„მოხალისე მასწავლებელი“ - გიმნაზია „შავნაბადას“ ინიცირებული პროექტია, რომლის მიზანი საქართველოში განვითარებული მოვლენების ფონზე, სასკოლო საზოგადოების გაერთიანება და მომავალი თაობებისთვის ხელმისაწვდომი უფასო ონლაინ განათლების შესაძლებლობის მიცემაა. 

• ვინ არის “მოხალისე მასწავლებელი“?

ადამიანი, რომელიც მზად არის ონლაინ პლატფორმის მეშვეობით თავისი ცოდნა და გამოცდილება უსასყიდლოდ გაუზიაროს მომავალ თაობას. 

• ვის შეუძლია გახდეს მოხალისე მასწავლებელი?
საქართველოს მასშტაბით არსებული საგანმანათლებლო დაწესებულებების მასწავლებლებს, ლექტორებს...

• როგორ ჩაერთვებიან მოსწავლეები პროგრამაში?
მოხალისე მასწავლებლის პროგრამაში ჩართვა ნებისმიერ მოსწავლეს შეუძლია. ამისთვის საჭიროა მოსწავლე დარეგისტრირდეს და აირჩიოს სასურველი პროგრამა.

• რამდენ ხანს გაგრძელდება პროექტი?
პროექტი 3 თვის განმავლობაში გაგრძელდება, თუმცა, მოთხოვნის შემთხვევაში სამომავლო გეგმებსაც განვიხილავთ.

„მას შემდეგ რაც ქვეყანაში კორონავირუსის გავრცელების საფრთხის თავიდან ასაცილებლად საქართველოს ყველა ზოგადსაგანმანათლებლო დაწესებულებაში შეჩერდა ჩვეული ფორმით სასწავლო პროცესი და 16 მარტიდან დავიწყეთ დისტანციური სწავლება, ბევრი პრობლემა გამოიკვეთა. ბევრი მოსწავლისთვის სწავლის ახალი ფორმა ხელმიუწვდომელი იყო, ყველა სკოლამ ერთიანად ვერ აუღო ალღო ახალ გამოწვევბს (ეს ყველაზე ნაკლებად კერძო სკოლებს შეეხეოთ). ხშირ შემთხვევაში ინდივიდუალური პედაგოგები უფრო ართმევდნენ თავს პროცესებს, ვიდრე სისტემები, ამიტომ გიმნაზია „შავნაბადას“ გუნდმა გადავწყვიტეთ ამ რთულ პერიოდში მხოლოდ ჩვენი სკოლის მოსწავლეებზე არ უნდა გევზრუნა და დავიწყეთ მოხალისეობრივი საქმიანობა. ჩვენი სკოლის 20-მდე მასწავლებლის ინიციატივას, ქვეყნის მასშტაბით, ბევრი ძალიან კარგი პედაგოგი შემოუერთდა და ასე გაჩნდა პროექტი „მოხალისე მასწავლებელი“. უკევ პირევლი გაკვეთილებიც ჩატარდა და დღითიდღე უფრო მეტი მასწავლებელი გამოთქვამს სურვილს თავის ცოდნა უსასყიდლოდ გადასცეს მოსწავლეებს და თავის მხრივ მოსწავლეებიც აქტიურობენ. უახლოეს პერიოდში მოახალისე მასწავლებელს ექნება თავის ვებგვერდი (ამჟამად გიმნაზია „შავნაბადას“ გვერდს ვიყენებთ) და ვვარაუდობთ, პროექტი სასწლო პროცესის ჩვეულ რიტმში დაბრუნებდამდე ბევრი მოსწავლის ინტერესების გაღვიძებას და დაკმაყოფილებას შეუწყობს ხელს“, -აცხადებს გიმნაზია „შავნაბადას დირექტორი, პროექტის თანაავტორი ავთო აბდუშელიშვილი.

https://www.facebook.com/mokhalisemastsavlebeli/