„მოსახლეობის კეთილდღეობა რომ გაიზარდოს, ეკონომიკის ზრდის ორნიშნა მაჩვენებელი უნდა გვქონდეს“

„მოსახლეობის კეთილდღეობა რომ გაიზარდოს, ეკონომიკის ზრდის ორნიშნა მაჩვენებელი უნდა გვქონდეს“

access_time2017-12-01 12:30:00

2017 წლის განმავლობაში საქართველოს ეკონომიკა საპროგნოზო ,აჩვენებელზე მეტად იზრდება. ოქტომბერში კი მშპ  5,7%-ით გაიზარდა. მიუხედავად ამისა, ეს ყველაფერი მოსახლეობის კეთილდღეობაზე ნაკლებად აისახება, ქვეყნის მოსახლეობის 6% გადახდისუუნაროა.  

 

„კომერსანტი“ დაინტერესდა, რამდენად რეალურად ასახავს საქართველოს სტატისტიკის ეროვნული სამსახურის მიერ გამოქვეყნებული პროცენტული მაჩვენებლები იმ სოციალური ფონს, რომელიც ქვეყანაში არსებობს. ეკონომიკის დოქტორის, ირაკლი მაკალათიას განცხადებით, ეკონომიკური ზრდის ტემპი ძალიან დაბალია იმისთვის, რომ მოქალაქეებმა ეს საკუთარ ჯიბეზე მოკლე პერიოდში იგრძნონ.

 

„იანვრიდან გვაქვს ეკონომიკური მაჩვენებლის შედარებით მაღალი ზრდა, თუმცა მოსახლეობის კეთილდღეობაზე ზრდის ეს ტემპი ჯერ ვერ აისახება.  საერთაშორისოდ მიჩნეულია, რომ ეკონომიკური ზრდა მოკლევადიან პერიოდში ვერ იძლევა სწრაფ ეფექტს, შედეგის დასანახად უნდა გავიდეს 5-10 წელი.

 

რაც შეეხება ჩვენს ეკონომიკურ ზრდას, მაღალი ზრდა არ არის. შეგვიძლია ვთქვათ, რომ წინა წლებთან შედარებით უკეთესია, მაგრამ ძალიან დაბალი მაჩვენებელია, განსაკუთრებით ჩვენნაირი განვითარებადი ქვეყნისთვის. გერმანიისთვის, საფრანგეთისთვის და ასეთი ტიპის ქვეყნებისთვის ეს მაჩვენებელიც კარგია, რადგან მთლიანი რესურსები რაც აქვს ქვეყანას, უკვე ბრუნვაში აქვთ გაშვებული. საქართველოში, სადაც მთელი რიგი რესურსები ჯერ კიდევ სახელმწიფოს საკუთრებაშია, მაჩვენებელი გასაუმჯობესებელია. მითუმეტეს ჩვენ გვაქვს პოტენციალი, რომ ორნიშნა ზრდაზე გავიდეთ და შემდეგ უკვე მოსახლეობაც იგრძნობს ეკონომიკურ ეფექტს.


 

ეკონომიკური მაჩვენებლის ზრდის ერთ-ერთი განმაპირობებელი ფაქტორი იყო ექსპორტის ზრდა. ექსპორტი გაიზარდა რუსეთში, სადაც გაგვაქვს ალკოჰოლური სასმელები და ფეროშენადნობი პროდუქცია. ამ დარგებში წარმოების გაზრდა ვერ აისახება მოსახლეობაზე. რამდენი ყურძენი და სპილენძი უნდა გავიტანოთ? ისევ საბჭოთა კავშირში ვართ - ღვინოს და მინერალურ წყლებს ვერ გავცდით. მხოლოდ ღვინით და მინერალური წყლებით გაზრდილი ექსპორტი და შემდეგ ეს ასახული მთლიან შიდა პროდუქტში, ვერანაირ ეკონომიკურ ეფექტს ვერ მოგვცემს“,-განაცხადა ირაკლი მაკალათიამ.

 

თსუ-ს ანალიზისა და პროგნოზირების ცენტრის დირექტორის ვახტანგ ჭარაიას განცხადებით, ეკონომიკური ზრდის მაჩვენებელი ეკონომიკურ კეთილდღეობას არ ნიშნავს.

