„Motorola solutions“-ის რეგიონული მენეჯერი: „საქართველოში რთულია ხარისხიანი პროდუქტების გაყიდვა“

„Motorola solutions“-ის რეგიონული მენეჯერი: „საქართველოში რთულია ხარისხიანი პროდუქტების გაყიდვა“

access_time2018-11-09 19:00:00

ვალერი მოროზი „Motorola solutions“-ის  რეგიონული მენეჯერია მსოფლიოს სხვადასხვა წერტილში (ცენტრალური აზია, ავღანეთი, აზერბაიჯანი, ბელორუსი, საქართველო). ადამიანი, რომელიც უკვე წლებია ციფრული ტექნოლოგიის მიმართულებით ოპერირებს , საერთაშორისო ბაზარზე არსებული სტანდარტების მუდმივი თანმდევია და რაც მთავარია ერთ-ერთი გავლენიანი ბრენდის სახეა, „კომერსანტთან“ ექსკულუზიურ ინტერვიუში საქართველოს საინვესტიციო კლიმატსა და არსებულ გამოწვევებზე საუბრობს.

 

ბატონო ვალერი, პირველ რიგში, საინტერესოა უშუალოდ თქვენი შეფასება ქვეყნის საინვესტიციო გარემოზე, რას ფიქრობთ? როგორია საქართველოს მდგომარეობა ამ მიმართულებით?

 

„საქართველო ერთ-ერთი სწრაფად განვითარებადი ქვეყანაა და მთავარია ეს ტემპი არ შენელდეს. რაც შეეხება ინვესტიციას, არ იქნება სწორი „მოტოროლას“ სახელით ვისაუბრო, ამიტომ ჩემს პერსონალურ პოზიციას დავაფიქსირებ. უკვე 10 წელია, რაც საქართველოში ძალიან ხშირად ჩამოვდივარ- წელიწადში რამდეჯერმე, ამიტომ ვხედავ როგორ შეიცვალა ქვეყანა დადებითი კუთხით. უამრავი უცხოური კომპანია შემოდის საქართველოში; იდება მსხვილი ხელშეკრულებები... ასევე ვფიქორბ, რომ ეკონომიკური ზრდაც კარგი ტემპით ვითარდება, რაშიც შეუძლებელია დიდი წვლილი არ მიუძღვოდეს სწორედ უცხოურ ინვესტიციებს. საერთო ჯამში, ვფიქრობ წინსვლის კარგი ტემპია საქართველოში“.

 

რაც შეეხება სირთულეებს, როგორ ფიქრობთ რა არის დღეს ადგილობრივი ბაზრის მთავარი გამოწვევა?

 

„მაგალითად, როდესაც ხდება კონკრეტულ პროექტზე მუშაობა, ხშირად დროში ძალიან იწელება პროცესები-გადაწყვეტილების მიღება, კონტრაქტის გაფორმება და ა.შ. ოპერატიულობა მნიშვნელოვანია და ვისურვებდი ამ მხრივ ვითარება უფრო სტაბილური გახდეს“.


ბიუროკრატიული პროცესების გარდა, ასევე მნიშვნელოვანია უშუალოდ თქვენი შეფასება იმასთან დაკავშირებით, რას ფიქრობენ ინვესტორები; რა პრეტენზიები აქვთ, რა სურვილები ან რეკომენდაციებია საქართველოს მიმართ?


 

„პარტნიორები ძალიან ხშირად საუბრობენ  მაღალი კონკურეციის შესახებ ბაზარზე. კერძოდ, საქართველოში რთულია ხარისხიანი პროდუქტების გაყიდვა, რაც თავის მხრივ შესაბამისი ფასიც ღირს. როგორც წესი, მოსახლეობა შედარებით იაფფასიან პროდუქტს ყიდულობს, რაც უკვე ბაზრის სპეციფიკასაც განსაზღვრავს. ზოგადად ბევრ ქვეყანაშია მსგავი პრობლემა, მაგრამ მოცემულ შემთხვევაში ჩვენ ვსაუბრობთ საქართველოზე“.

 

გამოდის, რომ სოციალური ფენა საკმაოდ მძიმეა საქართველოში და სიღარიბის მაღალი დონე მათ შორის პირდაპირ დაკავშირებულია ინვესტიციების მოზიდვასთანაც...

 

„ხალხი პირველ რიგში ფასს უყურებს და ბევრი ამიტომაც არ დარდობს ხარისხზე, სერვისსზე, მომსახურებაზე... ალბათ, დიახ, ეს სოციალური პრობლემაა. ბევრი ღარიბია, თუმცა ამ მხრივ საქართველო არ არის გამონაკლისი ქვეყანა მსოფლიოში“.

 

რა უნდა გააკეთოს საქართველოს მთავრობამ არსებული ვითარების შესაცვლელად და პრობლემების მოსაგვარებლად?

 

„ჩემი მხრიდან რთულია ამაზე საუბარი. კიდევ ერთხელ განვმარტავ, რომ საერთო ჯამში მე მომწონს საქართველოს განვითარების ტემპი... კიდევ ერთი რამ, ძალიან კარგი ახალგაზრდა თაობა მოდის - განათლებული, ორგანიზებული...

მთავრობას ვურჩევდი ინვესტიცია სწორედ განათლებაში განახორციელოს, რადგან ეს არის ქვეყნის რეალური მომავალი. ახალგაზრდები თავიანთი ხედვებით, მიდგომებით, პრობლემების გადაჭრის სხვაგვარი ხერხებით ჩემთვის ყველაზე მნიშვნელოვანია. ვისურვებდი, რომ საქართველოში ახალგაზრდა თაობას სამშობლოშივე ჰქონდეს განვითარების  მეტი საშუალება და რესურსი, რათა ქვეყნის დატოვება არ მოუწიოს. აქვე გახდნენ რეალიზებულები“,- განმარტავს ვალერი მოროზი.

 


შეგახსენებთ, „Motorola solutions“-ის  რეგიონული მენეჯერი  ვალერი მოროზი საქართველოში  კონფერენციის ფარგლებში იმყოფებოდა. ღონისძიება სახელწოდებით „მოტოროლა სოლუშენს დღე საქართველოში“ ტრადიციულად ყოველწლიურად შემოდგომაზე იმართება ქ. თბილსში და მას ორი თანაორგანიზატორი: ქართული კომპანიები „ციფრული ტექნოლოგიები“ და „კომუნიკომი“ ჰყავს.




სალომე ლემონჯავა





კრემლი დონბასში რუსული პასპორტების დარიგებას იწყებს - რა იქნება ხვალ?

კრემლი დონბასში რუსული პასპორტების დარიგებას იწყებს - რა იქნება ხვალ?
access_time2019-04-25 20:30:24
24 აპრილს ვლადიმერ პუტინმა  ხელი მოაწერა ბრძანებას დონეცკის და ლუგანსკის არაღიარებული რესპუბლიკების მოსახლეობისთვის რუსული პასპორტების გამარტივებული წესებით დარიგების თაობაზე. დადგენილებაში ნათქვამია, რომ განაცხადების განხილვის პროცედურა  3 თვემდე შემცირდა და წესები იქნება გაცილებით უფრო მარტივი, ვიდრე ჩვეულებრივად - მოქალაქეობის მისაღებად არ იქნება აუცილებელი სპეციალური გამოცდის ჩაბარება და რუსეთში 5 წლის მანძილზე...

გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...


მსგავსი სიახლეები

up