წლით გადავადებას გეგმავს, - ამის შესახებ საქართველოს არქიტექტორთა კავშირის თავმჯდომარე დავით აბულაძე საუბრობს.


მისივე ინფორმაციით, თბილისის მერიის ინიციატივით, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტმა „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ შესატან ცვლილებებს მხარი დაუჭირა.  ამ მოთხოვნას, ცვლილების ავტორები, კოდექსის თბილისის მიწათსარგებლობის გენერალურ გეგმასთან შეუსაბამობით ხსნიან. საუბარია კოდექსის ყველაზე მნიშვნელოვანი ნაწილის ათი წლით გადავადებასა და ამ ნაწილში, თბილისისთვის საკუთარი ადგილობრივი წესების შემუშავების უფლების შენარჩუნებაზე. 


შეგახსენებთ, აღნიშნული კოდექსი 6 წლის განმავლობაში მუშავდებოდა, ერთი წლის წინ მიიღეს და ძალაში 3 დეკემბერს შევიდა.



ნათია ლომიძე 





რეგიონის ქვეყნების ვალუტებიდან მხოლოდ ლარი გაუფასურდა

რეგიონის ქვეყნების ვალუტებიდან მხოლოდ ლარი გაუფასურდა
access_time2021-06-25 18:00:54
რამდენიმე დღიანი გამყარების შემდეგ ლარმა კვირა გაუფასურებით დაასრულა. 25 ივნისის ვაჭრობის შედეგად ლარი დოლართან მიმართებაში 0.19 თეთრით 3.1489-მდე გაუფასურდა. Bloomberg-ის სავაჭრო პლატფორმაზე კი კურსი უცვლელად 3.1450-ზე ნარჩუნდება. დოლარის გარდა ლარი 0.1 თეთრით 3.7601-მდე გაუფასურდა, ფუნტთან მიმართებაში კი პირიქით 1.97 თეთრით 4.3789-მდე გაუფასურდა. რაც შეეხება მეზობელი ქვეყნების ვალუტებს, ლარი თირქულ ლირასთან 0.02 თეთრით 0.3626-მდე გამყარდა, აზერბაიჯანულ მანათთან 0.18...

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...


მსგავსი სიახლეები

up