მოთხოვნა არის – Skyup Airlines-ის გენერალური აგენტი საქართველოში

მოთხოვნა არის – Skyup Airlines-ის გენერალური აგენტი საქართველოში

access_time2021-01-25 10:30:00

უკრაინული ავიაკომპანია Skyup Airlines-ის გენერალური აგენტი საქართველოში კომპანია “ავიაქსელის” ხელმძღვანელი ამირან აბესაძე მიიჩნევს, რომ უკრაინა-საქართველოს შორის რეგულარული რეისების აღდგენის შემდეგ მგზავრთნაკადი გაიზრდება.



აბესაძე ამბობს, რომ ორივე მხრიდან მოთხოვნა მზარდია, თუმცა მაინც ყველაფერი სასაზღვრო რეგულაციებზე იქნება დამოკიდებული.



“ცხადია 1-ელი თებერვლიდან ავიაკომპანიები რეგულარულ ფრენებს ვერ დაიწყებენ და ეს სავარაუდოდ 7-10 თებერვლიდან მოხდება. ამ ეტაპზე მთავარია, როგორი იქნება საქართველოში უცხო ქვეყნების მოქალაქეების შემოსვლის რეჟიმი. რაც ამ ეტაპისთვის კონკრეტიზირებული არ არის. თუმცა გახსნის შემდეგ ვარადუდობთ, რომ თუ კი დღეს კვირაში ერთ ჩარტერული რეისია, კვირაში 7-8 რეგულარულ რეისს შევასრულებთ. მოთხოვნა ორივე მხრიდან არის”, განმარტავს “ავიაქსელის” ხელმძღვანელი.



ამირან აბესაძის თქმით, საქალაქთაშორისო ტრანსპორტზე დაწესებული რეგულაციები ტურისტების ჩამოსვლას ვერ შეაფერხებს, რადგანაც ისინი ქვეყანაში ძირითადად დაქირავებული სატრანსპორტო საშუალებებით გადაადგილდებიან. თუმცა ეს ყველაფერი კი ტურისტულ სააგენტოებს უბიძგებს, რომ უკრაინელ მგზავრებზე იმუშაონ და ერთიანი ტურისტული პაკეტები შესთავაზონ.



“ეს გარკვეული დისკომფორტია და რაღაც რაღაცეებს გააძვირებს მგზავრებისთვის, მაგრამ უნდა მოვერგოთ.




ძალიან ბევრ უკრაინელს აქვს შეძენილი უძრავი ქონება საქართველოში, განსაკუთრებით ბათუმში და 1 წელზე მეტია საქართველოში არ ყოფილან და ეს მოძრაობა აუცილებლად დაიწყება”, მიიჩნევს ამირან აბესაძე.



მისივე თქმით, Skyup Airlines-ი უკრაინა-საქართველოს შორის რეგულარულ ფრენებს საწყის ეტაპზე კიევი-თბილისი-კიევის საჰაერო ხაზზე განაახლებს და სათანადო მოთხოვნის გაჩენის შემდეგ კი კიევსა და ბათუმს შორისაც იფრენს.



“ვფიქრობთ საწყის ეტაპზე, ბათუმის მიმართულებაზე არ იქნება ისეთი ნაკადი, რომ რეისმა თავისი თავი გაამართლოს. ვგეგმავთ, რომ თბილისზე დავიწყოთ და მგზავრებს დავეხმაროთ საქალაქთაშორისო გადაადგილებაშიც. ამ მხრივ გარკვეული წვლილი ჩვენც უნდა შევიტანოთ”, აცხადებს ამირან აბესაძე.



შეგახსენებთ, რომ Skyup Airlines-ს საქართველოს ავიაბაზარი რეგულარული ფრენების დახურვის შემდეგაც არ დაუტოვებია. ავიაკომპანია უკრაინა-საქართველოს შორის ჩარტერულ რეისებს ასრულებდა და მგზავრების ტრანსპორტირების უფლება მხოლოდ თბილისი-კიევის მიმართულებაზე ქონდა.




avianews.ge








თეგები:
Skyup Airlines



„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე
access_time2021-04-16 17:15:15
„ქართული ოცნება“ მედიატორის მიერ შექმნილ დოკუმენტს ხელს საჯაროდ აწერს. ამის შესახებ განცხადება პარლამენტის თავმჯდომარემ არჩილ თალაკვაძემ პარტიის ოფისში გამართულ ბრიფინგზე ცოტა ხნის წინ გააკეთა. „ქართული ოცნება“ საჯაროდ აწერს ხელს ევროკავშირისა და ევროსაბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროსაბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა. ჩვენ დიალოგის დასკვნით შეხვედრაზევე დავაფიქსირეთ დოკუმენტის...


მსგავსი სიახლეები

up