“ფინანსთა მინისტრი ასეთ მკაცრ რეგულაციებს მხარს არ უჭერდა, იმედია, პოზიცია არ შეაცვლევინეს“

“ფინანსთა მინისტრი ასეთ მკაცრ რეგულაციებს მხარს არ უჭერდა, იმედია, პოზიცია არ შეაცვლევინეს“

access_time2019-04-24 09:00:00

„მოკლევადიან პერიოდში, შესაძლოა, იმდენად დიდი ზიანი მიაყენონ ქვეყნის ეკონომიკას, რომ გრძელი ვადის მოსვლას ვეღარ დაველოდოთ“,- „საზოგადოება და ბანკების“ დამფუძნებელი გიორგი კეპულაძე საბანკო რეგულაციებთან დაკავშირებით ფინანსთა მინისტრის განცხადებას აფასებს .


როგორც ივანე მაჭავარიანმა საკომიტეტო მოსმენისას განაცხადა, საბანკო რეგულაციების მთავარი მიზანია, ქვეყანაში გრძელვადიანი ეკონომიკური ზრდის ხელშეწყობა. მინისტრის არ სჯერა საბანკო ექსპერტს. გიორგი კეპულაძე სკეპტიკურად უყურებს იმ საკითხს, რომ რეგულაციები გრძელვადიან პერსპექტივაში ეკონომიკურ ზრდას ხელს შეუწყობს

 

 

„მე ფინანსთა მინისტრის განცხადება მახსოვს, რომ ის ასეთ მკაცრ რეგულაციებს მხარს არ უჭერდა. იმედია, ამ პოზიციაზე დარჩა ისევ და პოზიცია არ შეაცვლევინეს. რეგულაციებმა გვაჩვენა, რომ მოკლევადიან პერსპექტივაში ეს ბიზნესისთვის მძიმე შედეგებია. თუნდაც სამშენებლო ბიზნესის ნაწილში, ტექნიკის მაღაზიების ნაწილში გაყიდვები მნიშვნელოვნადაა შემცირებული. რეგულაციებმა შეიძლება ისეთი ზიანი მიაყენოს ქვეყნის ეკონომიკას, რომ გამოსწორება შეუძლებელი აღმოჩნდეს. ხელოვნური ჩარევა ბიზნესში ყოველთვის უკუშედეგებს იძლევა. ფულის გასესხება და ვალი არც ამ ქვეყანაში მოგონილა და არც ამ საუკუნეში, ეს პრობლემა სულ იდგა. ხელოვნური ჩარევით, ერთი ხელის მოსმით ეს პრობლემა ვერ გადაიჭრება, მით უმეტეს, ღარიბ ქვეყანაში. თუ გვინდა დავამარცხოთ ჭარბვალიანობა უნდა დავამარცხოთ მისი გამომწვევი მიზეზი სიღარიბე, ამისთვის აუცილებელია თავისუფალი ბიზნესი, თავისუფალი საბაზრო ეკონომიკა  და რაც შეიძლება ნაკლები რეგულაციები“, - განაცხადა გიორგი კეპულაძემ.

 

 

გიორგი კეპულაძის აზრის იზიარებს ეკონომისტი ირაკლი მაკალათია. მისი თქმით, რეგულაციებმა უკვე დააზარალა საბანკო სექტორი, ბიზნესი და მოსახლეობა. ეკონომიკის დოქტორი აცხადებს, რომ რეგულაციები ეკონომიკური ზრდაზე დადებითად არ აისახება.

 

 

„რეგულაციებმა ბიზნეს უარყოფითი შედეგები უკვე მოუტანა. ბიზნესის შემცირება ნიშნავს იმას, რომ დასაქმებულების დონე შემცირდა. ტექნიკის მაღაზიამ შიდა განვადებაზე და ფულის ამოღებაზე არ უნდა იზრუნოს, უნდა იზრუნოს გაყიდვაზე, ფულის ამოღებაზე კი ბანკმა. რა რეგულაციებიც არ უნდა მოიგონოს სახელმწიფომ, ყოველთვის არის შავი ხვრელი, რითაც კერძო სექტორი აუვლის გვერდს რეგულაციებს. ადამიანებს ფულს არ აძლევ იმიტომ, რომ ის სესხს ვერ გადაიხდის, ეს არ არის გამართლება. მოსახლეობას ფინანსებზე ხელმისაწვდომობას რომ  შეეზღუდება, ისინი სხვა ალტერნატივაზე გადავლენ. თავიდან რეგულაციების გატარების მიზეზად ჭარბვალიანობა დაასახელეს, როგორც ყოველთვის ბრძოლა გამოუცხადეს მიზეზს და არა შედეგს“, - განაცხადა ირაკლი მაკალათიამ.

