მონოპოლიის საფრთხე თუ გაზრდილი კონკურენცია ტაქსების ბაზარზე - B კატეგორიის ტაქსებისთვის ახალი პლატფორმა იქმნება

მონოპოლიის საფრთხე თუ გაზრდილი კონკურენცია ტაქსების ბაზარზე - B კატეგორიის ტაქსებისთვის ახალი პლატფორმა იქმნება

access_time2019-10-14 20:51:04

ტაქსების რეფორმის მიმდინარეობის პარალელურად საქართველოში ქართული ლოჯისტიკური ტაქსის ტექნოლოგიური პლატფორმა "აქსელი" ფუძნდება.

როგორც საქართველოს ტაქსების ფედერაციაში განმარტავენ, „აქსელი“ ისეთივე ტაქსის გამოძახების სერვისი იქნება, როგორიც მაგალითად, ტაქსი „მაქსიმი“, My Taxi, „თბილისი ტაქსი“, „იანდექსი“ და სხვა, რომლებიც საქართველოში გამოძახებით მუშაობენ.

ტაქსების ფედერაციის პრეზიდენტის ზურაბ აგლაძის თქმით, "აქსელის" შექმნის მიზანი ტაქსის მძღოლებისთვის, უფრო მოქნილი და ფინანსურად მომგებიანი სამუშაო პირობების შექმნაა და ფიქრობს, რომ აღნიშნული სერვისით განსაკუთრებით B კატეგორიის ტაქსის მძღოლები დაინტერესდებიან.

„B კატეგორიის ტაქსის მძღოლებს სჭირდებათ უფრო მოქნილი აპლიკაცია, ვიდრე დღეს აქვთ და მითუმეტეს ქართული, რადგან ვფიქრობთ, რომ ქართველები უპირატესობას ტაქსის ქართულ პლატფორმას მიანიჭებენ. ამასთან, "აქსელი“ ტექნოლოგიურად უფრო დახვეწილი იქნება, ვიდრე სხვა აპლიკაციები. გარდა ამისა, სატარიფო პოლიტიკაც უფრო მოქნილი და საქართველოს სოციალურ პირობებზე ორიენტირებული გვექნება“, - განაცხადა აგლაძემ.

ქართული ლოჯისტიკური ტაქსის ტექნოლოგიური პლატფორმის "აქსელის" დაფუძნებას ნიუ-იორკში მცხოვრები ქართველი რიჩარდ ყურაშვილი აპირებს. მისი თქმით, "აქსელი" ნულოვანი მოგების მიზნით ფუძნდება და პირველ ჯერზე კომპანია 1000-მდე მძღოლს დაასაქმებს.

„ნებისმიერ ტაქსის კომპანიას თავის საქმიანობაში ჩადებული აქვს მოგების რაღაც ინტერესი, ჩვენ შემთხვევაში კი მოგების ინტერესი ნულოვანია. ამასთან, იმ მგზავრების მონაცემი, რომელსაც ჩვენი ტაქსი გადაიყვანს, იქნება მაქსიმალურად დაცული. 22 წელია ნიუ - ორკში იგივე სფეროში ვმუშაობ. საკმაოდ ნორმალურად ვარ და საქართველოზე ფულის შოვნას არ ვაპირებ, ჩემი მიზანია ჩამოვიდე და ხალხს დავეხმარო. რაც შეეხება ტაქსის მძღოლებს, მათ შეუძლიათ საკუთარი ავტომობილებით ჩაერთონ „აქსელში" და მიიღონ უფრო კარგი პირობები“, - განაცხადა ყურაშვილმა.

არასამთავრობო ორგანიზაციების ნაწილს მიაჩნია, რომ ბაზარზე ისეთი კომპანიის შემოსვლა, რომელიც მოგების გარეშე აპირებს მუშაობას, ეჭვს აჩენს, რომ უკვე არსებული სხვა კომპანიების ჩაძირვაზეა ორიენტირებული, რაც ცუდია და ბაზარზე მონოპოლიას გამოიწვევს.

