მმართველი ძალის უპასუხისმგებლობის გამო მინდელის მაღაროს ადამიანები ეწირებიან

მმართველი ძალის უპასუხისმგებლობის გამო მინდელის მაღაროს ადამიანები ეწირებიან

access_time2018-07-17 09:00:00

სასაკლაო -  სწორედ ასე დაარქვა საზოგადოებამ ადგილს, სადაც წლების განმავლობაში ათობით ტრაგედია ხდება. ტყიბულის  მინდელის სახელობის შახტს, კიდევ  4 ადამიანის სიცოცხლე შეეწირა, 6 კი - დაშავდა.  მხოლოდ, 2018 წელს, პროფესიული კავშირების გაერთიანების მონაცემებით, შახტებში სულ უკვე გარდაცვლილია  11, ხოლო მძიმედ დაშავებულია 10 ადამიანი. 


ყველა  ფაქტზე გამოძიება მიმდინარეობს, თუმცა მიზეზი ან დამნაშავე ჯერჯერობით არ გამოკვეთილა.  როგორც წესი, წინასწარი  პასუხი ერთია - ბუნებრივად მომხდარი სამთო დარტყმა. ეს ფრაზა კი ყველას ერთნაირად ათავისუფლებს პასუხისმგებლობისგან  - კომპანიის „საქნახშირის“,  რომელიც დღეს შახტს მართავს და,  რა თქმა უნდა, ხელისუფლებას, რომელიც პირველ რიგში პასუხისმგებელია თვითოეული მოქალაქის სიცოცხლესა და უსაფრთხო შრომის გარემოზე.



 „კომერსანტი“ რამდენიმე საკითხით დაინტერესდა:


რა ხდება მინდელის სახელობის მაღაროში?

ვის ეკისრება პასუხისმგებლობა ადამიანების ბედზე, რომლებიც მიწის ქვეშ არსებობისთვის იბრძვის?

რატომ არ ქმნის უსაფრთხო სამუშაო გარემოს კერძო კომპანია „საქნახშირი“ და რატომ არ სთხოვს პასუხს სახელმწიფო?

დაგვიანებულია თუ არა პრემიერის ნაბიჯი შახტის დახურვის გადაწყვეტილებაზე ?

აქამდე, სად იყო ხელისუფლება?

შახტის სრულად დახურვის შემთხვევაში, რა ბედი ეწევა მეშახტეებს, რომელთა ერთადერთი შემოსავალი მიწისქვეშ მოიპოვება?

რა ხდება ქვეყანაში შრომის უსაფრთხოების მიმართულებით?


პრემიერ-მინისტრმა სასაკლაოდ გამოცხადებული მაღაროს დროებით დახურვის გადაწყვეტილება მიიღო. მაგრამ ამით მმართველი ძალა ვერ მოიხსნის პასუხისმგებლობა. დაგვიანებულ  გადაწყვეტილებებს ადამიანების სიცოცხლე შეეწირა, ბევრი ოჯახი მარჩენალის გარეშე დარჩა, ბევრი სიკვდილის სტრესის ქვეშ ისევ ჩადის ლუკმაპურის საშოვნელად, რადგან სხვა გამოსავალი არ აქვს. ამ პასუხისმგებლობიდან თავის დასაძრომად პარლამენტის თავმჯდომარემ და დეპუტატების დიდმა ნაწილმა გამოსავალი წინა პრემიერისთვის ხელების შეწმენდაში ნახა. შესაძლებლობა რომ იყოს, გიორგი კვირიკაშვილსაც ექნებოდა „საკუთარი სიმართლე“, მაგრამ ფაქტია, საქართველოს პასუხისმგებლიანი და რეალურად საქმის გამკეთებელი ხელისუფლების არცერთი შტო არ ჰყავს.



ტყიბულში მომხდარი არაერთი ტრაგიკული ფაქტი ადასტურებს, რომ შრომის უსაფრთხოება ქვეყანაში დიდ გამოწვევად რჩება. ამის შესახებ საუბრობენ თავად მეშახტეები, საზოგადოება, ოპოზიცია, მთავრობა, მედია, არასამთავრობო ორგანიზაცია, თუმცა პრობლემა მაინც მოუგვარებელია. სახელმწიფოს როლი კი დატრიალებული ტრაგედიის შემდეგ, მხოლოდ  გლოვის დღეების გამოცხადებაში ჩანს.


