მრავალფუნქციური  კომპლექსი ვაკეში მერიისგან მშენებლობის ნებართვას ელოდება

მრავალფუნქციური კომპლექსი ვაკეში მერიისგან მშენებლობის ნებართვას ელოდება

access_time2019-03-25 18:00:10

მრავალფუნქციური  კომპლექსი ვაკეში მერიისგან მშენებლობის ნებართვას ელოდება. საუბარია, პროექტზე, რომლის განხორციელება ძველი სტუდქალაქის ტერიტორიაზე იგეგმება.„კომერსანტი“ დაუკავშირდა თავად, პროექტის განმახორციელებელ კომპანია, შპს „დეველოპმენტი ჭავჭავაძეზე“  ხელმძღვანელ ივერი ჭალიძეს და პროექტის ირგვლივ დამატებითი დეტალების გაჟღერება სთხოვა.  როგორც  ჭალიძე განმარტავს, ამ დროისთვის კომპანიას თბილისის მერიაში სამშენებლო ნებართვის მისაღებად განაცხადი აქვს შეტანილი, შესაბამისად, ცოტა რთულია სათქმელია  მშენებლობის დაწყება/დასრულების ვადებზე ახლა საუბარი.

 

„შეტანილი მაქვს მერიაში განაცხადი,  გრგ-ს დავალების ეტაპზე ვართ. შესაბამისად, საკმაოდ დიდი პროცედურებია, რომელიც დროშია გაწელილი„-აღნიშნავს ჭალიძე.

 


მისივე განმარტებით, პროექტი განსაკუთრებით მნიშვნელოვანია იმ ნაწილში,რომ კომპლექსის მთავარი შეთავაზება ქალაქისადმი არის ჭავჭავაძის გამზირის არეალში, მიწის დონეზე უპრეცედენტოდ მცირე განაშენიანება, რაც გულისხმობს მიწის ნაკვეთის შენობით მხოლოდ 37%-ით ათვისებას. დანარჩენი 63% (4600 კვ. მეტრი) თავისუფალია ნაგებობებისგან და სრულად დათმობილია საზოგადოებრივ სივრცეზე.

 


„აღნიშნული საზოგადოებრივი დანიშნულების მრავალფუნქციური სივრცის ნახევარი ღიაა, სადაც მოწყობილია გამწვანებული ზონები, ხოლო მეორე ნახევარი გადახურულია შენობით. გადახურული 2300 კვადრატული მეტრის მქონე კეთილმოწყობილი საზოგადოებრივი თავშეყრის სივრცე წელიწადის ორთხივე დროს შეძლებს საჯარო ღონისძიებების მასპინძლობას. მას გარშემო შემოფარგლავს კომპლექსის ოთხი ძირითადი საყრდენი, რომლებშც განთავსდება აღნიშნული სივრცის მომსახურების და კვების ობიექტები“-აცხადებს ჭალიძე.

 


მისივე განმარტებით, ეს საჯარო სივრცე ჭავჭავაძის გამზირიდან მიქელაძის ქუჩამდე მთელს ტერიტორიას მოიცავს და ის არა მარტო თავშეყრის ადგილისა და მომსახურების ობიექტების ერთობლიობას ქმნის, არამედ აჩენს აქტიურ საფეხმავლო კავშირს ჭავჭავაძის გამზირსა და მის ჩრდილოეთით განაშენიანებას შორის. ეს მაშტაბური საფეხმავლო ინფრასტრუქტურა მოთხოვნილი განაშენიანების ინტენსივობის ძირითად მაკომპენსირებელ გარემოებად არის შემოთავაზებული.

 


დამატებით დაგეგმილია საავტომობილო კავშირიც ჭავჭავაძის გამზირსა და მიქელაძის ქუჩებს შორის. კომპლექსს მოემსახურება მრავალდონიანი მიწისქვეშა ავტოსადგომი, რომელიც  შენობის ფუნქციების შესაბამისად გაიმიჯნება.

 

მაღლივი კოშკების გამაერთიანებელი მოცულობა ძირითადად დათმობილია კომერციულ და საოფისე დანიშნულების ფუნქციებზე. მის გადახურვაზე კი 2300 კვ. მეტრის მქონე კეთილმოწყობილი სარეკრეაციო სივრცეა, რომელიც დაყოფილია სხვადასხვა ზონებად და განკუთვნილია მაცხოვრებლებისა და სასტუმროს სტუმრებისთვის.

 

მრავალფუნქციური კომპლექსი მოიცავს საცხოვრებელ, სასტუმრო, კომერციულ,საზოგადოებრივი თავშეყრის, გასართობ,სპორტულ-გამაჯანსაღებელ და აღნიშნული სახეობებისთვის საჭირო დამხმარე ფუნქციებს.





ავტორი: სოფო ქსოვრელი 

 






კრემლი დონბასში რუსული პასპორტების დარიგებას იწყებს - რა იქნება ხვალ?

კრემლი დონბასში რუსული პასპორტების დარიგებას იწყებს - რა იქნება ხვალ?
access_time2019-04-25 20:30:24
24 აპრილს ვლადიმერ პუტინმა  ხელი მოაწერა ბრძანებას დონეცკის და ლუგანსკის არაღიარებული რესპუბლიკების მოსახლეობისთვის რუსული პასპორტების გამარტივებული წესებით დარიგების თაობაზე. დადგენილებაში ნათქვამია, რომ განაცხადების განხილვის პროცედურა  3 თვემდე შემცირდა და წესები იქნება გაცილებით უფრო მარტივი, ვიდრე ჩვეულებრივად - მოქალაქეობის მისაღებად არ იქნება აუცილებელი სპეციალური გამოცდის ჩაბარება და რუსეთში 5 წლის მანძილზე...

გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...


მსგავსი სიახლეები

up