მრავალწლიანი პაუზის შემდეგ დეპოზიტების დაზღვევის შესახებ კანონპროექტი მომზადდა

მრავალწლიანი პაუზის შემდეგ დეპოზიტების დაზღვევის შესახებ კანონპროექტი მომზადდა

person access_time2016-04-08 10:00:27

მრავალწლიანი პაუზის შემდეგ დეპოზიტების დაზღვევის შესახებ კანონპროექტი მომზადებულია და ის პარლამენტს ივნისში გადაეგზავნება. როგორც „კომერსანტს“ ფინანსთა სამინისტროში განუცხადეს, შემუშავებულია როგორც „დეპოზიტების დაზღვევის შესახებ“ კანონის პროექტი, ასევე სამოქმედო გეგმა, რომელთა შეთანხმებაც ამ ეტაპზე  დაინტერესებულ მხარეებთან მიმდინარეობს.


უწყების ინფორმაციით, კანონპროექტი სისტემაში კომერციული ბანკების სავალდებულო მონაწილეობას ითვალისწინებს.


როგორც ფინანსთა სამინისტროში აცხადებენ, საქართველოში დეპოზიტების დაზღვევის სისტემის დანერგვის მიზანს წარმოადგენს ქვეყნის საფინანსო სისტემის მდგრადობის უზრუნველყოფა, დანაზოგების წახალისება, ეკონომიკური ზრდის ხელშეწყობა და შიდა და გარე შოკების შემსუბუქება. ეს კი კომერციული ბანკების მიმართ საზოგადოებრივი ნდობის ამაღლებით მიიღება.

 

დეპოზიტების დაზღვევის სისტემის შემოღებით, მეანაბრეები დაცული არიან პოტენციური რისკებისგან, რომელიც შეიძლება დადგეს. თუ კომერციულ ბანკს დეპოზიტების ანაზღაურების პრობლემა ექნება, დაზღვეულ მეანაბრეს თანხის დიდი ნაწილი უკან დაუბრუნდება.

 

სპეციალისტები უკვე წლებია მიუთითებენ, რომ დეპოზიტების დაზღვევის სისტემის ამოქმედება ქვეყნის ეკონომიკისთვის განსაკუთრებით მნიშვნელოვანია.


 

როგორც ექსპერტები აცხადებენ, ამ სისტემის შემოღებით ყველაზე დაცულები მცირე მეანაბრეები არიან, რომელთა 97%-ის დანაზოგი არ აღემატება 3,600 ლარს. ასე რომ, ბანკის გაკოტრების შემთხვევაში, მცირე დეპოზიტორების უდიდესი ნაწილი თითქმის 100%-ით იქნებ დაცული. 

 

საქართველოში დეპოზიტების დაზღვევის პროექტი განხორციელების შესახებ გასული წლის დასაწყისში ეკონომიკის ყოფილმა მინისტრმა და ამჟამინდელმა პრემიერმა გიორგი კვირიკაშვილმა განაცხადა. სპეციალურად ამ კანონპროექტისთვის სამუშაო ჯგუფი შეიქმნა, რომელსაც ფინანსთა მინისტრი ხელმძღვანელბს, ამავე ჯგუფში არიან ეკონომიკის მინისტრი და ეროვნული ბანკის თავმჯდომარე.

 

"ეს სისტემა მოქმედებს თითქმის ყველა ჩვენნაირ ქვეყანაში და ამ სისტემის მთავარი მიზანი არის, რომ წვრილი დეპოზიტარი იყოს დაცული ეკონომიკაში სხვადასხვა რყევებისგან. ეს სისტემა აპრობირებულია საერთაშორისო გამოცდილებით და არავითარი ინოვაციური ამაში არ არის. ვფიქრობ, რომ ეს აუცილებლად განსახორციელებელი პროექტია საქართველოში. ამას გარდა, ასოცირების ხელშეკრულებით ჩვენ გვაქვს ვალდებულებაც, რომ ეს სისტემა დავნერგოთ", - განაცხადა გიორგი კვირიკაშვილმა ერთი წლის წინ.

 

საქართველოში დეპოზიტების დაზღვევის სისტემის დანერგვა 2005 წელს იყო განსაზღვრული. შესაბამისი ინიციატივით პარლამენტის საფინანსო-საბიუჯეტო კომიტეტი და ეროვნული ბანკი გამოდიოდნენ. კანონპროექტის შექმნაში გერმანიის რეკონსტრუქციის საკრედიტო დაწესებულების (KFჭ) ექსპერტები იღებდნენ მონაწილეობას. სისტემის ასამოქმედებლად KFW-მ მთავრობას დაბალპროცენტიანი გრძელვადიანი სესხიც გამოუყო, თუმცა პროექტზე მუშაობა შეჩერდა, რამდენადაც მაშინდელმა მთავრობამ გადაწყვიტა, რომ სესხად გამოყოფილი რამდენიმე მილიონი ევრო დეპოზიტების დაზღვევის სისტემის დანერგვის ნაცვლად ქალაქ ბათუმის საკანალიზაციო სისტემის რეაბილიტაციისთვის გამოეყენებინა.

