მიზეზები, რის გამოც შსს ინდოელ ვიზიტორებს საქართველოში შემოსვლაზე უარს ეუბნება

მიზეზები, რის გამოც შსს ინდოელ ვიზიტორებს საქართველოში შემოსვლაზე უარს ეუბნება

access_time2019-07-20 16:37:06


„ინდოეთის მოქალაქეებისთვის საქართველოში შემოსვლაზე უარის თქმის საფუძვლები არის განსხვავებული და შეიძლება, ტენდენციები შეიცვალოს წლიდან წლამდე; ხშირ შემთხვევაში უარის თქმის საფუძველს წარმოადგენს ვიზიტის მიზნობრიობის დაუსაბუთებლობა და შესაბამისი კატეგორიის ვიზის არქონა“, - ასე უპასუხა საქართველოს შინაგან საქმეთა სამინისტროს საერთაშორისო ურთიერთობების დეპარტამენტის პროექტების მართვის სამმართველოს უფროსმა თამარ სალუქვაძემ bm.ge-ის შესაბამის კითხვას.

 

ცნობისთვის: ირანის შემდეგ, ინდოეთი მეორეა იმ ქვეყნების ჩამონათვალში, რომლის მოქალაქეებსაც ქართველი მესაზღვრეები საქართველოში შემოსვლაზე ყველაზე ხშირად ეუბნებიან უარს.

 

კერძოდ, 2019 წლის 6 თვეში შსს-მ საქართველოში უცხო ქვეყნის 13,165 მოქალაქე არ შემოუშვა, რომელთა შორის ირანის - 5,565 და ინდოეთის 2,465-მა მოქალაქე იყო.

ირანისგან განსხვავებით, საქართველოს ინდოეთთან სავიზო რეჟიმი აქვს, ამიტომ ინდოეთის მოქალაქეებს საქართველოში ჩამოსასვლელად ვიზის აღება სჭირდებათ;

 


ტურისტული კომპანიების ნაწილი აცხადებს, რომ ინდოეთის მოქალაქეები, რომელთაც საქართველოში ტურისტული მიზნით ჩამოსვლა სურთ, ელექტრონულ ვიზას იღებენ, რომელსაც საგარეო საქმეთა სამინისტრო გასცემს, თუმცა ხშირია შემთხვევები, როცა უკვე საქართველოში ჩამოსულებს შსს ქვეყნის ტერიტორიაზე არ უშვებს.

 

როგორ აიხსნება ის ფაქტი, რომ საქართველოს ერთი სახელმწიფო უწყება გასცემს ვიზას, მეორე კი - ქვეყანაში არ უშვებს უცხო ქვეყნის მოქალაქეს?

 

შსს-ში ამტკიცებენ, რომ ელექტრონული ვიზა არაა იმის 100%-იანი გარანტია, რომ ინდოეთის მოქალაქეს შეუძლია საქართველოს საზღვარზე შემოვიდეს.

 

„საქართველოს კანონი უცხოეთის მოქალაქეთა და მოქალაქეობის არმქონე პირთა შესახებ“ კერძოდ, მე-11 მუხლის პირველი პუნქტი განსაზღვრავს უარის თქმის საფუძველს, რომელსაც იყენებს მესაზღვრე კონტროლიორი დისკრეციული უფლებამოსილების ფარგლებში. ტენდენციები უარის თქმის არის განსხვავებული და შეიძლება შეიცვალოს წლიდან წლამდე. ხშირ შემთხვევაში უარის თქმის საფუძველს წარმოადგენს ვიზიტის მიზნობრიობის დაუსაბუთებლობა და შესაბამისი კატეგორიის ვიზის არქონა. მიუხედავად ამისა, ყველა ადამიანს, რომელსაც უარი ეთქვა საქართველოს ტერიტორიაზე შემოსავლაზე, გადაეცემა გადაწყვეტილება, სადაც აღნიშნულია უარის თქმის საფუძვლები, ასევე ამ გადაწყვეტილებაში მითითებულია გასაჩივრების ვადები და პირობები“, - განუმარტა bm.ge-ის საქართველოს შინაგან საქმეთა სამინისტროს საერთაშორისო ურთიერთობების დეპარტამენტის პროექტების მართვის სამმართველოს უფროსმა თამარ სალუქვაძემ.

 

მისივე თქმით, მიმდინარე ეტაპზე საქართველოს საგარეო საქმეთა სამინისტროსთან კოორდინაციით, შესაბამისი უწყებები მუშაობენ ელექტრონული ვიზის მიღების პროცესის გაუმჯობესებასა და დახვეწაზე.

