2019 წელი შეაჯამა და მომავალი წლის გეგმებზე ისაუბრა რადიო „კომერსანტის“ ეთერში შპს „ემტექნიკსი“ ბრენდი მიდეას ექსკლუზიური დისტრიბუტორის გენერალურმა მენეჯერმა ირინა გრძელიძემ.
„2019 წელი სირთულებიით იყო სავსე, თუმცა წარმატება სირთულის გარეშე არ არსებობს. ჩვენი კომპანიისთვის 2019 წელი საკმაოდ წარმატებული აღმოჩნდა, იმიტომ რომ „მიდეას“ ბრენდს კონდიცირების სისტემაში პირველ ადგილი უჭირავს, როგორც სსაქართველოს ბაზარზე, ასევე მსოფლიოს მასშტაბით. კომპანია წარდგენილ იქნა ჩვენი ბრენდის მსოფლიო დილერების წლიურ შეხვედრაზე ერთ-ერთ წარმატებულ კომპანიად და საკმაოდ სოლიდური ჯილდო მივიღეთ, რომლის მეშვეობითაც 2020 წლისთვის საკმაოდ დიდი გეგმები დავსახეთ“, - აცხადებს ირინა გრძელიძე.
მისივე თქმით, „მიდეას“ ბრენდი საქართველოს ბაზარზე 15 წელია ძირითადად კონდენცირების სისტემებით არის წარმოდგენილი, თუმცა, 2016 წლიდან უკვე სარეცხი მანქანების მიმართულებით დაიწყეს მუშაობა.
„დიდი მოთხოვნიდან გამომდინარე სარეცხი მანქანების მიმართულებით დავიწყეთ მუშაობა. გამომდინარე იქედან, რომ „მიდეას“ ბრენდი საშუალო სეგმენტზე არის გათვლილი, საკმაოდ ხარისხიანი და ხელმისაწვდომი ბრენდია ყველასთვის. თუ გავითვალისწინებთ იმას, რომ განვადებების საკითხი ძალიან რთულად გადაიტანა საქართველოს მოსახლეობამ, განსაკუთრებით საშუალო ფენამ, მათთვის უფრო საინტერესო გახდა ჩვენი ბრენდი, ვინაიდან ყოველთვის ხელმისაწვდომია. მიმდინარე წლიდან ჩვენ უკვე დავამატებთ მაცივრებს, ჩასაშენებელ ტექნიკას, ასევე ჭურჭლის სარეცხ მანქანებსაც - ეს არის ჩვენი ძირითადი გეგმები 2020 წლისთვის. ასევე ძალიან კარგი კონდენციონერების ხაზი გვექნება, რომელიც პრემიუმკლასისთვის იქნება განკუთვნილი. 2020 წელს ასევე გავანებივრებთ ჩვენს მომხმარებელს მრავალი ფასდაკლების აქციით. გარდა ამისა, დიდი იმედი გვაქვს რომ პოლიტიკური და ეკონომიკური განწყობაც ქვეყანაში დადებითი იქნება“, - აცხადებს ირინა გრძელიძე.