მსგავსი კანონები ნაციონალური მოძრაობის ავტორიტარული მმართველობის პერიოდშიც კი არ მიუღიათ-ლევან კობერიძე

მსგავსი კანონები ნაციონალური მოძრაობის ავტორიტარული მმართველობის პერიოდშიც კი არ მიუღიათ-ლევან კობერიძე

access_time2020-05-21 09:05:33

საზოგადოებრივი ჯანმრთელობის შესახებ კანონში შესატანი ცვლილებები არის პირდაპირ დემოკრატიის წინააღმდეგ გადადგმული ნაბიჯი, უფრო მკაცრად ვიტყვი, ეს არის ავტორიტარიზმისკენ გადადგმული ნაბიჯი და მეტსაც გეტყვით, „ნაციონალური მოძრაობის“ პერიოდშიც, როცა პრაქტიკულად ავტორიტარიზმი იყო ქვეყანაში, მათაც კი მსგავსი ტიპის კანონები არ მიუღიათ , - ამის შესახებ ფრაქცია „დამოუკიდებელი დეპუტატების“ წევრმა ლევან კობერიძემ განაცხადა.

ლევან კობერიძის თქმით, აღნიშული ცვლილება ნიშნავს, რომ კანონის დონეზე მოხდეს ავტორიტარიზმისკენ ნაბიჯის გადადგმა.

„მინდა გთხოვოთ, დამისახელოთ, თუნდაც ერთი ან ორი დემოკრატიული ქვეყანა, რომელმაც ამ პირობებში, რაც დღეს არის მსოფლიოში, ასეთი გადაწყვეტილება მიიღო. ვგულისხმობ საპარლამენტო მმართველობის ქვეყნებს, როცა მთავრობას ასე უაპელაციოდ გადასცა ის უფლებამოსილებები, რომელიც კონსტიტუციით არის მისი და ის უნდა იყოს გარანტი ამ უფლებების. რომელ ქვეყანაში მოხდა ასე? გერმანიაში მაგალითად, ან ავსტრიაში? მსგავსი ქვეყნები თუ შეიძლება, მოიყვანოთ მაგალითად? რა სივრცისკენაც ჩვენ მივისწრაფით დემოკრატიის თვალსაზრისით, იმ ქვეყნებში სად ნახეთ, ვისგან მიიღეთ კონსულტაცია? ვის შეექმნა ასეთი სურვილი? ეს არის პირდაპირ დემოკრატიის წინააღმდეგ გადადგმული ნაბიჯი, უფრო მკაცრად ვიტყვი თუ შეიძლება, ეს არის ავტორიტარიზმისკენ გადადგმული ნაბიჯი და მეტსაც გეტყვით, „ნაციონალური მოძრაობის“ პერიოდის დროსაც, როცა პრაქტიკულად ავტორიტარიზმი იყო რეალურად ქვეყანაში, მათაც კი მსგავსი ტიპის კანონები არ მიუღიათ და „ქართულ ოცნება“, რომელიც სწორედ იმ ნიშნით მოვიდა, რომ იმ ავტორიტარიზმს ებრძოდა, ახლა იმაზე უარესს ვაკეთებთ - კანონის დონეზე გვინდა, რომ ავტორიტარიზმისკენ ნაბიჯი გადავდგათ“, - განაცხადა კობერიძემ.

მისივე თქმით, ამ კანონპროექტით საკარანტინე ღონისძიებების ფაქტობრივად საგანგებო მდგომარეობასთან გათანაბრება ხდება, რაც არაკონსტიტუციურია. კობერიძე მიიჩნევს, რომ საკონსტიტუციო სასამართლოს ამასთან დაკავშირებით ადეკვატურ გადაწყვეტილებას მიიღებს.

„თქვენ კი აღნიშნეთ, რომ თუ არაკონსტიტუციურია, კი ბატონო, მიმართეთ კონსტიტუციურ სასამართლოსო, ალბათ, ასეც იქნება, თუმცა, ეს კიდევ სხვა დროს მოითხოვს და დარწმუნებული ვარ ეს გადაწყვეტილება იქნება გამოტანილი საკონსტიტუციოს მიერ, რომ ეს აქტი არის არაკონსტიტუციური“, - აღნიშნავს კობერიძე.


მისივე თქმით, მისთვის გასაკვირია, თუ რატომ ხდება კანონპროექტის შემოტანა ჯანდაცვის კომიტეტის მხრიდან, მაშინ როცა კანონპროექტი ძირითადად ადამიანის უფლებებს ეხება. ლევან კობერიძემ იმედი გამოთქვა, რომ ადამიანის უფლებათა კომიტეტის თავმჯდომარე სოფო კილაძე ამ კანონპროექტთან დაკავშირებით კრიტიკულ მოსაზრებას დააფიქსირებს.

