მოსახლეობა ლომბარდებს საშეღავათო პერიოდს სთხოვს

მოსახლეობა ლომბარდებს საშეღავათო პერიოდს სთხოვს

access_time2020-03-24 14:30:45

კორონავირუსის ზარალი უკვე მოსახლეობის სოციალურ-ეკონომიკურ მდგომარეობაზეც აისახა. ადამიანებმა, იმისთვის რომ ფინანსები მოიზიდონ, ნივთების დალომბარდება დაიწყეს. ასეთია ის, რეალობა, რომელშიც ქვეყანა უკვე რამდენიმე კვირაა ცხოვრობს.  


„მოსახლეობა პროცენტს ვერ იხდის, თუმცა,   ნივთების დალომბარდების მაჩვენებელი გაიზარდა“-ამის შესახებ „ კომერსანტს“ კერძო ლომბარდების მესაკუთრემ  განუცხადა. “შპს. LT”-ს მეპატრონე  ლალი თანდიაშვილი ამბობს, რომ  არის მეორე ტენდენციაც -შემოსავლის გარეშე დარჩენილი ადამიანები,პროცენტის გადახდას ვერ ახერხებენ და ლომბარდისგან საშეღავათო პერიოდს ითხოვენ.

 

„ნივთების დალომბარდების მაჩვენებელმა მოიმატა, ამის მიზეზი ხელფასის გარეშე დარჩენილი მოსახლეობაა. ხალხი სრულ პანიკაშია, შემოსავლის გარეშე დარჩნენ და   ცდილობენ სახსრები მოიძიონ. ასევე  გვთხოვენ საპროცენტო  შეღავათს, ჩვენის მხრივ თუ რამე შეგვიძლია დათმობაზე მივდივართ, მაგრამ ჩვენც ბანკებზე ვართ დამოკიდებულები და სრული დათმობა არ გამოგვდის.“-ამბობს ლალი თანდიაშვილი.

 

მოსახლეობის მხრიდან პროცენტის გადახდის პრობლემაზე საუბრობს კერძო ლომბარდის მესაკუთრე ნატალი გრძელიშვილიც, რომელიც  მომხმარებლებს მხოლოდ ჯარიმას უხსნის, პროცენტისგან კი ვერ ათავისუფლებს.

 

„მასობრივად უჭირთ შემოსავლის გარეშე დარჩენილ ადამიანებს პროცენტის გადახდა. ხშირია მომართვიანობა, რომ გადავუვადოთ ან ჯარიმები არ დავაკისროთ. საურავს არ ვახდევინებთ, თუმცა,ჩვენი შიდაგანაწესი არ გვაძლევს უფლებას, რომ პროცენტი გავუჩეროთ.“-ამბობს ნატალი გრძელიშვილი.

 

საშეღავათო პერიოდი მოითხოვა შპს  „კრო კრედიტისგან“ თორნიკე კაპანაძემ, რომელმაც გარკვეული თანხის სანაცვლოდ რამდენიმე თვის წინ მანქანა დაალომბარდა და თვეში მანქანის ღირებულების 40% იხდის. თუმცა, საშეღავთო პერიოდზე ავტოლომბარდმა უარი განუცხადა.


„მანქანიის ლომბარდი მაქვს „კრო კრედიტში“, შექმნილი ვითარების გამო დავურეკე ვთხოვე გადავადება, მაგრამ უარი მივიღე. პასუხად მითხრეს, რომ მათთან არ ვრცელდება გადავადება. სხვა გზა არ მაქვს და ვაგრძელებ სესხის გადახდას. “-ამბობს თორნიკე კაპანაძე.


შეგახსენებთ, რომ საქართველოს პრემიერ-მინისტრმა გიორგი გახარიამ ეკონომიკური გუნდის, ეროვნული ბანკისა და საბანკო სექტორის წარმომადგენლებთან, ეკონომიკური სტიმულირების გეგმა განიხილა. საბანკო სექტორმა კოორდინირებულ რეჟიმში თანამშრომლობისთვის მზადყოფნა გამოთქვა და მსესხებლებისთვის საშეღავათო პერიოდის შეთავაზება აქტიურად დაიწყო. მომდევნო 3 თვის განმავლობაში საქართველოს ბევრ მოქალაქეს შეუძლია სესხი არ გადაიხადოს. კორონავირუსის გავრცელების რისკებთან დაკავშირებით შექმნილი ვითარებიდან გამომდინარე კომერციული ბანკების გარკვეულმა ნაწილმა მომხმარებლებს სესხების 3 თვით გადავადება შესთავაზა.