 

„ამ მიზნით მოლაპარაკება მიმდინარეობს საერთაშორისო კერძო კომპანია VFS Global-თან, რომლის საფუძველზეც მოხდება ელექტრონული ვიზის მიღების პროცესის ადმინისტრირება. შსს-მ და შესაბამისმა სახელმწიფო უწყებებმა შეიმუშავეს გადამოწმების კრიტერიუმები, რომელიც უნდა დააკმაყოფილოს აპლიკანტმა სავიზო განაცხადის შევსების დროს, ხოლო სერვის-პროვაიდერი VFS Global-ი უზრუნველყოფს აღნიშნული ინფორმაციის ნამდვილობის გადამოწმებას. ეს, რა თქმა უნდა, გაამარტივებს საზღვრის კვეთის პროცესს. მიუხედავად ამისა, ეს არ იძლევა სრულ გარანტიას, რომ პირი შეძლებს ქვეყანაში შემოსვლას. რა თქმა უნდა, ყველა პირი ექვემდებარება სასაზღვრო-საემიგრაციო კონტროლს“, - განმარტა სალუქვაძემ.



BMG




ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ

ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ
access_time2019-12-08 14:59:06
ქუჩაში მცხოვრები ადამიანებისთვის შხაპის რეგულარულად მიღება შესაძლებლობების ზღვარს სცილდება. ჰამბურგში მოძრავი ავტობუსი ამ სიტუაციის შეცვლას აპირებს. დღეიდან ჰამბურგში მცხოვრებ უსახლკარო ადამიანებს შეეძლებათ ქალაქში მოძრავ მოდიფიცირებულ ავტობუსში შხაპი მიიღონ, გამოიცვალონ და ტანსაცმელი გარეცხონ. "ამ ავტობუსში ყოფნა ძალიან...

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია
access_time2019-12-08 16:00:51
1800 წლის 22 დეკემბერს რუსეთის იმპერატორმა პავლე I-მა ქართლ-კახეთის სამეფოს რუსეთის იმპერიასთან შეერთების მანიფესტს მოაწერა ხელი. რამდენიმე თვის წინ საქართველოს პრეზიდენტის ათონელის რეზიდენციაში, სხვა მრავალ ანტიკვარულ ნივთთან ერთად, ბინა დაიდო რუსეთის საიმპერატორო ქარხნებში - მოსკოვსა თუ პეტერბურგში დამზადებულმა ავეჯმა, მათ შორის იმპერატორ პავლე პირველის ეპოქიდან შემორჩენილმა მაგიდებმა თუ კომოდებმა, ნივთებმა, რომლებიც 220 წლის წინ განთავსებული იყო იმ სასახლეებსა და დარბაზებში, სადაც...

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი
access_time2019-12-08 14:00:22
2019 წლის აგვისტოში, ბერლინის რაიონ ტირგარტენში ახლო მანძილიდან ცეცხლსასროლი იარაღით 40 წლის ქართველი მოკლეს.   გამოძიება განიხილავს ერთადერთ ვერსიას - შეკვეთილ პოლიტიკურ მკვლელობას, რადგანაც სხვა მოტივების რაიმე ნიშანი არ გამოიკვეთა.   Süddeutsche Zeitung-ის, ასევე ტელეკომპანიების NDR და WDR-ის ცნობით, ამ საქმეზე გამოძიების დაწყებას გეგმავს გენერალური პროკურატურა, რადგანაც მასში შესაძლოა სპეცსამსახურები იყოს...

ქუჩები თბილისში, სადაც ყვითელი მიკროავტობუსები აღარ იმოძრავებს

ქუჩები თბილისში, სადაც ყვითელი მიკროავტობუსები აღარ იმოძრავებს
access_time2019-12-08 12:00:24
„კომპანია „სისტრას“ მიერ მომზადებული გეგმის მიხედვით, თბილისის ცენტრალურ ქუჩებზე ყვითელი მიკროავტობუსები აღარ იმოძრავებს,“ - ამის შესახებ კომპანია „თბილისის მიკროავტობუსის“ გენერალურმა დირექტორმა დავით ასანიძემ რადიო „პალიტრას“ გადაცემაში „საქმე“...

2020 წლისთვის ბათუმში სამი ახალი ინოვაციების ცენტრი გაიხსნება

2020 წლისთვის ბათუმში სამი ახალი ინოვაციების ცენტრი გაიხსნება
access_time2019-12-08 10:00:01
საქართველოს ინოვაციების და ტექნოლოგიების სააგენტოს თავმჯდომარემ, ავთანდილ კასრაძემ, რადიო კომერსანტის გადაცემაში „მთავარი ფაქტორი" სააგენტოს 2020 წლის გეგმებზე ისაუბრა.   "2020 წლისთვის სამი ახალი ინოვაციების ცენტრი გაიხსნება ბათუმში, კასპსა და გურჯაანში. 2020 წელსვე დასრულდება სამუშაოები, მნიშვნელოვანია რეგიონების ჩართვა ამ ეკოსისტემაში, განსაკუთრებით ბათუმის. გვეყოლება 40 ახალი სტარტაპი, რომელიც 100 ათასი ლარით დაფინანსდება და 10 სტარტაპი 650 ათას ლარიანი საგრანტო...


მსგავსი სიახლეები

up