მიზეზები, რის გამოც კომიტეტებმა საპენსიო სისტემის ალტერნატიული პროექტი ჩააგდეს

მიზეზები, რის გამოც კომიტეტებმა საპენსიო სისტემის ალტერნატიული პროექტი ჩააგდეს

access_time2019-02-11 23:00:04

ფრაქცია „ქართული ოცნება სოციალ-დემოკრატების“ მიერ წარმოდგენილმა ახალი საპენსიო სისტემის კანონპროექტმა დღეს მხარდაჭერა ვერცერთი კომიტეტისგან მიიღო. 

დარგობრივი ეკონომიკის კომიტეტსა და საფინანსო-საბიუჯეტო კომიტეტებში საპენსიო რეფორმის ალტერნატიულ ვარიანტს მხარი დეპუტატების უმრავლესობამ არ დაუჭირა, ადამიანის უფლებათა დაცვის კომიტეტში კი, კენჭისყრა ქვორუმის არარსებობის გამო ვერ შედგა. 

მთავრი საკითხი, რის გამოც დარგობრივი ეკონომიკის კომიტეტმა ახალი საპენსიო სისტემის კანონპროექტი დაიწუნა, საინვესტიციო პოლიტიკას უკავშირდება. 

ფრაქცია “სოციალ-დემოკრატების” მიერ მომზადებული კანონპროექტით, ქვეყანაში ეროვნული საბინაო ფონდი” უნდა შეიქმნას, რომელიც დაფინანსებას პირდაპირ საპენსიო სააგენტოსგან მიიღებს. 

კანონპროექტის მიხედვით, “ეროვნულმა საბინაო ფონდმა” საბაზროზე უფრო დაბალ ფასად, გრძელვადიანი იპოთეკური სესხები ქვეყნის ყველაზე დაბალშემოსავლიან მოქალაქეებს უნდა მისცეს. 



„აქ იყო შეკითხვები საინვესტიციო პოლიტიკის ნაწილში, იყო შეკითხვები პირველ რიგში იმაზე, რაც ბიუჯეტს აწვება და რომელიც არ არის ამ ეტაპზე გათვალისწინებული. იყო შეკითხვები თავად სანდოობასთან გრძელვადიან პერსპექტივაში, იყო შეკითხვები, რამდენად არის გათვლილი შესაძლო ეკონომიკის ზრდის ტემპი და მთლიანობაში ყველა ამ საკითხზე მსჯელობის შედეგად კანონპროექტმა მხარდაჭერა ვერ მოიპოვა“, - აცხადებს დარგობრივი ეკონომიკის კომიტეტის თავმჯდომარე რომან კაკულია. 

საინვესტიციო პოლიტიკასთან დაკავშირებით ჰქონდათ კითხვები საფინანსო-საბიუჯეტო კომიტეტის წევრებსაც. გარდა ამისა, დეპუტატები საუბრობდნენ, რომ ცვლილებების მიღების შემთხვევაში საგრძნობლად გაიზრდება სახელმწიფო ხარჯი, რის გამოც ინიციატივის ამ ეტაპზე გაზიარება ვერ მოხდება. კომიტეტის თავმჯდომარემ ირაკლი კოვზანაძემ ისიც თქვა, რომ აღნიშნულ კანონპროექტს თან ახლავს მთავრობის უარყოფითი დასკვნა, რადგან ხარჯები სახელმწიფოს 300-დან 360 მილიონ ლარამდე გაეზრდება. 




„ეს პროექტი ბევრად უფრო ორიენტირებულია ადამიანზე, ვიდრე - მთავრობის მიღებული. უბრალოდ, მე ვერ ვხედავ განთავსების მექანიზმში სრულყოფილებას იქიდან გამომდინარე, რომ პრაქტიკულად შედის კონკურენციაში იმ დარგთან, რომელშიც აპირებენ ამის განთავსებას. მე ვფიქრობ, ეს ისეთი საკითხია, რომელზეც შეიძლება მსჯელობა და ჩანაცვლება იმიტომ, რომ ბინათმშენებლობის გარდა სოციალური ბინათმშენებლობა მე ვფიქრობ, სხვა მეთოდებით უნდა დარეგულირდეს და არა საპენსიო შენატანებით. საპენსიო შენატანები კი, თუ მეტად ენერგოდამოუკიდებლობაზე იქნება ორიენტირებული, იმას უნდა მოხმარდეს“, -აცხადებს საფინანსო-საბიუჯეტო კომიტეტის წევრი დავით ჭიჭინაძე. 