„რთულად დასაჯერებელია, რომ კომპანია შემოდის გარკვეულ ინვესტიციას ახორციელებს ქვეყანაში და თან ამბობს, რომ მოგების ინტერესი არ გააჩნია. თუ თვითონ არ იღებს მოგებას, ეს ნიშნავს, რომ სხვა კომპანიების გაკოტრებას ემსახურება და ამ გზით შეუძლია მონოპოლისტი გახდეს B კატეგორიის ტაქსებში. მითუმეტეს, მსგავსი გამოცდილება უკვე გვაქვს. კერძოდ, როდესაც „იანდექს ტაქსი“ ძალიან დაბალი ფასებით შემოვიდა საქართველოში, ამან ბაზარზე პრობლემა შექმნა. დაახლოებით, „აქსელის“ პოლიტიკაც იანდექსის გეგმას ჰგავს, რაც ნიშნავს, რომ ტაქსების ბაზარზე სრული ქაოსია და კაციშვილი მომკითხავი არ არის.

ეჭვი მიჩნდება, რომ „აქსელის“ შემოსვლა საქართველოში იქნება დარტყმა აქ მოქმედი უკვე არსებული კომპანიებისთვის და ისედაც მთლიანად დანგრეულ და მოშლილ სატაქსო ბიზნესს კიდევ ერთ სერიოზულ დარტყმას მიაყენებს. ამ გაუგებრობას კი თბილისის მერიაც უწყობს ხელს გაურკვეველი რეგულაციებით და თუ ასე გაგრძელდა საბოლოოდ, მხოლოდ რამდენიმე გამსხვილებულ ტაქსის კომპანიას მივიღებთ ბაზარზე“, - განაცხადა „ტრანსპორტისა და გზების ასოციაციის“ თავმჯდომარემ დავით მესხიშვილმა.

საქართველოს ტრანსპორტისა და გზების მუშაკთა პროფკავშირებში კი "აქსელის" დაფუძნებას დადებითად აფასებენ და ამბობენ, რომ მისი ბაზარზე შემოსვლა კონკურენციას გაუწევს ისეთი ქვეყნის ტაქსის კომპანიას, რომელიც საქართველოს ტერიტორიულ მთლიანობას არ აღიარებს.

„მხარს ვუჭერ იმიტომ, რომ "აქსელი" არის ქართული პროდუქტი, ქართველების მიერ შექმნილი პროგრამა, რომელმაც დიდი კონკურენცია უნდა გაუწიოს სპეცაგენტების მიერ შექმნილ „იანდექსს“. მე მაქვს ასეთი მოწოდება, რომ „არა ოკუპაციას“, „არა „იანდექსს“. „იანდექსი“ არის იმ ქვეყნის კომპანია, რომელიც არ ცნობს საქართველოს ტერიტორიულ მთლიანობას“, - განაცხადა ალანიამ.

შეგახსენებთ, რომ ტაქსების რეფორმა გასულ წელს მათი ლიცენზირებითა და რეგისტრაციით დაიწყო. მიმდინარე წლის პირველი ოქტომბრიდან კი რეფორმის ფარგლებში, თბილისში A და B კატეგორიის ტაქსები მოძრაობენ. როგორც ცნობილია, A კატეგორიის ტაქსები თეთრი ფერისაა და მგზავრის აყვანა ქუჩიდან და გამოძახებით შეუძლიათ. ისინი დედაქალაქის სხვადასხვა უბანში, გადასახადის გარეშე უფასო პარკინგითაც სარგებლობენ, რაც B კატეგორიის ტაქსებზე არ ვრცელდება. დღეის მდგომარეობით, საქართველოში დაახლოებით 16 ათასზე მეტი ლიცენზირებული ტაქსია, რომელთაგან 8 000 - A კატეგორიის, ხოლო 8 000 B კატეგორიის არის.


BPN




იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up