„ძალიან გაკვირვებული ვარ, რომ არ მოვისმინე ამ კანონპროექტთან დაკავშირებით ადამიანის უფლებათა დაცვის კომიტეტის თავმჯდომარის პროტესტი, ჯერ არ მომისმენია შეიძლება, ახლა მოვისმინო, შესაძლოა, იმიტომ არის შემოსული, ალბათ, თავის პროტესტს გამოთქვამს, აბსოლუტურად უკანონოდ გადაეცემა უფლებამოსილებები მთავრობას“ , - განაცხადა ლევან კობერიძემ.

ცნობისათვის, ახალი კანონპროექტი მთავრობას შეზღუდვების დაწესების საშუალებას საგანგებო მდგომარეობის გარეშე აძლევს. კანონპროექტის თანახმად, საკარანტინო ღონისძიებები ახლებურად განისაზღვრება და გულისხმობს ისეთ ღონისძიებებსაც, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან.

 

IPN





დღის Top 10 საინტერესო ამბავი

დღის Top 10 საინტერესო ამბავი
access_time2020-10-26 21:00:58
დღის Top 10 საინტერესო ამბავი: 1.კეთილდღეობის და სწრაფი განვითარების ლოზუნგით მოსული „ქართული ოცნების“ დეპუტატები 4 წლიან საქმიანობას აჯამებენ „კომერსანტი“ დაინტერესდა ამ დროის განმავლობაში რა გააკეთეს მმართველი პარტიის დეპუტატებმა მთავარი დანაპირების - „კეთილდღეობის და სწრაფი განვითარების“ შესასრულებლად, რის გამოც ოთხი წლის წინ ამომრჩევლებს ხმას სთხოვდნენ. როგორ აფასებენ...

26 ოქტომბერი - რეგიონში ყველა ვალუტა გაუფასურდა

26 ოქტომბერი - რეგიონში ყველა ვალუტა გაუფასურდა
access_time2020-10-26 18:30:27
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2285 ლარი...

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ
access_time2020-10-26 18:00:06
ფინანსური ანგარიშგებისა და აუდიტის რეფორმა პანდემიის პირობებში, როგორია რეფორმის შედეგები 4 წლის შემდეგ და რა მოლოდინები აქვთ აუდიტორულ კომპანიებს. „გრანთ თორნთონის“ მმართველი პარტნიორი, ვახტანგ ცაბაძე რადიო კომერსანტის გადაცემაში „ჩემი აუდიტორი“ მეოთხე კატეგორიის კომპანიებზე საუბრობს და აღნიშნავს, რომ საწარმოები რეფორმით გათვალისწინებული მოთხოვნების შესასრულებლად, ჯერჯერობით, მზად არ...

მთავრობა 48 მილიონი ლარის ღირებულების საწოლფონდის შესყიდვას გეგმავს

მთავრობა 48 მილიონი ლარის ღირებულების საწოლფონდის შესყიდვას გეგმავს
access_time2020-10-26 16:30:39
მთავრობამ საწოლფონდის შესაძენად გამარტივებული შესყიდვა გამოაცხადა. შესაბამისი განაცხადი უკვე ფიქსირდება სახელმწიფო შესყიდვების ეროვნული სააგენტოს ვებგვერდზე. სოციალური მომსახურების სააგენტომ კლინიკებთან უკვე გააფორმა ხელშეკრულებები 5,645,320 ლარის საწოლფონდის შესაძენად. შესყიდული საწოლი ადგილები თბილისსა და ქვეყნის სხვა რეგიონებში არის გადანაწილებული. ჯამურად, სოციალური მომსახურების სააგენტო 48 მილიონი ლარის ღირებულების საწოლფონდის შესყიდვას...

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს
access_time2020-10-26 14:30:55
კომპანია KTW ჯგუფი მზის ენერგიის გამოყენებას იწყებს. მომავალი 3 წლის განმავლობაში კომპანია პროექტში 3-4 მლნ დოლარის ინვესტიციას განახორციელებს. როგორც „ბიზნესპარტნიორს“ KTW ჯგუფის დამფუძნებელმა ზურაბ ჩხაიძემ განუცხადა, ამ დროისთვის უკვე განხორციელებულია 0,5 მლნ დოლარის ინვესტიცია, წლის ბოლომდე კი ჯგუფს ამ მიმართულებით 1 მლნ დოლარის ინვესტიცია ექნება განხორციელებული. მიკროელექტროსადგურის საშუალებით საწარმო გარემოზე მავნე ზემოქმედების გარეშე იღებს...


მსგავსი სიახლეები

up