„3,2% გამოდის საგადასახადო ტვირთი და პლიუს საბიუჯეტო ხარჯი, რომელიც ასევე 80 მილიონია. ამ ეტაპზე, არამგონია, მზად ვიყოთ, თუმცა ჩვენ თავიდანვე ვამბობდით, რომ მომავალში საპენსიო შენატანი დაგროვებითში უნდა გაიზარდოს. ნაცვლად დაგროვებითისა შესაძლებელია, რომ მომავალში ამას დავუბრუნდეთ, ერთი წლის მერე, ორი წლის მერე და ვიმსჯელოთ მაშინ, რომ ამ სისტემით მოხდეს, რასაც ბექა გვთავაზობს“, - აცხადებს საფინანსო-საბიუჯეტო კომიტეტის წევრი აკაკი ზოიძე. 




ახალი საპენსიო სისტემის ინიციატორს, დეპუტატ ბექა ნაცვლიშვილს იმედი აქვს, რომ კანონპრიექტთან დაკავშირებით მკაფიო სურათი მაშინ გამოჩნდება, როცა დოკუმენტი პლენარულ სხდომაზე გავა. იმ შემთხვევაში, თუ პარლამენტი მის მიერ შეთავაზებულ საპენსიო სისტემის ალტერნატივას არ მიიღებს, ამბობს, რომ უმრავლესობას დატოვებს.


bm.ge





სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?
access_time2019-04-24 20:43:09
ნარკოდანაშაულის ბრალდებით ( სს კოდექსის 260-ე მუხლის პირველი ნაწილი) დაკავებული მსახიობის ლევან ჯიბღაშვილის სასამართლო დარბაზიდან გათავისუფლებას საზოგადოებაში და სოციალურ ქსელებში დიდი გამოხმაურება და არაერთგვაროვანი შეფასება მოჰყვა. ამ თემასთან...

თანამედროვე ირანი: ამბოხის და პროტესტის ზღვარზე

თანამედროვე ირანი: ამბოხის და პროტესტის ზღვარზე
access_time2019-04-24 22:00:40
დღევანდელი ირანელები არიან სპარსების პირდაპირი შთამომავლები და მათი სახელმწიფოებრიობა  თითქმის 5000 წელს ითვლის. ათასწლეულობით ჩამოყალიბებული ცხოვრების წესის და ძველი ტრადიციების ერთგულება ირანში ჩანს ისე, როგორც არსად. თუმცა,  მოსახლეობის სხვადასხვა ფენებში და განსხვავებულ ასაკობრივ ჯგუფებში ეს გავლენა განსხვავებულია. საქმიანი ადამიანები, ინტელიგენცია, სტუდენტობა და ახალგაზრდობა ემხრობა ცხოვრების თანამედროვე წესს. მეტიც,...

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ
access_time2019-04-24 19:30:12
დავით დარჩიას...

m²-ს სასტუმროების ქსელის განვითარების მიმართულებით ამბიციური გეგმები აქვს

m²-ს სასტუმროების ქსელის განვითარების მიმართულებით ამბიციური გეგმები აქვს
access_time2019-04-24 15:00:23
m²-ს სასტუმროების ქსელის განვითარების მიმართულებით ამბიციური გეგმები აქვს.ამ ეტაპზე, საქართველოს მასშტაბით, 10 სასტუმროს გახსნა იგეგმება, რომლებიც,საერთო ჯამში,1.000-ზე მეტ ნომერს გააერთიანებს. ამასთანავე, გაცნობებთ, რომ „m² უძრავი ქონების“ პირველისასტუმრო „რამადა ენკორ თბილისი“ 2018 წელს გაიხსნა და ალექსანდრე ყაზბეგის №15-ში...

„კომერსანტის„ ექსკლუზივი - სასტუმრო შერატონ მეტეხი პალასის ბოლო, მეათე სართულზე რესტორანი “ათი“ იხსნება

„კომერსანტის„  ექსკლუზივი - სასტუმრო შერატონ მეტეხი პალასის ბოლო, მეათე სართულზე რესტორანი “ათი“ იხსნება
access_time2019-04-24 15:30:47
„კომერსანტისთვის „ ექსკლუზიურად გახდა ცნობილი, რომ  2019 წლის ზაფხულში სასტუმრო შერატონ მეტეხი პალასის  მეათე სართულზე რესტორანი ათი იხსნება. რესტორანი როგორც  ტურისტებს, ასევე  ადგილობრივებს სთავაზობს განსაკუთრებულ გარემოს, ხედსა და მენიუს. ჩვენთან საუბრისას სასტუმროს მარკეტინგის მენეჯერმა  ნინო ისაკაძემ...


მსგავსი სიახლეები

up