დეკემბრიდან მომხმარებელთა განწყობის ინდექსი, რომელსაც ISET-ი ადგენს, მცირედ ოპტიმიზმს აჩვენებდა, თუმცა მარტიდან ოპტიმიზმი კვლავ პესიმიზმმა შეცვალა.

გამოკითხული მოსახლეობის უმეტესობა ამბობს, რომ ბოლო ერთი წლის განმავლობაში მისი და მისი ოჯახის ფინანსური მდგომარეობა გაუარესებულია. კერძოდ, 41.4% თვლის რომ მისი ფინანსური მდგომარეობა მცირედით გაუარესდა, ხოლო 18.2% ამბობს რომ მნიშვნელოვნად გაუარესდა. მომდევნო ერთ წელში სიტუაციის გაუმჯობესებას მოსახლეობის მხოლოდ 14.4% ელის, 23.2% თვლის რომ სიტუაცია არ შეიცვლება, 28% კი ელის რომ სიტუაცია კიდევ უფრო მეტად გაუარესდება.

მოსახლეობის მთავარ პრობლემას ფასები წარმოადგენს. გამოკითხული რესპოდენტების უმრავლესობა თვლის რომ ბოლო ერთ წელში სამომხმარებლო პროდუქციაზე ფასები გაზრდილია. კერძოდ, 46.4 % ამბობს რომ ფასები მნიშვნელოვნად გაიზარდა, 38% კი ამბობს რომ ზომიერად გაიზარდა. შედეგად მოსახლეობის 47% თვლის რომ ახლა ახალი შენაძენის გასაკეთებლად კარგი დრო არ არის. რესპოდენტების 45% ამბობს რომ ბოლო ერთ წელია ახალი შენაძენის გაკეთებისჰან უკვე თავს იკავებენ. მომხმარებლები არც დანაზოგის გაკეთებას გეგმავენ და რესპოდენტების 91% ამბობს რომ მომდევნო 1 წელში დანაზოგის გაკეთებას ვერ შეძლებს.

GBC.GE