მოსახლეობას წელს ყველაზე მძიმე ზამთრის გადატანა მოუწევს

მოსახლეობას წელს ყველაზე მძიმე ზამთრის გადატანა მოუწევს

access_time2019-12-04 22:48:03

ინფლაცია ისევ მაღლა მიიწევს და უკვე 7%-ს მიაღწია. ეროვნულმა ბანკმა ინფალციის შესამცირებლად არაერთი ნაბიჯი გადადგა, თუმცა შედეგი არ ჩანს. ბოლო ათი წლის მანძილზე, მოსახლეობას წელს ყველაზე მძიმე ზამთრის გადატანა მოუწევს. სპეციალისტები ვითარებას მძაფრად აფასებენ და ამბობენ, რომ ახალ წლამდე არაფერი შეიცვლება, პირიქით, იმაზე მძიმე სიტუაცია იქნება, ვიდრე ოდესმე.


ქვეყანაში ინფლაცია თვიდან თვემდე იზრდება, დღითი დღე ძვირდება ყველა დასახელების პროდუქტი, როგორც იმპორტირებული, ისე ადგილობრივი. არის კომუნალური გადასახადების გაზრდის საფრთხე, განსაკუთრებით ზამთრის პერიოდში. ამიტომ მოსახლეობაში ჩნდება საფუძვლიანი შიში, რომ ზამთრის გადატანა უფრო რთული იქნება, ვიდრე წინა წლებში.


სტატისტიკის ეროვნული სამსახურიც ადასტურებს, რომ განსაკუთრებით გაძვირდა სურსათ და მათ შორის ადგილობრივი ნაწარმი - ხორცი - 13%-ით, პური - 12%-ით, რძის ნაწარმი - 15%-ით გაძვირდა, ალკოჰოლური სასმელი - 15%-ით, თამბაქო კი - 30%-ით.


ზამთარში პროდუქტზე ფასების დაკლების შანსი თითქმის აღარ არსებობს. მასშტაბურად გაძვირებული პროდუქციის გაიაფება, ფაქტობრივად, გამორიცხულია.


"ქართული ოცნებიდან" წასული დეპუტატი დავით ჭიჭინაძე აცხადებს, რომ ქვეყენაში მძიმე ეკონომიკური ფონია, რის გამოც მოსახლეობას ზამთრის გატადანა ძალიან გაუჭირდება. ინფლაციის ასე რეკორდულად გაუფასურებას და პროდუქტზე ფასები გაზრდას კი, ხელისუფლებისა და სებ-ის არასწორ ეკონომიკურ სვლებს მიაწერს.


"სიტუაცია ვერანაირად გაუმჯობესდება, რადგან ლარის გაუფასურების ტენდენცია თავიდან იმდენად გამოკვეთილი იყო, რომ მას ახლა ეწევა პროდუქციის გაძვირება. მაშინ, როცა ხელისუფლებას არ გააჩნია არანაირი პოლიტიკა და ყველაფერი თავის ნებაზე აქვს მიშვებული, მაშინ, როდესაც ინფლაციური პროცესები პიკზეა, რა თქმა უნდა, ეს თავისით არ შეჩერდება. ის მეთოდები კი, რომელსაც ხელისუფლება მიმართავს, არ არის გზა, რითაც ფასების გაზრდას უნდა ებრძოლო.


ჩვენ უფრო მეტი იმპორტი შემოგვაქვს და პრაქტიკულად, ადგილობრივი პროდუქციის წარმოების ხელშეწყობა არ ხდება. აქედან გამომდინარე, არანაირი წინაპირობაა არ არსებობს იმისა, რომ ქვეყანაში სტაბილურობა დამყარდეს. სადაც არ არის სტაბილურობა, იქ ვითარება ყოველთვის დაძაბულია.



ეკონომიკის, ფინანსთა სამინისტროს და ეროვნული ბანკის, რომელიც უშალოდ პასუხიმგებელია ინფლაციაზე, მეთოდები არ არის ეფექტური. პრაქტიკულად სახელმწიფოს როლი კრიზისის დროს ნულამდეა დაყვანილი. ეს, შესაძლოა, ვიღაცას მოსწონს, ვიღაცას არა, მაგრამ, სანამ სახელმწიფო ასეთ დროს განზე დგას, შედეგიც არ იქნება.


