ახალმა გამოწვევებმა მსოფლიო და შრომითი ბაზარი ახალი რეალობის წინაშე დააყენა, შეიცვალა მომხმარებლის ქცევა, დასაქმებისა და შრომითი ურთიერთობების პრაქტიკა, შესაბამისად შრომის ბაზარიც. კონკრეტულ პროფესიებზე შემცირებული მოთხოვნის კვალდაკვალ გაჩნდა ახალი პროფესიების საჭიროება, ისეთის როგორიცაა IT და ციფრული  ტექნოლოგიები, საცალო და მომსახურების სერვისები.  გამოწვევაზე ლოგიკური  პასუხი არის ახალი უნარ-ჩვევების შეძენა და  ახალი შესაძლებლობების განვითარება.

სწორედ ამ მიზანს ემსახურება ახალი პროექტიც, რომელიც „საქართველოს ბანკმა“, საკონსულტაციო და რეკრუტინგულ კომპანია „ინსორსთან“ თანამშრომლობით, მომავლის პროფესიების  გამოსარკვევად დაიწყო.

პროექტი  ახალი შესაძლებლობების ჰორიზონტს აჩენს და ამ მიმართულებით სწორი ორიენტირის აღების, ახალგაზრდა თაობისთვის სწორი არჩევანის გაკეთებაში ხელშეწყობას გულისხმობს.

კონტენტი დღეს მნიშვნელოვან როლს თამაშობს ბრენდისა და მომხმარებლის წარმატებულ კომუნიკაციაში, სწორედ ამიტომაა კონტენტმენეჯერიც მომავლის პროფესია. ბრენდინგისა და კომუნიკაციების კონსულტანტი, ნათია გოგია გვესაუბრება კონტენტმენეჯერის პროფესიაზე და მის მნიშვნელობაზე.

„მჯერა, რომ დღევანდელ მარკეტინგში შინაარსი  სულ უფრო მეტ ყურადღებას იძენს, რადგან გადატვირთულ ინფორმაციულ ნაკადებში ძალიან რთულია, რომ ყურადღება სტანდარტული სარეკლამო მესიჯებით მიიპყრო, ამიტომ სულ უფრო მნიშვნელოვანი ხდება სწორი შინაარსის  შექმნა, რაც ჩვენი მომხმარებლისთვის იქნება საინტერესო, ყურადღების მიმქცევი, ღირებული და ჩვენი ბრენდის რელევანტური.

განსხვავებით ტრადიციული მარკეტინგული კომუნიკაციებისგან კონტენტის მარკეტინგის სტრატეგია უკვე ორიენტირებულია ადამიანებზე და არა პროდუქტებზე, ზოგადად  კონტენტ მარკეტინგის დისციპლინამ სამი ახალი სამუშაო პოზიცია  შექმნა. ესენია: კონტენტმენეჯერი, კონტენტ კრეატორი და კონტენტ მარკეტერი, თუმცა რადგან ეს დარგი ჩვენთან ახალია, ხშირად კონტენტ მენეჯერი ამ სამივე საქმიანობას მოიცავს.კონტენტ მენეჯერის როლი კომპანიაში ბრენდის ონლაინ სივრცეში დამკვიდრებაა, კონტენტ მენეჯერი ქმნის, წერს და აქვეყნებს  კონტენტს, რაც გულისხმობს მულტიმედიურ სტატიებს, ბლოგებს, სურათებს ან ვიდეოებს, რომლებსაც ონლაინ სივრცეში ყოველდღიურად ვხვდებით.

ერთის მხრივ უნდა იყო მფრინავი იდეების  გენერატორი, რათა ფეხი აუწყო ახალ ტენდენციებს  და შექმნა ისეთ თემები, რომლებიც შენი მომხმარებლის ჩართულობას გამოიწვევს, მეორე მხრივ უნდა შეგეძლოს პრაგმატულად აზროვნება.

საქართველოში ამ მიმართულებით ფორმალური განათლების მიღება ფაქტობრივად შეუძლებელია, თუმცა 21-ე საუკუნის  ერთ-ერთი მთავარი ღირებულება ხომ სწორედ ის არის, რომ მსოფლიოს ნებისმიერი წერტილიდან შენთვის სასურველ პროფესიას  შეგიძლია დაეუფლო თან საუკეთესო ლექტორების საშუალებით.ეს პროფესია მეტწილად  მაინც პრაქტიკაში ისწავლება, საკმარისია გქონდეს იდეა, სმარტფონი და პირველი ნაბიჯები უკვე  გადადგმულია, სწორედ  შინაარსია ის რაც საბოლოო ჯამში ბრენდს აცოცხლებს და  ამეტყველებს“, - ამბობს ნათია გოგია.

ახალი პროექტი ორიენტირებულია იმაზე, რომ უფრო მეტმა ადამიანმა გაიგოს, თუ რა გამოწვევების წინაშეა დასაქმების ბაზარი, მისცეს მათ თვითრწმენა, დაეხმაროს უნარების განვითარებაში.პროექტი აძლევს ადამიანებს შესაძლებლობას, დაფიქრდნენ ახალ პროფესიებზე და საკუთარ  თავში განავითარონ ის უნარები, რომელიც დაეხმარება მომავლის პროფესიების დაუფლებაში.

პროექტი ბაზარზე არსებული ტენდენციებისა და ტრენდების შესახებ გამოცდილი სპეციალისტების მიერ რელევანტურ საკითხებზე ე.წ. თოქებისა და ბლოგების მომზადებასაც გულისხმობს. ეს ყველაფერი კი ადამიანებს ახალ რეალობასთან სწრაფ ადაპტირებასა და საკუთარი შესაძლებლობების რეალიზებაში დაეხმარება.

თუ გეგმავ, დაეუფლო მომავლის პროფესიებს, შეგიძლია გაეცნო საქართველოს ბანკის მიერ მომზადებულ ვიდეოს თუ რა არის UX / UI დიზაინერი 

(R)