 

ირაკლი მაკალათია იმ ორ მიზეზზე ამახვილებს ყურადღებას, რის გამოც, მისი აზრით, საბანკო რეგულაციები ამოქმედდა:

 

„გასულ წელს მცირე ბიზნეს 5 პროცენტიდან ერთ პროცენტამდე შეუმცირეს გადასახადი, შემდეგ გამოქვეყნდა სავალუტო ფონდის  კვლევა, რომ საქართველოში ჩრდილოვან ეკონომიკას უჭირავს 54 პროცენტზე მეტი. ანუ ჩრდილოვან ეკონომიკაში მოიაზრება ტაქსები, რეპეტიტორები და ა.შ  თვითდასაქმებული ადამიანები, რომელთა შემოსავლებიც არსად ჩანს. თვითდასაქმებულებს მოტივაცია შეუქმნეს და უთხრეს, რომ დაადასტურონ შემოსავლები რის შემდეგაც შეძლებენ სესხის აღებას. ისინი დარეგისტრირდნენ გადამხდელებად და ჩრდილოვანი ეკონომიკიდან გამოვიდნენ. ეს მგონია ერთ-ერთი მიზეზი, რის გამოც საბანკო რეგულაციები ამოქმედდა.

 

რეგულაციების ამოქმედების კიდევ ერთი მიზეზი არის ის, რომ საერთაშორისო დონეზე ჭარბავლიანობასთან დაკავშირებით  სტატისტიკა გაგვიუმჯობესდება. ვთქვათ, ქვეყანაში ჭარბვალიანობა არის 70 პროცენტი, ახლა ბანკი 10 დან 7 ადამიანს სესხს არ მისცემს. სტატისტიკაში აისახება ის, რომ სამმა ადამიანმა რომელმაც აიღო სესხი, სამივემ გადაიხადა. მაქსიმალურ მაჩვენებელზე ავა გადახდის უნარიანობა. სტატისტიკის მიხედვით ქვეყანაში ჭარბვალიანობა დაიძლევა , საერთაშორისო ინსტიტუტებს ამ სტატისტიკით თავს მოაწონებენ. შვიდი ადამიანი ამ დროს კერძო მევახშეებთან წავლენ და სხვა გზით იშოვიან თანხას“, - განაცხადა ირაკლი მაკალათიამ.



ბაჩო ადამია




StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა

StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა
access_time2020-04-09 00:50:17
StopCoV ფონდში ჩარიცხული თანხის მაჩვენებელი 124 543 899 ლარამდე გაიზარდა. მონაცემები საქართველოს მთავრობის...

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ
access_time2020-04-08 21:20:49
ივანე ჯავახიშვილის სახელობის თბილისის სახელმწიფო უნივერსიტეტის  3 სტუდენტი კომპანია „გრანთ თორნთონის“ სტიპენდიანტი გახდა.  ეკონომიკისა და ბიზნესის ფაკულტეტის სტუდენტები თამარ ათოშვილი, ანა ბუხრაშვილი და ელენე ცეცხლაძე სპეციალურ სტიპენდიას 2019-2020 სასწავლო წლის გაზაფხულის სემესტრში მიიღებენ.   როგორც „გრანთ თორნთონის“ მმართველმა პარტიორმა ვახტანგ ცაბაძემ განაცხადა,  კომერციული სექტორის ჩართულობა და სტიპენდიების დაწესება სახელმწიფო უნივერსიტეტებში,...

ლიბერთი ბანკის მმართველ გუნდში ცვლილებებია

ლიბერთი ბანკის მმართველ გუნდში ცვლილებებია
access_time2020-04-08 19:50:52
თბილისი, 8 აპრილი, 2020 - დღეს, ლიბერთი ბანკის მმართველ გუნდს, გენერალური დირექტორის მოადგილის, ფინანსური დირექტორის პოზიციაზე, დავით წიკლაური შეუერთდა. დღემდე, ამ პოზიციას ლევან ლეკიშვილი იკავებდა.   დავით წიკლაურს საბანკო სექტორში მუშაობის მრავალწლიანი გამოცდილება აქვს, როგორც საქართველოში ასევე საქართველოს საზღვრებს გარეთ. მას არაერთი პოზიცია ეკავა ქვეყნის წამყვან ბანკებში თიბისი ბანკის გენერალური დირექტორის მოადგილის, კორპორაციული საბანკო საქმიანობის მიმართულებით...

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ
access_time2020-04-08 20:00:05
კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს,  სადაც მომხმარებელს ახალ პროდუქტის შეძენა და მისი სახლში მომზადება...

8 აპრილი - ქართული ლარი, თურქული ლირა და სომხური დრამი გაუფასურდა

8 აპრილი - ქართული ლარი, თურქული ლირა და სომხური დრამი გაუფასურდა
access_time2020-04-08 19:00:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი მცირედით...


მსგავსი სიახლეები

up