მოჰყვება თუ არა 17 სექტემბრის ვერდიქტს აფხაზეთში სახალხო მღელვარება?

მოჰყვება თუ არა 17 სექტემბრის ვერდიქტს აფხაზეთში სახალხო მღელვარება?

access_time2019-09-14 16:15:07

აფხაზეთში ე.წ. საპრეზიდენტო არჩევნების „მეორე ტურის" შემდეგ ვნებათაღელვა არ ცხრება. შედეგების მიხედვით, ე.წ. არჩევნებში მოქმედმა „პრეზიდენტმა" რაულ ხაჯიმბამ გაიმარჯვა. ოპოზიციური პარტია „ამცახარას" კანდიდატმა ალხას კვიცინიამ შედეგები გაასაჩივრა. არსებობს მოლოდინი, რომ თუკი მისი სარჩელი არ დაკმაყოფილდება, ამას სამოქალაქო დაპირისპირება აუცილებლად მოჰყვება. კვიცინიას სარჩელს აფხაზეთის თვითგამოცხადებული რესპუბლიკის უზენაესი სასამართლო 17 სექტემბერს განიხილავს. ამავე დღეს კვიცინიას მომხრეები შეკრებას და მასშტაბურ აქციას აანონსებენ.

 

შერიგებისა და სამოქალაქო თანასწორობის ყოფილი სახელმწიფო მინისტრი, პაატა ზაქარეიშვილი „რეზონანსთან" საუბრისას გამორიცხავს რაიმე დაპირისპირებას და აცხადებს, რომ გარკვეული დაძაბულობა იქნება, რომელიც ერთი-ორი კვირა გასტანს.

 

„გამორიცხული არ არის რაღაც მღელვარება, რომელსაც არა მგონია გრძელვადიანი, შეუქცევადი პროცესის სახე ჰქონდეს და რომლითაც ვითარება აირევა, თუმცა გამორიცხული არაფერია. კვიცინიას მხარეს არის მოსახლეობის თითქმის ნახევარი, მაგრამ მეორე მხრივ, ხაჯიმბას მხარდამჭერად პუტინი გამოჩნდა, რომელმაც სასამართლოს გადაწყვეტილებასაც კი დაასწრო და ხაჯიმბას გამარჯვება მიულოცა.

 

„აფხაზეთში გააგზავნა შეტყობინება, რომ „მე ხაჯიმბა მირჩევნია." ეს მნიშვნელოვანი შეტყობინებაა და ამით აფხაზურმა საზოგადოებამ უნდა მიიღოს გადაწყვეტილება ამ დავაში დაუპირსპირდნენ თუ არა. კვიცინიას მომხრეები კი არ ამბობენ, რომ კვიცინიამ გაიმარჯვა, არამედ აცხადებენ, რომ არ შედგა არჩევნები და კიდევ ერთი ტური უნდა ჩატარდეს. ფაქტობრივად, ორივე მხარე თავის სასარგებლოდ ახდენს კანონის ინტერპრეტაციას.

 

„ე.წ.-მა ცენტრალურმა საარჩევნო კომისიამაც დაადასტურა ხაჯიმბას გამარჯვება. თუ სასამართლომაც ხაჯიმბას სასარგებლოდ მიიღო გადაწყვეტილება, მაშინ ძალიან ძლიერი დარტყმის ქვეშ ექცევიან კვიცინიას მომხრეები. შეიძლება ერთი-ორი კვირა იყოს დაძაბულობა და შემდეგ სახლებში წავიდნენ. ვერ ვხედავ ამ წუთში კვიცინიას სასარგებლოდ გრძელვადიან, მყარ სახალხო მხარდაჭერას. ჩაიაროს სასამართლო პროცესმა და მერე ვნახოთ, როგორ მოახერხებს კვიცინია ხალხის მობილიზაციას," - განაცხადა პაატა ზაქარეიშვილმა.

 

ცნობისათვის, რუსეთის პრეზიდენტმა ვლადიმირ პუტინმა რაულ ხაჯიმბას სამშაბათს ოფიციალურად მიულოცა „პრეზიდენტად" არჩევა.

 

შეგახსენებთ, კვიცინიამ 11 სექტემბერს სარჩელი შეიტანა, რომ გააუქმოს ე.წ. საპრეზიდენტო არჩევნების მეორე ტურის შედეგები, რომელიც 8 სექტემბერს ჩატარდა. ცესკოს საბოლოო მონაცემების თანახმად, ამჟამინდელმა „პრეზიდენტმა" რაულ ხადიმბამ მეორე ტურში ხმების 47.39% (39 793) მიიღო, კვიცინიამ - 46,17% (38 766), სხვაობა 1027 ხმა. "ყველას წინააღმდეგ" 3155 ხმა მიიღო.

 

 

წყარო: რეზონანსი





„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up