მსოფლიო უძრავი ქონების ბაზარზე ახალი ტრენდია. ერთ-ერთია ბინის გაქირავება ბარტერით, ანუ სხვადასხვა მომსახურების სანაცვლოდ.
უკრაინის დედაქალაქში ბინის დაქირავება საკმაოდ ძვირია და ყველას არ აქვს საშუალება და სტაბილური შემოსავალი ქირის გადასახდელად. ამიტომაც შეინიშნება ახალი ტენდენცია - მაგალითად, მსურველი ქირაობს ბინას უფასოდ, თუმცა, გამქირავებელს სთავაზობს არა თანხას არამედ სხვადასხვა მომსახურებას. უძრავი ქონების გაქირავების საიტზე, ერთ-ერთ განცხადებაში ბინის მეპატრონე ქირის ნაცვლად ადვოკატის მომსახურებას ითხოვდა.
უფლებადამცველი ორგანოების თანამშრომლებმა დნეპრში აღმოაჩინეს მორიგი უჩვეულო განცხადება: „გავაქირავებ ერთოთახიან ბინას სასურველია ქერათმიან ქალბატონზე , ინტიმის სანაცვლოდ.“ ზოგჯერ მეპატრონე ნათელმხილველის მომსახურებას იღებს დამქირავებლისგან, ზოგი კი უცხო ენის კურსს.
იურისტები აღნიშნავენ, რომ ძალიან მნიშვნელოვანია დოკუმენტების კანონის ფარგლებში გაფორმება. ამასთან აუცილებელი იქნება გადასახადების გადახდა, შესაბამისად ხელშეკრულებაში მინიმალური ციფრები მაინც უნდა იყოს მითითებული.
dengi.ru
მარიამ მორგოშია
უძრავი ქონება