 

2011 წელს, მსოფლიო ბანკის სამხრეთ კავკასიის კერძო და ფინანსური სექტორის კოორდინატორი ანჟელა პრიგოჟინა აცხადებდა, რომ საქართველო რეგიონში ერთადერთი ქვეყანაა, რომელსაც დეპოზიტების დაზღვევის სისტემა არ აქვს.

 

 

 



რა შეზღუდვები იხსნება ქვეყანაში ხვალიდან?

რა შეზღუდვები იხსნება ქვეყანაში ხვალიდან?
access_time2021-02-28 13:00:02
1-ელ მარტს, საქართველოში კორონავირუსის გავრცელების პრევენციის მიზნით დაწესებული შეზღუდვები კიდევ უფრო შემსუბუქდება. შესაბამისი გადაწყვეტილება უწყებათაშორისმა საკოორდინაციო საბჭომ პრემიერ-მინისტრ ირაკლი ღარიბაშვილის ხელმძღვანელობით მიიღო.ბათუმში 1-ლი მარტიდან, დანარჩენ საქართველოში კი, 8 მარტიდან რესტორნები სტუმრების მიღებას შეძლებენ, შაბათ-კვირის გარდა.კონფერენციები და ტრენინგები...

ბიზნეს საზოგადოება გაცილებით პატრიოტულად არის განწყობილი ქვეყნის მიმართ და გაცილებით ერთგულია, ვიდრე პოლიტიკოსები

ბიზნეს საზოგადოება გაცილებით პატრიოტულად არის განწყობილი ქვეყნის მიმართ და გაცილებით ერთგულია, ვიდრე პოლიტიკოსები
access_time2021-02-28 11:00:17
“მინდა ვუთხრა პოლიტიკოსებს და პარლამენტარებს, რომ ბიზნესს არ აინტერესებს მათი აბდაუბდის მოსმენა”-ეს განცხადება bm.ge-თან ბიზნესმენმა თემურ ჭყონიამ გააკეთა.ის ქვეყნის ეკონომიკის განვითარებაში ბიზნესის როლზე საუბრობს და პოლიტიკოსებს ბიზნესის კრიტიკის ნაცვლად ქვეყნის განვითარებაზე ზრუნვისკენ მოუწოდებს.“ბიზნესი მიეჩვია განვითარდეს, იპოვოს თავისი გაზა, მოუაროს თავის ბიზნესს. აღმოჩნდა, რომ ბიზნეს საზოგადოება...

თიბისი კაპიტალი 2021 წელს ეკონომიკის 4%-იან ზრდას ელის

თიბისი კაპიტალი 2021 წელს ეკონომიკის 4%-იან ზრდას ელის
access_time2021-02-28 10:00:11
თიბისი კაპიტალში საქართველოში იანვარში ეკონომიკის ორნიშნა ვარდნას მოლოდინებთან შესაბამისს უწოდებენ. ამავდროულად საინვესტიციო კომპანია არც წლის ეკონომიკური ზრდის პროგნოზს ცვლის და მიიჩნევს, რომ მომდევნო 2 თვეში ქვეყანაში იანვართან შედარებით ეკონომიკური ატივობა კიდევ უფრო გაუმჯობესდება.საინვესტიციო კომპანიაში განმარტავენ, რომ კლება ასახავს გასული წლის იანვრის მაღალ საბაზო ეფექტს, ლოქდაუნის შემოღების შედეგებს და ტურიზმისა და მასთან დაკავშირებული...

ჯო ბაიდენის პრეზიდენტობის ერთი თვის შედეგები

ჯო ბაიდენის პრეზიდენტობის ერთი თვის შედეგები
access_time2021-02-27 20:30:47
20 იანვარს დემოკრატი ჯი ბაიდენი აშშ-ს პრეზიდენტი ოფიციალურად გახდა. რისი გაკეთება მოასწო მან 1 თვეში?   1.ვაქცინაციის დაჩქარება აშშ-ს მოსახლეობის ვაქცინაცია ჯერ კიდევ 2020 წლის დეკემბერში დაიწყო თუმცა, ნელი ტემპებით მიმდინარეობდა.   1 თვეში ბაიდენის ადმინისტრაციამ ამ პროცესის დაჩქარება მოახერხა - ყოველკვირეულად სხვადასხვა შტატში 11 მლნ. დოზა იგზავნება, რაც დეკემბერთან შედარებით 57%-ით...

სატვირთო ავიაგადამზიდავები COVID-ვაქცინების მიწოდების მიზნით ერთიანდებიან

სატვირთო ავიაგადამზიდავები COVID-ვაქცინების მიწოდების მიზნით ერთიანდებიან
access_time2021-02-27 15:00:07
UNICEF-მა და 16 მსხვილმა საერთაშორისო ავიაკომპანიამ წამოიწყეს ინიციატივა, რომლის მიხედვითაც COVID-19-ის ვაქცინების და სხვა ჰუმანიტარული ტვირთის ტრანსპორტირებას ერთობლივი ძალებით მოახდენენ. გაეროს მიერ დაფინანსებულმა ორგანიზაციამ ინიციატივა – UNICEF Humanitarian Airfreight Initiative შემდეგ ავიაკომპანიებთან ერთად ჩამოაყალიბა: AirBridgeCargo, Air France – KLM, Astral Aviation, Brussels Airlines, Cargolux, Cathay Pacific, Emirates SkyCargo, Ethiopian Airlines,...


მსგავსი სიახლეები

up