მოაგვარა თუ არა VFS GLOBAL-თან თანამშრომლობამ საზღვრიდან ინდოელი ტურისტების გაბრუნების პრობლემა?

მოაგვარა თუ არა VFS GLOBAL-თან თანამშრომლობამ საზღვრიდან ინდოელი ტურისტების გაბრუნების პრობლემა?

access_time2019-09-14 23:30:56

ინდოეთის რესპუბლიკაში საქართველოს საელჩოში, საქართველოს საგარეო საქმეთა სამინისტროსა და ტექნოლოგიური სერვისების საერთაშორისო კომპანია VFS Global-ს შორის მიმდინარე წლის ივლისში მორიგი მემორანდუმი გაფორმდა, რომლის მიზანიც სავიზო პროცედურების გამარტივება, ტექნიკური ხარვეზებისა და ბარიერების აღმოფხვრა და სავიზო დოკუმენტების ადგილზე შემოწმებაა.


საგარეო უწყების ცნობით, ამ ნაბიჯმა ხელი უნდა შეუწყოს ქვეყანაში კეთილსინდისიერი და რეალური ვიზიტორების საქართველოს საზღვარზე თავისუფლად გადაადგილებას.


როგორც ცნობილია, საქართველოს საზღვრიდან ყველაზე ხშირად ინდოეთის მოქალაქეებს აბრუნებენ. ამის მიზეზად როგორც წესი, სათანადო დოკუმენტაციის უქონლობა სახელდება, თუმცა ყოფილა არაერთი შემთხვევაც, როდესაც ინდოეთის მოქალაქეები ქართულ სასაზღვრო სამსახურებს არასათანადო დამოკიდებულებაში ადანაშაულებდნენ, რის შესახებაც ინდურ მედიაშიც არაერთი სტატია დაიბეჭდა. საგარეო საქმეთა სამინისტრო ამ მემორანდუმით მათ შორის აღნიშნული პრობლემის მოგვარებასაც გეგმავს.


ინდოეთის ბაზარზე მომუშავე ტურისტული კომპანია „იბერია ტურს პლიუსის“ დამფუძნებლის განცხადებით, რეალურად პრობლემა პრობლემად რჩება, საქართველომ ინდოელ ტურისტებში ნდობა დაკარგა და ბევრი ჩვენი ქვეყნით აღარ ინტერესდება.


„ტექნიკურად რომ რაღაცას გავმართავთ, ამას არ აქვს დიდი მნიშვნელობა. საჭიროა მარკეტინგული კამპანია განხორციელდეს ინდოეთის ბაზარზე, რადგან საკმაოდ გავიტეხეთ სახელი.



შესაბამისად მოთხოვნა აღარ არის. ყველა ტურისტული კომპანია, რომელიც ჩემთან მუშაობდა, ყველამ აბსოლუტურად დაგმო და თქვა, რომ ჩვენ საქართველოში აღარ წავალთ. მილიარდიან ქვეყანაში პატარა ტურისტულები ნამდვილად არსებობენ, რომლებიც რაღაცას რისკავენ, მაგრამ პრობლემა მაინც არის საზღვარზე გადმოსვლასთან დაკავშირებით.


მთავარია ნდობის ფაქტორი მოვიპოვოთ. რაღაც უნდა გაკეთდეს, რომ მათ გაიგონ, რომ ჩვენ უსაფრთხო ქვეყანა ვართ. ჯგუფები მარტივად უნდა გადმოვიდნენ. ადამიანს უნდა მიუვიდეს ვიზა ან არ მიუვიდეს. თუ მიუვა ვიზა, უნდა გადმოვიდეს, თუ კრიმინალური წარსული არ აქვს, ან დეპორტაცია ქვეყნიდან. სხვა შემთხვევაში რატომ ვაჩერებთ? – იმიტომ, რომ არ იცის ინგლისური, ეს არ არის იმის საფუძველი, რომ ქვეყანაში არ შემოვუშვათ“, - აცხადებს მაია მურაჩაშვილი.


მიუხედავად იმისა, რომ ხშირია შემთხვევები, როცა ინდოელ ტურისტებს ქვეყანაში არ უშვებენ, ოფიციალური სტატისტიკით, იზრდება ინდოეთიდან საქართველოში ვიზიტორების რაოდენობა.


