„გამომდინარე იქიდან, რომ კომუნალური გადასახადები გაძვირდა რძეზე და რძის პროდუქტებზე ფასის ზრდა მოსალოდნელი იყო, თუმცა არ გაძვირებულა“, - ამის შესახებ „კომერსანტს“ აგროექსპერტთა ასოციაციის თავმჯდომარის მოადგილემ მიხეილ ჭიჭაყუამ განუცხადა. მისი თქმით, ერთი ლიტრი ჩასაბარებელი რძის ფასი დღეს 1.30 ლარიდან, 2 ლარამდე მერყეობს, ზოგ რეგიონში ცოტა მეტიც არის.
„დღეს რძის წარმოების 95 - 96% საოჯახო მეურნეობებზე მოდის, ხოლო 5% სამრეწველოზე. ინდუსტრიული ფერმები ძირითადად რძის გადამამუშავებელ ქარხნებს ამარაგებენ. მოსახლეობის წარმოებული ყველი და რძე გადანაწილებულია საკურორტო ზონებზე, ამიტომ აქ გასაყიდი ფასები შედარებით მაღალია. აღმოსავლეთ საქართველოში რძის ფასმა სტაბილურობა შეინარჩუნა და მატება არ ჰქონია, კახეთის რეგიონში 1 ლიტრი ჩასაბარებელი რძის ფასი 1.30 დან 1.45-მდეა, თუმცა ინდუსტრიული ფერმები უფრო ძვირად 1.60-1.70 ლარად აბარებენ.
დასავლეთ საქართველოში, სადაც საკურორტო ზონაა 1 ლიტრი ჩასაბარებელი რძის ფასი 1.40-ლარიდან 2 ლარამდე მერყეობს, აქ საუბარია მცირე ფერმებზე და წვრილ გლეხობაზე და მათ წარმოებულ რძეზე. სამხრეთ საქართველოშიც იგივე ფასია, დაახლოებით 1.30 ლარიდან 1.50 ლარამდე, ზოგ შემთხვევაში 2 ლარამდეც ადის.
ისეთ საკურორტო ზონებში, სადაც გლეხებს უშუალოდ მიუწვდებათ ხელი მყიდველზე შეიძლება ერთი ლიტრი რძე 2.50-3 ლარიც კი ღირდეს, მაგრამ მაგალითად ბათუმში კონკურენცია დიდია და ჩასაბარებელი ფასი 1.50ლ ფარგლებშია “, - აღნიშნა მიხეილ ჭიჭაყუამ.
ჭიჭაყუას თქმით, საქართველოში ფერმერების უმეტესობა საქონელს ძირითადად ზაფხულში აჭმევს თივას, ასეთ შემთხვევაში ყველის გამოსავლიანობა ნაკლებია, თუმცა ყველზე ფასი არ გაზრდილა და 1კგ იმერული ყველის ფასი 15 ლარია, ხოლო სულგუნის 16-20 ლარი.
ჭიჭაყუამ ასევე აღნიშნა, რომ აგვისტოს თვიდან ბალახის ყუათიანობის შემცირებასთან ერთდ მონაწველი რძის რაოდენობა კლებულობს და თუ ფერმერი მხოლოდ ბალახზეა დამოკიდებული იმ რაოდენობის რძეს ვეღარ მიღებს. საქონლის სრულფასოვანი კვების უზრუნველსაყოფად, ფერმერს ხორბლის ან სხვა მარცვლეულის რაციონში დამატება უწევს. ქვეყანაში არასაკმარისი მარცვლეულის პირობებში, მისი შემოტანა მეზობელი ქვეყნებიდან ხორცილედება, იქ არსებული არასტაბილური გარემო ხშირ შემთხვევაში აძვირებს ფასს. ჭიჭაყუა ფიქრობს, რომ ამ პირობებიში ინდუსტრიულ ფერმებს შესაძლოა ფასთან დაკავშირებით პრობლემები შეექმნათ, თუმცა მცირ ფერმერებს ეს ცვლილება ნაკლებად ეხებათ.
„საინტერესოა, თუ რა სიტუაცია გვექნება შემოდგომაზე. როგორც აღვნიშნეთ ინდუსტრიული ფერმები პირდაპირ კავშირში არიან საკვების მსოფლიო ფასთან და უწევთ ისეთ საკვების შემოტანა, რომელიც ჩვენთან არ იწარმოება ( სოიოს შროტი, მზესუმზირის შროტი). აქედან გამომდინარე, შეიძლება ინდუსტრიული რძის ფასმა მოიმატოს, რაც შეეხება მოსახლეობაში ფასს, ის ძირითადად შენარჩუნდება “ - აღნიშნა მიხეილ ჭიჭაყუამ.
ჭიჭაყუამ ასევე განმარტა, რომ ახლა ტურისტების ფონზე რძის პროდუქტების გაყიდვა ხდება და ეს პლუსია, შესაბამისად ეს ფასები შეიძლება მტკივნეული არ იყოს, ხოლო როდესაც ტურისტული სეზონი გადაივლის როგორი იქნება მსყიდველუნარიანობა ფერმერის შემოსავალიც ამაზე იქნება დამოკიდებული.
რაც შეეხება ინდუსტრიულ ფერმებს, ჭიჭაყუა ამბობს, რომ მათი ფასი მსოფლიოს ფასებზეა მიბმული. მსოფლიოში კი რძის ფასი მზარდია და დღეის მდგომარეობით ერთი ლიტრი რძის ჩაბარების ფასი 50-60 ცენტამდეა გაზრდილი.
მიხეილ ჭიჭაყუას ინფორმაციით, საქართველოში წლიურად 600-700 მილიონი ლიტრი რძე იწარმოება.
თაკო კვაჭანტირაძე