„კომერსანტი“  რამდენიმე თვის წინ თავად იყო მინდელის მაღაროში და წერდა, როგორც მუშების არაადამიანურ სამუშაო გარემოზე, ასევე თავად  კომპანიის „საქნახშირის“ საქმიანობაზე. „საქართველოს ინდუსტრიული ჯგუფის“ შვილობილი კომპანია უკვე რამდენიმე წელია რაც ადგილზე მუშაობს, თუმცა როგორც GIG-ის გენერალურმა დირექტორმა, ზურაბ გელენიძემ ჯერ კიდევ მაშინ ჩვენთან საუბარში აღნიშნა, კომპანია უკვე წლებია ტყიბულში წაგებაზე მუშაობს და ბაზრიდან გასვლასაც არ გამორიცხავს. ამჯერად კი, მინდელის შახტში მომხდარი ტრაგედიების ფონზე,  GIG-მ უკვე ოფიციალურად და ღიად გამოთქვა სურვილი „საქნახშირი“ მოიშოროს და მთავრობას უსასყილოდ გადასცეს.


„რაც შეეხება შრომის უსაფრთხოებას, გადაიდგა კონკრეტული ნაბიჯები და ამ მიმართულებით  კომპანიის მხრიდან ტყიბულში განხორციელდა 13 მლნ. ლარის ინვესტიციაც. თუმცა  აღნიშნული მაინც დიდ გამოწვევად რჩება და ასეც გაგრძელდება. ზოგადად, ამ სფეროში რისკების განულება შეუძლებელია. თუმცა, ისიც უნდა აღინიშნოს, რომ 13 მლნ. ლარის გარდა კიდევ არაერთი ღონისძიებაა გასატარებელი, რაც უფრო მეტად შეამცირებდა რისკებს, მაგრამ ესეც დიდ თანხებს საჭიროებს“, - აღნიშნავდა ზურაბ გელენიძე.


ზურაბ გელენიძის მიერ გაკეთებულ განცხადებას შრომის უსაფრთხოებაზე, არ ეთანხმება საქართველოს პროფესიული კავშირების გაერთიანების  თავმჯდომარის მოადგილე რაისა ლიპარტელიანი. მისი თქმით, ამ შემთხვევაში „საქნახშირი“ , როგორც დამსაქმებელი ვალდებულია შექმნას თანამშრომლებისთვის უსაფრთხო გარემო.


გელენიძის პოზიცია, რომ 13 მლნ. ლარის გარდა კიდევ დიდი თანხებია საჭირო შესაბამისი შრომის უსაფრთოების შესაქმნელად და ამის საშუალება კომპანიას არ აქვს - ეს არ არის არგუმენტი.  მაშინ „საქნახშირი“-მა უნდა დაანებოს ამ საქმეს თავი და სხვას გადააბაროს ტყიბული.


რაც შეეხება ზოგადად პასუხისმგებლობას, რა თქმა უნდა, პირველ რიგში, ყველა კითხვას პასუხი მთავრობამ უნდა გასცეს. ეს ტრაგედიები პირდაპირ მიანიშნებს შრომის უსაფრთხოების შესახებ კანონისა და მისი აღსრულების არაეფექტიანობაზე. ახალი კანონიც უმოქმედოა, რადგან არ არის დამტიცებული ნუსხა იმ საქმიანობების, სადაც შესაძლოა განხორციელდეს ინსპექტირება “,- განმარტავს რაისა ლიპარტელიანი.


მისივე თქმით, მთავრობის მხრიდან უკვე დაგვიანებულია პრემიერის მიერ მიღებული დღევანდელი გადაწყვეტილებაც მინდელის შახტის დროებითი დახურვის შესახებ. როგორც ირკვევა, მინდელის შახტის დროებითი დახურვის ინიციატივა „პროფკავშირმა“  ჯერ კიდევ აპრილში მომხდარი ტრაგედიის დროს ითხოვა, თუმცა სანამ შემთხვევა არ განმეორდა, მთავრობა უმოქმედო იყო.


