ახალმა გამოწვევებმა მსოფლიო და შრომითი ბაზარი ახალი რეალობის წინაშე დააყენა, შეიცვალა მომხმარებლის ქცევა, დასაქმებისა და შრომითი ურთიერთობების პრაქტიკა, შესაბამისად შრომის ბაზარიც. კონკრეტულ პროფესიებზე შემცირებული მოთხოვნის კვალდაკვალ გაჩნდა ახალი პროფესიების საჭიროება, ისეთის როგორიცაა IT და ციფრული ტექნოლოგიები, საცალო და მომსახურების სერვისები. გამოწვევაზე ლოგიკური პასუხი არის ახალი უნარ-ჩვევების შეძენა და ახალი შესაძლებლობების განვითარება.
სწორედ ამ მიზანს ემსახურება ახალი პროექტიც, რომელიც „საქართველოს ბანკმა“, საკონსულტაციო და რეკრუტინგულ კომპანია „ინსორსთან“ თანამშრომლობით, მომავლის პროფესიების გამოსარკვევად დაიწყო.
პროექტი ახალი შესაძლებლობების ჰორიზონტს აჩენს და ამ მიმართულებით სწორი ორიენტირის აღების, ახალგაზრდა თაობისთვის სწორი არჩევანის გაკეთებაში ხელშეწყობას გულისხმობს. იუთუბერობა მომავლის პროფესიაა, რომელიც შესაძლებლობას გაძლევს, ვიდეოების გადაღება აქციო შემოსავლის წყაროდ. სწორედ იუთუბერობის როლზე და მნიშვნელობაზე იუთუბერი დათო ალავიძე გვესაუბრება.
„მაგალითად თუ მოგწონს ვიდეო თამაშები ან ცხოვრობ სოფელში და უვლი შენ პატარა ბაღს, შეგიძლია ამის შესახებ გადაიღო ვიდეო და ამან მოგიტანოს დიდი შემოსავალი.
იუთუბერობა მომავლის პროფესიაა, აქ არ გყავს უფროსი, არ გაქვს მკაცრად გაწერილი სამუშაო გრაფიკი, მაგრამ მუშაობ ისე, როგორც მოგწონს. არ აქვს მნიშვნელობა რომელ ქვეყანაში, სოფელსა თუ ქალაქში ხარ, ასაკიც უმნიშვნელოა, მთავარია გიყვარდეს ის, რასაც აკეთებ, ამ საქმისთვის პრაქტიკულად არ გჭირდება არანაირი ინვესტიცია.
ერთი მობილურით შეგიძლია გააკეთო ყველაფერი, ამ სფეროში არ არსებობს კონკურენცია, იუთუბის შექმნის მთავარი იდეა იყო, რომ ყველას აქვს ხმა, თითოეული მაყურებელი შეიძლება „კრეატორიც“ გახდეს და ეს კონკურენციას ვერ გაზრდის, რადგან იუთუბის ნახვების 70% სხვა არხებიდან შემოთავაზებულ ვიდეოებზე მოდის.
როდესაც ხდები იუთუბერი, მთავარია მოაგროვო 1000 გამომწერი და ყველა ვიდეოზე ჯამურად ნახვის დრო 4000 საათი, ამის შემდეგ ხდები google-ის პარტნიორი და შენი თითოეული ნახვა გამოიმუშავებს თანხას, გარდა ამისა შემოსავლის წყარო არის კოლაბორაცია სხვადასხვა ბრენდთან, ასევე დონაცია, როდესაც გამომწერები გირიცხავენ თანხას, ან მერჩი როდესაც გამომწერები ყიდულობენ შენს მაისურს ან სხვადასხვა აქსესუარებს. ყველაფერი შეგვიძლია ვისწავლოთ იუთუბზე, იუთუბერობაც კი.
თვითონ იუთუბზე მილიონობით ადამიანი შედის და ის ყველაზე მოთხოვნადი პლატფორმაა google.com -ის შემდეგ. რაც შეეხება საქართველოს იუთუბერობა რამდენიმე გამორჩეული პლუსი აქვს, მაგალითად გავლენა საზოგადოებაზე ან აუდიტორიის დიდი სიყვარული. ფინანსური მხარე ისე ძლიერად არ აქვს როგორც საზღვარგარეთ, თუმცა ესეც ვითარდება. ზოგადად არ აქვს მნიშვნელობა სად ხარ, რადგან მონეტიზაციას განსაზღვრას ის თუ რომელ ქვეყანაშია შენი მაყურებელი. დავუშვათ თუ საქართველოში იმყოფები და გინდა საერთაშორისო კონტენტი გააკეთო ეს პრობლემას არ წარმოადგენს.
თუ კომპანია იუთუბერს აიყვანს, ის იუთუბერი აღარ იქნება და უფრო კომპანიის ბლოგერს დაემსგავსება. ნებისმიერი ურთიერთობა იუთუბერსა და კომპანიის მფლობელს შორის არის ორი თანაბარუფლებიანი მხარის მოლაპარაკება და აქ არ აქვს მნიშვნელობა არც კომპანიის სიდიდეს და არც იუთუბერის გამომწერის რაოდენობას. მთავარია მაქსიმალურად გულწრფელი იყო საკუთარ აუდიტორიასთან, შეიძლება ითქვას, რომ ამაზე გადის წარმატების ხაზი. ამ ნიუანსის და კიდევ სხვა მრავალი ღირსების გამო, რაც იუთიბერობას გააჩნია შეგვიძლია ვთქვათ, რომ ეს არის მომავლის პროფესია“, - განმარტა დათო ალავიძემ.
ახალი პროექტი ორიენტირებულია იმაზე, რომ უფრო მეტმა ადამიანმა გაიგოს, თუ რა გამოწვევების წინაშეა დასაქმების ბაზარი, მისცეს მათ თვითრწმენა, დაეხმაროს უნარების განვითარებაში.
პროექტი ბაზარზე არსებული ტენდენციებისა და ტრენდების შესახებ გამოცდილი სპეციალისტების მიერ რელევანტურ საკითხებზე ე.წ. თოქებისა და ბლოგების მომზადებასაც გულისხმობს. ეს ყველაფერი კი ადამიანებს ახალ რეალობასთან სწრაფ ადაპტირებასა და საკუთარი შესაძლებლობების რეალიზებაში დაეხმარება.
თუ გეგმავ, დაეუფლო მომავლის პროფესიებს, შეგიძლია გაეცნო საქართველოს ბანკის მიერ მომზადებულ ვიდეოს თუ რა არის იუთუბერი.
(R)