 

„ეკონომიკური ზრდის მაჩვენებელი საკმაოდ პოზიტიურია, თუმცა ეკონომიკური ზრდა პროცენტებში ყოველთვის არ ნიშნავს იმას, რომ რეალურად ქვეყანაში ეკონომიკური კეთილდღეობა გაიზარდა. შესაძლოა, ეკონომიკური ზრდა თუნდაც მაღალი ფასების ხარჯზე იქნას მიღწეული, რაც ჩვენს ქვეყანაში ნამდვილად გვაქვს. ეკონომიკური ზრდის მაჩვენებელთან ერთად საკმაოდ მაღალია ინფლაციის მაჩვენებელი, რაც მოსახლეობის ჯიბეზე პირდაპირ ურტყამს. ხოლო ეკონომიკური ზრდის მაჩვენებელი მოსახლეობაზე აისახება არა იმავე წელს, არამედ პერსპექტივაში, რამდენიმე წლის შემდეგ. ეკონომიკური ზრდით ჩვენ ვაფიქსირებთ, რომ ქვეყანაში გაიზარდა წარმოება ან ნაწარმოები პროდუქციის ფასები, ან შემოვიდა უფრო მეტი ინვესტიცია, ან გაიზარდა წმინდა ექსპორტი - მსგავსი ფაქტორებით შეიძლება იქნას მიღწეული ეკონომიკური ზრდის უკეთესი მაჩვენებელი, თუმცა ეს ყველაფერი მოსახლეობაზე არ აისახება იმავე წელს. ჩვენ ახლა ეკონომიკური ზრდის დაბალ მაჩვენებელს უფრო ვიმკით, რომელიც გვქონდა რამდენიმე წლის განმავლობაში, ვიდრე დღევანდელ მაღალი ზრდის მაჩვენებელს. ეს მოსახლეობაზე ვერ აისახებოდა ვერც ერთ ქვეყანაში, ამას სჭირდება გარკვეული დრო. თუმცა უნდა ვთვათ, რომ სამწუხაროდ, ინფლაცია ნამდვილად აწუხებს საქართველოს მოსახლეობას და შემოსავალი, რაც მათ აქვთ საკმაოდ სუსტია იმასთან შედარებით, რა ტემპითაც ინფლაციის მაჩვენებელი იზრდება“,-განაცხადა „კომერსანტთან“ ვახტანგ ჭარაიამ.

 

 

 

ავტორი: ნათია სოსიაშვილი




m2-ს გაყიდვების ინოვაციური კულტურა

m2-ს გაყიდვების ინოვაციური კულტურა
access_time2019-09-21 17:01:21
                                                                                              დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და...

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...

ბეჭდები ქვევრის თემაზე - Tsikolia-ს ახალი ხაზი

ბეჭდები ქვევრის თემაზე - Tsikolia-ს ახალი ხაზი
access_time2019-09-21 11:00:59
დიზაინერი ზვიად ციკოლია ქვევრის თემაზე საიუველირო ნაწარმის შექმნას იწყებს.   როგორც bm.ge-ის დიზაინერმა განუცხადა, ახალ ხაზში თავიდან იქნება ბეჭდები, რომელსაც დაემატება საყურეები, ყელსაბამები და ა.შ.   ბრენდს Tsikolia ერქმევა.   „ქვევრს მე ბევრნაირად ვხედავ. ის არის ჩვენი ერის საიდენტიფიკაციო ატრიბუტი, ამიტომ ვაგრძელებ ქვევრის ხაზს და მალე კიდევ ბევრ სხვა რამეს იხილავთ“, - უთხრა ციკოლიამ bm.ge-ის.   დიზაინერს...

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა
access_time2019-09-21 10:00:49
ხობის მუნიციპალიტეტის სოფელ ახალ ხიბულაში თანამედროვე სტანდარტებით აღჭურვილი ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. ფერმის ასაშენებლად ჯამურად 1,410,000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, სოფლისა და სოფლის მეურნეობის განვითარების სააგენტოს დირექტორთან ოთარ შამუგიასთან, სამეგრელო ზემო-სვანეთის...

„ყურძნის ბირჟა“ - მოსავლის გაყიდვის ალტერნატიული გზა ინტერნეტში

„ყურძნის ბირჟა“ - მოსავლის გაყიდვის ალტერნატიული გზა ინტერნეტში
access_time2019-09-21 18:00:07
უკვე რამდენიმე დღეა, ინტერნეტსივრცეში ვებსაიტი „ყურძნის ბირჟა“ გამოჩნდა. ვებგვერდზე თავად მევენახე წერს დეტალურად, რა ჯიშისა და რაოდენობის ყურძენი აქვს გასაყიდი, სად მდებარეობს ვენახი, რა ღირს ერთი კილოგრამი ყურძენი და როდის უნდა მოიკრიფოს მოსავალი. იქვე მითითებულია კონკრეტული მევენახის საკონტაქტო ინფორმაცია. როგორც ვებგვერდზე წერია, მისი შემქმნელები არიან სხვადასხვა პროფესიის ადამიანები და ერთადერთი მიზანი აქვთ...


მსგავსი სიახლეები

up