„ჩვენი ინიციატივა შახტის დროებით დახურვასთან დაკავშირებით პრემიერს რომ გაეზიარებინა  თავის დროზე, მინიმუმ დღევანდელი  ფაქტის პრევენცია მაინც მოხდებოდა. ფორმალურად შექმნილია სამმხრივი კომისიაც, რომელიც მხოლოდ ერთხელ შეიკრიბა და ისიც ჩვენი ინიციატივით. ამ მუდმივი კომისიის მუშაობა არის სრულიად არაეფექტიანი. ახლა, როგორც ვიცი  შრომის საერთაშორისო ორგანიზაციის ჩართულობით მიმდინარეობს ექსპერტების შერჩევა და იმედია დასკვნა მალე დაიდება, მაგრამ ესეც დაგვიანებულია. ამდენი ადამიანის სიცოცხლე ხომ არ შეეწირებოდა ამ ყველაფერს, უბრალოდ რომ ყოფილიყო პოლიტიკური ნება მინდელის შახტი თავის დროზე გაჩერებულიყო?!“,- აღნიშნავს ლიპარტელიანი.


კითხვაზე, თუ რა ბედი ეწევა ტყიბულსა და მეშახტეებს იმ შემთხვევაში თუ მინდელის სახელობის მაღარო სამუდამოდ დაიკეტება, „პროფკავშირების“ წარმომადგენლის განცხადებით, ამის შესახებ მათ რამდენჯერმე მიმართეს მთავრობას, თუმცა კონკრეტული გეგმა ჯერ არ არსებობს.


„დიდია ალბათობა, ექპერტიზის შედეგად დაიდოს დასკვნა, რომ შახტი რეაბილიტაციას არ ექვემდებარება. მაშინ, როცა ტყიბულში ერთადერთი შემოსავლის წყარო სწორედ იქ მუშაობაა, აუცილებელია მთავრობამ იზრუნოს ალტერნატიული სამუშაო ადგილების შექმნაზე. ამ კუთხით ჩვენ რამდნეიმე ინიციტივაც გვქონდა. დასაწყისში უნდა მოხდეს მუშების ფულადი კომპენსირება ხელფასების სახით, შემდეგ კი უნდა მოხდეს ადგილის ეკონომიკური შესწავლა და გარკვეული პროექტების სუბსიდირება, თუნდაც მომსახურების სხვადასხვა სექტორის მიმართულებით. ეს ყველაფერი აქამდეც შესაძლებელი იყო, უბრალოდ პოლიტიკური ნებაა საჭირო“,- აღნიშნავს ლიპარტელიანი.


დაიხურება თუ არა სამუდამოდ მინდელის სახელობის შახტი, მიიღებს თუ არა სახელმწიფო საჩუქრად მაღაროს, რომლის მოშორებაც კერძო კომპანიას სურს, ან ვინ გადაიბარებს მის მართვას - პასუხები ჯერჯერობით უცნობია. მანამდე კი კიდევ ერთხელ შეგახსენებთ, რომ 2018 წელს, პროფესიული კავშირების გაერთიანების მონაცემებით სამუშაო ადგილებზე საწარმოო ტრავმების შედეგად გარდაიცვალა 29 და მძიმედ დაშავდა 24 ადამიანი. აქედან შახტებში გარდაცვლილია 11, ხოლო მძიმედ დაშავებულია 10 ადამიანი. კარიერებზე გარდაიცვალა 3, მძიმედ დაშავდა 2 ადამიანი.




