უახლოესი 5 წლის მანძილზე მოსახლეობის დაბერება ეკონომიკურ ზრდას 0,9 პ.პ.-ით შეანელებს. ყველაზე ასაკოვანი რეგიონი ევროპა იქნება.
პანდემიასთან დაკავშირებული კრიზისიდან ევროპის, შტატების და სხვა განვითარებული ქვეყნების გამოსვლის მიუხედავად, უახლოეს ათწლეულში დემოგრაფიული გადასვლა ეკონომიკური ზრდის ტემპებს მნიშვნელოვნად შეამცირებს. სავარაუდოდ, ზრდის კლება 2020-2025 წლების მანძილზე 0,9 პ.პ. იქნება,
დედამიწის მოსახლეობის რაოდენობის მატების შემცირება წარმოების ზრდის ტემპებს შემცირების ფონზე ხდება. მოსახლეობის დაბერება კი ჯანდაცვაზე და სოციალურ უზრუნველყოფაზე სახელმწიფო დანახარჯების მნიშვნელოვნად ზრდის.
შრომისუნარიანი მოსახლეობის გლობალური ზრდა უახლოესი 20 წლის მანძილზე 50%-ით შემცირდება. ყველაზე მეტად ევროპა დაბერდება, ხოლო ცალკეული ქვეყნები - გერმანია, იტალია, ესპანეთი, იაპონია, სამხრეთ კორეა, მოსახლეობის შემცირების წინაშეც დადგებიან. აშშ-მი და ბრიტანეთში შრომისუნარიანი მოსახლეობა გაიზრდება, თუმცა, უმნიშვნელოდ, განსაკუთრებით წინა ათწლეულებთან შედარებით.
მოსახლეობის დაბერება ჯანდაცვის და სოციალური პროგრამების რეალიზების კუთხით გრძელვადიან სტაბილურობას რისკებს უქმნის. თუ ადრე განვითარებულ ქვეყნებში ადგილობრივი მუშახელის დეფიციტის შევსების საშუალება მიგრაცია იყო, დღეს მიგრანტების მოზიდვა საკმარისი არაა.
დაბერებულ ქვეყნებში ეკონომიკური ზრდის ერთ-ერთი წყარო სამუშაო ძალაში ქალების და ასაკოვანი თანამშრომლების ჩართვა იქნება. გარდა ამისა, დაბერების ნეგატიური შედეგებს ინოვაციების და ტექნოლოგიების დანერგვა შეარბილებს.
ციფრული ტექნოლოგიები და ხელოვნური ინტელექტი წარმოების ეფექტურობის ზრდის შემდეგი ნაბიჯი იქნება. თუმცა გასათვალისწინებელია ისიც. რომ მოწინავე ტექნოლოგიების დანერგვა მნიშვნელოვან ცვლილებებს, მათ შორის კერძო და სახელმწიფო ინვესტიციებს ადამიანურ კაპიტალში, განათლებაში და კადრების კომპლექსურ გადამზადებაში მოითხოვს.
მსოფლიო ბანკის მონაცემებით, პანდემიასთან დაკავშირებული მკვეთრი ვარდნის შემდეგ, 2021 წელს გლობალური წარმოება 4%-ით გაიზრდება, მაგრამ ეს ზრდა მოსალოდნელზე ბევრად დაბალი იქნება. 2022 წელს ზრდა 3,8%-მდე შემცირდება.
გაეროს დემოგრაფიული პროგნოზის თანახმად, 2030 წლისთვის დედამიწის მოსახლეობა 8,5 მლრდ. ადამიანამდე გაიზრდება, მაგრამ ამავე დროს მოსახლეობის ყოველწლიური მატების მაჩვენებელი მცირდება - 1965-1970 წლებში ეს 2,1%-ს შეადგენდა, 2015-2020-ში - 1,1%-ს შეადგენდა. ეს მხოლოდ დასაწყისია - შემცირება შემდგომშიც გაგრძელდება.
კაცობრიობის საშუალო ასაკი 1970 წლიდან იზრდება, და დღეს 31 წელს შეადგენს, ხოლო 2030 წლისთვის 33-ს, 2050-სთვის კი 36,2 წლამდე მოიმატებს.
ჯანდაცვის მსოფლიო ორგანიზაციის კრიტერიუმების მიხედვით, ქვეყნის მოსახლეობა დაბერებულად მაშინ ითვლება, როდესად 65 წლის და უფროსი ადამიანების წილი 7%-ს შეადგენს.
წყარო: .moodys.com