2019 წლის პირველ ნახევარში საქართველოში ინდოეთის 26,884 მოქალაქე იმყოფებოდა, რითიც ეს ქვეყანა ტურიზმის რეიტინგში მეთორმეტე ადგილზე იმყოფება. ზრდა წინა წელთან შედარებით 14.6%-ია.


VFS Global-თან თანამშრომლობით მოაგვარა თუ არა ქართულმა მხარემ ინდოელი ტურისტების საქართველოში პრობლემების გარეშე შემოყვანის საკითხი, ჯერ უცნობია. საერთაშორისო კომპანიასთან ერთად დაგეგმილი მუშაობის შესახებ საგარეო უწყებიდან bm.ge პასუხს ელოდება.


შეცვალა თუ არა მხარეებს შორის თანამშრომლობის მემორანდუმმა ვითარება, ამას საკუთარ თავზე რამდენიმე დღეში ტურისტული კომპანია „არსიტონ ვოიაჟი“ გამოცდის. აღნიშნული კომპანია უახლოეს დღეებში ინდოეთიდან 120 კაციან ჯგუფს ელოდება. როგორც კომპანიის ხელმძღვანელმა ია გედევანიშვილმა გვითხრა, რამდენად ქმედითი ნაბიჯები გადადგა ქართულმა მხარემ, ამას მას შემდეგ შეაფასებს, რაც ტურისტული ჯგუფი საზღვარს უპრობლემოდ გადმოკვეთს.


Bm.ge პასუხს ელოდება ასევე ტურიზმის ეროვნული ადმინისტრაციიდან, გეგმავენ თუ არა ინდოეთის ბაზარზე აქტიურ მარკეტინგულ კამპანიას.


BMG





BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას

BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას
access_time2019-10-22 19:30:35
თქვენ გაქვთ კანონი, გაქვთ ინფრასტრუქტურა და ადამიანური კაპიტალი. თუ ამ გზას გაჰყვებით, საქართველო 15 წელიწადში კავკასიის ლიდერი იქნება, - ასე შეაფასა BBC-ის მთავარმა ბიზნეს კორესპონდენტმა ჯო ლაინამმა განვითარების პროცესში საქართველოს მიერ აღებული გეზი. ჯო ლაინამი „აბრეშუმის გზის ფორუმზე“ დასასწრებად თბილისში ჩამოვიდა. ფორუმზე ის ერთ-ერთი პანელის მოდერატორი იყო. დასრულების შემდეგ კი მსოფლიოს ბაზარზე საქართველოს პოზიციონირებისა და განვითარების პერსპექტივის შესახებ...

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ
access_time2019-10-22 17:31:38
კარგი პოლიტიკური კურსი, კარგი რეგულაციები, პირდაპირი ინვესტიციების წახალისებაზე და ქვეყნის პოტენცილაზე ჩინქსინ ჩენი აღნიშნავს. ამბობს, საქართველოში ჩინური კომპანიების ფართო წარმომადგებლობაზე და სურვილზე, მეტი ჩინური კომპანია იყოს წარმოდგენილი, რადგან საქართველოს გზაა ყველა მოკლეა ევროპასა და აზიას შორის. აბრეშუმის გზის ფორუმზე ანაკლიის განვითარების კონსორციუმის გენერალური დირექტორი ანაკლიის პორტის პროექტის ბარიერებზე საუბრობს. ვაპირებთ შეხვედრას...

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი
access_time2019-10-22 16:54:10
„საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, - ამის შესახებ აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა. თემატურ პანელზე - „ენერგეტიკის ხვალინდელი დღე - განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ,...

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“
access_time2019-10-22 15:30:11
„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი. ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018...

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“
access_time2019-10-22 14:51:39
„ანაკლიის პორტის პროექტის დაწყება ზედმეტად დაგვიანდა, დიდი იმედი გვაქვს, მომავალი წლიდან ამ პროექტს უკვე დავძრავთ“, – ამის შესახებ საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა.მისი თქმით, ანაკლიის ღრმაწყლოვანი პორტი ეს არის ერთ-ერთი მნიშვნელოვანი სტრატეგიული პროექტი, რომელიც საქართველოს მთავრობის ყველა პრეზენტაციაში მნიშვნელოვან ადგილს იკავებს. „როდესაც ვსაუბრობთ იმაზე, როგორ უნდა გამოვიყენოთ უკეთ შავი ზღვის შესაძლებლობები...


მსგავსი სიახლეები

up