პრინსტონისა და ვაშინგტონის უნივერსიტეტების მკვლევრებმა ახალი მაღალი ხარისხის გამოსახულების მქონე მიკროკამერა შექმნეს, რომელი მხოლოდ ნახევარი მილიმეტრის ზომისაა.
Nature Communications-ში გამოქვეყნებული კვლევა აჩვენებს, თუ როგორ იძლევიან ოპტიკური მეტა-ზედაპირები, კომპიუტერთან ერთად, გამოსახულების მაღალ ხარისხს.
ასეთი კამერის გამოყენება შესაძლებელია სხვადასხვა ინდუსტრიაში - რობოტიკიდან დაწყებული მედიცინაში, სადაც ის შეიძლება ექიმებსა და მეცნიერებს დიაგნოსტიკაში დაეხმაროს.
ოპტიკური მეტაზედაპირები სინათლის დამუშავების ახალი მეთოდია, რომელსაც კვადრატულ ზედაპირზე ცილინდრული სვეტების აქვს დამონტაჟებული. ეს სვეტები მოქმედებენ როგორც ანტენები და შუქის შემომავალი ფოტონების ამოღება შეუძლიათ. შემდეგ ისინი სიგნალებად გარდაიქმნება და კომპიუტერში იგზავნება, რომელიც მათ ინტერპრეტაციას ახდენს და ხელახლა ქმნის ორიგინალურ სურათს.
პატარა კამერები შეიძლება გამოიყენონ მედიცინაში, მაგალითად ტვინის კვლევისას, ინვაზიური ენდოსკოპიის შესამცირებლად. თუმცა, ასეთი კვლევებისთვის ამ კამერების გამოსახულების ხარისხი ჯერ კიდევ არ არის საკმარისად კარგი.
თუ გავითვალისწინებთ, რომ ასეთ ნახევარ მილიმეტრიან ზედაპირზე შეიძლება განთავსდეს 1,6 მილიონი ცილინდრი (ფოტონური ანტენა), მაშინ ასეთი სიმულაცია საჭიროებს მეხსიერების უზარმაზარ რაოდენობას.
მკვლევრები ამჟამად კამერის გამოთვლითი შესაძლებლობების გაუმჯობესებაზე მუშაობენ და გეგმავენ, რომ ნეირო-მიკრო კამერები მედიცინასა და რობოტიკაში უფრო ფართოდ გამოიყენონ.