ნათია ლომიძე







ტანსაცმლის მაღაზიებში გასახდელი ოთახები უქმდება

ტანსაცმლის მაღაზიებში გასახდელი ოთახები უქმდება
access_time2020-05-26 16:00:59
„რითეილ გრუპ ჯორჯიაში“ შემავალ ტანსაცმლის მაღაზიებში გასახდელი ოთახები უქმდება. ამის შესახებ კომპანიის დირექტორმა რეზო მაღალაშვილმა „ბიზნესპრესნიუსთან“ საუბრისას განაცხადა. მისი თქმით, იქიდან გამომდინარე, რომ ტანსაცმელი ინფექციის გადატანის მაღალ რისკად მიიჩნევა, პრევენციისთვის, კომპანიამ გარკვეული ზომების დამატება გადაწყვიტა. როგორც რეზო მაღალაშვილი ამბობს, ამის პარალელურად გაიზრდება პროდუქციის მიბრუნება-გადაცვლის პროცედურები. უკან მიბრუნებული ტანსაცმელი კი, დარბაზის...

სასტუმრო „რადისონ ბლუ ივერია“ სტუმრებს 8 ივნისიდან მიიღებს

სასტუმრო „რადისონ ბლუ ივერია“  სტუმრებს  8 ივნისიდან მიიღებს
access_time2020-05-26 17:15:05
სასტუმრო “რადისონ ბლუ ივერია” 8 ივნისიდან სტუმრებთან შესახვედრად ემზადება.სასტუმროს გუნდი მოხარულია კვლავ უმასპინძლოს სტუმრებს და აცხადებს, რომ პირველ ეტაპზე – 8 ივნისიდან გაიხსნება სასტუმროს გარე სივრცეები: “ივერია ტერასა” და “ივერია კაფე”. მეორე ეტაპზე -15 ივნისიდან სასტუმრო სრული დატვირთვით ამუშავდება, გაიხსნება ღია და დახურული აუზები.მესამე ეტაპზე – 22 ივნისს გაიხსნება იტალიური და აზიური რესტორნები – “ფილინი” და “უმამი” რადისონის ჯგუფისთვის...

„საქართველოს ხელისუფლებამ „გაზპრომთან“ მჭიდრო და კორუფციული ურთიერთობები დაამყარა“ -"ნაცმოძრაობას” გიორგი გახარიასთან კითხვები აქვს

„საქართველოს ხელისუფლებამ  „გაზპრომთან“  მჭიდრო და კორუფციული ურთიერთობები დაამყარა“ -
access_time2020-05-26 15:00:12
ფრაქცია "ნაციონალური მოძრაობის" თავმჯდომარის რომან გოცირიძის განცხადებით,როდესაც პრემიერ-მინისტრი გიორგი გახარია პარლამენტში კითხვებზე საპასუხოდ მივა, "ნაციონალური მოძრაობა” აპირებს „გაზპრომთან“ დაკავშირებით დაუსვას კითხვა. "რა თქმა უნდა, ჩვენ დავუდებთ პრემიერს გათვლებს, ამ სამი წლის განმავლობაში, როდესაც კონტრაქტი შეცვალა საქართველოს მთავრობამ რუსეთთან, რა რაოდენობის ზარალი განიცადა ქვეყანამ, რატომ აზარალეს ქართული სახელმწიფო, რატომ არაფერს ვიღებთ ჩვენ გაზის...

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

როგორც შეძლებს მომხმარებელი ელექტროენერგიის ღირებულების შემცირებას

როგორც შეძლებს მომხმარებელი ელექტროენერგიის ღირებულების შემცირებას
access_time2020-05-26 18:30:36
საათობრივი ვაჭრობის ამოქმედების შემდეგ, მივიღებთ აქტიურ მომხმარებელს, რომელსაც მის მიერ მოხმარებული ელექტროენერგიის ღირებულების შემცირება შეეძლება – ამის შესახებ საქართველოს ენერგეტიკული ბირჟის ხელმძღვანელმა ირინა მილორავამ გადაცემა “ბიზნესპარტნიორის ოთხეულში” განახადა. როგორც მილორავამ განმარატა, ახალი ბაზრის წესებით, საათობრივი ვაჭრობა ინერგება საბითუმო დონეზე და შემდეგ გავრცელდება...


მსგავსი სიახლეები

up