მოცეკვავე მიმტანები და პირველი ქართული რესტორანი დუბაიში, რომელიც 150 მეტრის სიმაღლეზე  მდებარეობს

მოცეკვავე მიმტანები და პირველი ქართული რესტორანი დუბაიში, რომელიც 150 მეტრის სიმაღლეზე მდებარეობს

access_time2018-11-12 20:00:00

დუბაიში, ცენტრალურ ნაწილში სასტუმრო სოფიტელის ბოლო, 31-ე სართულზე ქართული რესტორანი „მოდი დუბაი“ გაიხსნა, რომელშიც მილიონი დოლარის ინვესტიცია განხორციელდა. დუბაიში ერთადერთი ქართული რესტორანი 150 მეტრის სიმაღლეზე მდებარეობს. როგორც „კომერსანტს“„მოდი დუბაის“ დამფუძნებელმა გია ნაცვლიშვილმა განუცხადა, რესტორანში მხოლოდ ქართული სამზარეულოა წარმოდგენილი და იქ მისულ სტუმრებს შესაძლებლობა აქვთ ისეთი კერძები დააგემოვნონ როგორიცაა - ხინკალი, საცივი, ხაჭაპური, ბადრიჯანი ნიგვზით, ლობიო, შქმერული, აჯიკა, ტყემალი და ჩურჩხელა. კვების პროდუქტები დუბაიში საქართველოდან ჩადის, რადგან გია ნაცვლიშვილის თქმით, ქართულ პროდუქტს ადგილობრივზე განსხვავებული გემური თვისებები აქვს.


რესტორნის ძირითადი სტუმრები - რუსები, უკრაინელები, არაბები, ფრანგები და ქართველები არიან, ხოლო მათთვის გამორჩეული კერძი ხშირ შემთხვევაში ხინკალი და ხაჭაპურია. ალკოჰოლური სასმელებიდან კი ყველაზე დიდი პოპულარობით, საფერავი, ქინძმარაული და ხვანჭკარა სარგებლობს.


რაც შეეხება „მოდი დუბაის“ საფასო პოლიტიკას, ის ადგილობრივ ბაზარზე საშუალო და მაღალშემოსავლიან სეგმენტზეა გათვლილი.

 

„კომერსანტი“ - რესტორნის დუბაიში გახსნა რატომ გადაწყვიტეთ?


გია ნაცვლიშვილი: ხშირად მიწევდა დუბაიში სხვადასხვა რესტორნებში ბიზნესშეხვედრების გამართვა და აღმოვაჩინე, რომ ქართული რესტორანი არსად არ იყო. დუბაი მსოლიოში ერთ-ერთი დიდი ფინანსური ცენტრია და კომერციულად ეს ადგილი საინტერესოა, ასევე აღსანიშნავია ისიც, რომ ჩვენი ქვეყნის კულტურა დუბაიში მოთხოვნადია. იქ დაახლოებით 2 მილიონი ადამიანი ჩვენ კულტურას და სამზარეულოს კარგად იცნობს. ჩვენი რესტორანი ორი თვის თავზე პოპულარულია და უკვე ერთგული მომხმარებლებიც გვყავს. პრაქტიკულად აქ მოსულ სტუმარს საქართველოს ვახვედრებთ. „მოდი დუბაიში“ 24 ქართველია დასაქმებული და მისი შემადგენლობა სრულად ქართულია.

 

რაც შეეხება ადგილობრივ ბაზარზე კონკურენციას, ბიზნესმენის განცხადებით, დუბაიში დაახლოებით 5 000 საუკეთესო ქვეყნის რესტორანი არსებობს და კონკურენციაც შესაბამისად დიდია.

„ჩვენ გარკვეული ნიშით გამორჩეულები უნდა ვიყოთ ბაზარზე და სწორედ ამიტომ, პროფესიონალი მოცეკვავე მიმტანები გვყავს. მიმაჩნია, რომ სხვებს მხოლოდ  საკვებით და ხარისხით კონკურენციას ვერ გაუწევ,“ - აღნიშნა ნაცვლიშვილმა.

 

რაც შეეხება რესტორნის სამომავლო გეგმებს, გია ნაცვლიშვილის განცხადებით, „მოდი დუბაის“ ანალოგი 2019 წელს მონაკოში გაიხსნება და რამდენიმე თვეში, ახალი წლის პერიოდის შემდგომ, პროექტზე მუშაობის პროცესიც დაიწყება.

 

გია ნაცვლიშვილი უცხოეთში მოღვაწე ქართველი ბიზნესმენია, რომელიც ამ ეტაპზე საქართველოში აღარ საქმიანობს. მისი საქმიანობა - დუბაიში, უკრაინასა და ეგვიპტეში გრძელდება.



„კომერსანტის“ კითხვაზე რა სახის საქმიანობას ეწევა ბიზნესმენი ამჟამად და ქვეყნის ფარგლებს გარეთ ბიზნესის წარმოება ქვეყანაში შექმნილი არამდგრადი ეკონომიკური სიტუაციის გამო ხომ არ გადაწყვიტა? - ნაცვლიშვილი გვპასუხობს, რომ - „სხვადასხვა სახის ბიზნესი მაქვს, მათ შორისაა გადაზიდვების. ეკონომიკური მდგომარეობა არა, მრავალი მიზეზებია ახლა ამაზე ნუ ვისაუბრებთ.“

 

ავტორი: ლიკა გურაბანიძე





5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...


მსგავსი სიახლეები

up