სარეიტინგო სააგენტომ Moody's დაადგინა, რა ტიპის ქვეყნები დაზარალდნენ პანდემიისგან ყველაზე მეტად და მომავალში რა სახის პრობლემები გახდება მთავარი გამოწვევები როგორც ცალკეული ქვეყნებისთვის, ასევე მთლიანად გლობალური ეკონომიკისთვის.
ყველაზე მეტად აღდგენა გაუჭირდებათ ქვეყნებს, რომლებიც ცალკეულ დარგებზე არიან დამოკიდებულები - განსაკუთრებით კი ტურიზმზე.
სააგენტოს ექსპერტთა შეფასებით, პანდემიური კრიზისიდან გასვლა სხვდასხვა ქვეყნებისთვის განსხვავებული იქნება - ზოგიერთი ამას უფრო სწრაფად და უმტკივნეულოდ მოახერხებს - პირველ რიგში ეს დამოკიდებულია ეკონომიკების სტრუქტურაზე და ვაქცინაციის დონეზე.
ანალიტიკოსებმა ქვეყნები 3 ჯგუფად გაანაწილეს - მთავარი კრიტერიუმია პამდემიამდელ ეკონომიკასთან შედარებით ვარდნის მასშტაბი.
პირველ ჯგუფშია ქვეყნები, რომელთა ეკონომიკა მხოლოდ 2%--ით დაეცა, მეორეში - 8%-დე, და მესამეში - ყველაზე დაზარალებული ქვეყნები, რომელთა ეკონომიკა 2019 წელთან შედარებით 8%-ზე მეტად შემცირდა.
ყველაზე მძიმედ პანდემია ფორმირებად და „მოსაზღვრე“ ეკონომიკების მქონე ქვეყნებზე აისახა, რისკის ზონაშია ქვეყნები, რომლებიც პანდემიის გარეშეც საგარეო ვალებზე სასიცოცხლოდ დამოკიდებულები არიან - ისეთები, როგორც შრი-ლანკა, სურინამი, ლაოსი, ინდოეთი, ტუნისი და პერუ.
შედარებით მარტივად კრიზისს განვითარებული ქვეყნები დაძლევენ - აშშ, დასავლეთ ევროპის სახელმწიფოები და ჩინეთი.
პირველ რიგში ამას ხელს შეუწყობს ამ სახელმწიფოების ეკონომიკების დივერსიფიცირების ძალიან მაღალი დონე და მთავრობების მიერ გაწეული უზარმაზარი ხარჯები. მდიდარ ქვეყნებში ასევე სხვებზე სწრაფად მიმდინარეობს ვაქცინაცია, რომელიც მათ ეკონომიკის შეუფერხებელი ზრდის საშუალებას აძლევს.
ზომიერი ზარალის ქვეყნებს შორისა რუსეთი, მექსიკა, ბრაზილია და ავსტრალია, რომელთა ეკონომიკების ვარდნა 2-დან 8%-მდე იქნება.
Moody's-ის ექსპერტების აზრით, პანდემიამ კიდევ უფრო გაართულა უკვე არსებული პრობლემები, მაგალითად ისეთები, როგორც საბიუჯეტო დეფიციტი და დავალიანების ზრდა, რაც საბოლოო ჯანში შემოსავლების შეამცირებს, უთანასწორობას გააღრმავებს და სიღარიბეს გაზრდის.
2021 წელს გლობალური ეკონომიკა 5,7%- ით გაიზრდება, 2023 წელს კი - ზრდა 3,3%-მდე შემცირდება.
მოხსენებაში განსაკუთრებული ყურადღება ტურიზმზე დამოკიდებულ ქვეყნებს ეთმობა. პანდემიისგან ყველაზე მეტად სწორედ ისინი დაზარალდნენ, თუმცა, ზოგიერთ ქვეყნებში ტურიზმის აღდგენა მოსალოდნელზე სწრაფად ხდება - ეს ძირითადად ეხება ისეთ ქვეყნებს, სადაც ტურისტები ძირითადად ავტომობილებით ჩადიან - მაგალითად, ხორვატიას.
ამავე დროს სხვა პოპულარული ტურისტული მიმართულებები, რომლებიც ავიამიმოსვლაზე არის დამოკიდებული, ტურისტების დეფიციტს განიცდიან - ასეთ ქვეყნებს შორისაა ტაილანდი, ინდონეზია, და ა.შ.
ასევე მნიშვნელოვნად დაზარალდებიან ქვეყნები, რომელთა ეკონომიკების დიდი წილი ვაჭრობაზე და სერვისზეა დამოკიდებული.
პანდემია