ზამთრის პერიოდში ცხოვრება ისედაც ძვირდება, რადგან მოსახლეობას კომუნალური გადასახადელები ეზრდება, მათი შემოსავლის დიდი ნაწილი კი გადასახადებში მიდის და საკვების შესაძენად ნაკლები თანხა რჩებათ. ის, რაც ახლა ქვეყანაში ხდება, კატასტროფულად ურტყამს მოსახლეობას", - განაცხადა "რეზონანსთან" დავით ჭიჭინაძე.


ფაქტია, რომ ქვეყანაში არსებული ეკონომიკური ვითარება მძიმდება. სიტუაციის დასტაბილურების ნაცვლად, ვითარება უფრო მეტად რთულდება, რაც პირველ რიგში, მოსახლეობის სოციალურ მდგომარეობაზე აისახება. ეკონომიკის ექსპერტი დემურ გიორხელიძე სიტუაციის უფრო გამწვავებას ელოდება.


"ახალ წლამდე არაფერი გაუმჯობესდება, პირიქით, ჩემი მოლოდინი ძალიან ნეგატიურია. აბსოლუტურად გაუგებარია ეროვნული ბანკის პრეზიდენტის პოზიცია. ის რაღაც გეოპოლიტიკური სქემების ფარგლებში აზროვნებს და ჰგონია, რომ ასეთი სისტემა როდესმე მუშაობდა და ახლაც ეფექტური იქნება.


ეროვნული ბანკის პოლიტიკა მიმართულია არა ეკონომიკის სწრაფ ზრდაზე და დასაქმების ხელშეწყობაზე, არამედ ინფლაციის მიზნობრივი მაჩვენებლის კონტროლზე. ასე ვერაფერი გაუმჯობესდება. ქვეყანა იმპორტზეა ჩამოკიდებული და ბუნებრივია, იმპორტიორები თავს იზღვევენ და არა მარტო ფასს ზრდიან, არამედ უარესის მოლოდინში შედარებით მეტ დოლარს იმარაგებნ, ვიდრე სჭირდებათ", - განაცხადა "რეზონანსთან" გიორხელიძემ.


სტატისტიკოსი გივი მომცელიძე ფიქრობს, რომ ინლაცია უკვე ვეღარ შემცირდება, შესაძლოა, გაიზარდოს კიდეც.


"ვფიქრობდი, რომ ნოემბერ-დეკემბერში შედეგი იქნება, მაგრამ აშკარად პირიქით მოხდა და ინფლაციის მაჩვენებელი გაიზარდა. სავარაუდოდ, დეკემბერში კიდევ მოიმატებს. რასაკვირველია იანვარ-თებერვალ-მარტში წინა წლის შესაბამის თვეებთან შედარებით მცირე იქნება და 5-6%-ს შორის დაფიქსირდება. თუმცა ესეც მაღალი მაჩვენებელია. ინფლაცია მიზნობრივ მაჩვენებელ ზაფხულისკენ უფრო დაუახლოვდება, ვიდრე მანამდე.


ასეთი ცუდი შედეგი, პირველ რიგში, სახელმწიფოს ეკონომიკრი პოლიტიკის გამო დადგა. პირველ რიგში სახელმწიფოს ვაბრალებთ, შემდეგ ეროვნულ ბანკს. მესამე მიზეზად ასევე ივნისის მოვლენები სახლდება, აგრეთვე რუსეთის მიერ ავიამიმოსვლის აკრძალვა. თუმცა, ამის წილი ისეთიც არაა, როგორ ხელისუფლება გვიხატავდა.


მე ლიბერალური ეკონომიკის მომხრე ვარ და ვფიქრობ, ასეთ დროს, რეგულაციების შრბილებაა გამოსავალი. დოლარში მინიმალური დარეზერვების 20%-მდე შემცირებამაც შეიძლება გამოასწოროს მდგომარეობა", - აღნიშნა "რეზონანსთან" საუბრისას გივი მომცელიძემ.


გვანცა წულაია
გაზეთი "რეზონანსი"

თეგები:
ინფლაცია



LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up