სალომე ლემონჯავა





საქართველოს ბიზნეს ასოციაცია სამედიცინო სფეროს მარეგულირებელ კანონმდებლობაში ცვლილებებს კიდევ ერთხელ ეხმაურება

საქართველოს ბიზნეს ასოციაცია სამედიცინო სფეროს მარეგულირებელ კანონმდებლობაში ცვლილებებს კიდევ ერთხელ ეხმაურება
access_time2020-07-16 16:00:27
სამედიცინო სფეროს მარეგულირებელ კანონმდებლობაში დაგეგმილ ცვლილებებს საქართველოს ბიზნეს ასოციაციაში კიდევ ერთხელ ეხმაურებიან და კანონპროექტის ინიციატორებსა და კანონმდებლებს მოუწოდებენ, 17 ივლისს დაგეგმილი საკომიტეტო მოსმენის ფარგლებში სათანადო გულისხმიერებით გაეცნონ ჯანდაცვის სექტორის მიერ კანონპროექტში დანახულ საფრთხეებს. როგორც ასოციაციაში აცხადებენ, მიუხედავად გარკვეული ცვლილებებისა, რაც კანონპროექტში პირველი მოსმენის შემდეგ განხორციელდა, მასში კვლავ რჩება რიგი...

დღის Top 10 საინტერესო ამბავი

დღის Top 10 საინტერესო ამბავი
access_time2020-07-16 21:30:06
დღის Top 10 საინტერესო ამბავი იპოთეკაზე განაცხადების რაოდენობა 10-ჯერ გაზრდილია - საბანკო ასოციაციის პრეზიდენტი „იპოთეკურ სესხებზე განაცხადების რაოდენობა მკვეთრად,დაახლოებით 10-ჯერ გაზრდილია,“ - ამის შესახებ „ბიზნესპარტნიორთან“ „საქართველოს საბანკო ასოციაციის“ პრეზიდენტი ალექსანდრე ძნელაძე საუბრობს. მისი ინფორმაციით,...

„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე

„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე
access_time2020-07-16 19:00:08
რადიო „კომერსანტის“ გადაცემაში „პროფესიონალები“ USAID-ის ეკონომიკის ოფისის ენერგეტიკის სექტორის მრჩეველმა ნიკა ოყრეშიძემ და სემეკის ელექტროენერგეტიკის დეპარტამენტის დირექტორის მოადგილემ ზვიად გაჩეჩილაძემ საქართველოში...

Forbes: 2020 წელს „გაზპრომმა“ 10 მლრდ. დოლარი იზარალა

Forbes: 2020 წელს „გაზპრომმა“ 10 მლრდ. დოლარი იზარალა
access_time2020-07-16 20:00:56
2020 წელი „გაზპრომისთვის“ ძალიან რთული აღმოჩნდა. გაზის ექსპორტისგან მიღებული შემოსავალი 53%-ით შემცირდა და წლის საბოლოო პროგნოზით მაჩვენებელი შესაძლოა 2000-ანი წლების მინიმუმამდე დაეცეს. 4 წლის მანძილზე მონოპოლია გაზის მოპოვებას და შესაბამისად ექსპორტს მუდმივად ზრდიდა. 2019 წელს მაჩვენებლები მცირედით გაუარესდა და ევროპაში ექსპორტი უმნიშვნელოდ - 201,7-დან 199 მლრდ. კუბურ მეტრამდე შემცირდა. თუმცა, ეს მხოლოდ დასაწყისი იყო, რადგან ნამდვილი...

#ლიბერთიგულით პროგრამა პენსიონერებისთვის ზაფხულის დღეებში გრძელდება

#ლიბერთიგულით პროგრამა პენსიონერებისთვის ზაფხულის დღეებში გრძელდება
access_time2020-07-16 14:00:39
დღეიდან, მთელი ქვეყნის ტერიტორიაზე პენსიონერებისთვის ლიბერთი ბანკისა და კომპანია „აქვა გეო"-ს ერთობლივი საზაფხულო აქცია იწყება. ლიბერთი ბანკის სპეციალურად შერჩეულ 25, ყველაზე მეტად დატვირთულ ფილიალთან, ბანკის მომხმარებლებს სასმელი და გაზირებული მინერალური წყლებით გაუმასპინძლდებიან.   პანდემიის გამო, ჯანდაცვის რეკომენდაციების  გათვალისწინებით, ბანკის სერვისცენტრებში მხოლოდ განსაზღვრული ადამიანების თავშეყრაა დასაშვები. გარეთ კი ცხელა, და მომხმარებლებისთვის კომფორტის...


მსგავსი სიახლეები

up