„კომერსანტის“ ექსკლუზივი : მიზანმიმართული კორუფცია თუ მცირე კლინიკების ჩაძირვის სქემა

„კომერსანტის“ ექსკლუზივი : მიზანმიმართული კორუფცია თუ მცირე კლინიკების ჩაძირვის სქემა

access_time2020-10-06 12:00:40

ექსკლუზიურად „კომერსანტისთვის“ ჯანდაცვის სამინისტროს ახალი ბრძანება გახდა ცნობილი, ბრძანება რომელიც არაოფიციალურია და მასზე ღიად არავინ საუბრობს. საქმე ეხება სავარაუდო კორუფიულ სქემას, რომლის მიხედვითაც სასწრაფო სამედიცინო დახმარების ექიმებს პაციენტები მხოლოდ რამდენიმე, ბაზრის მონოპოლისტ კლინიკაში გადაჰყავთ. სანდო წყარო, 112- დან გვიყვება, რომ პაციენტი სპეციალიზებულ კლინიკებში არ უნდა გადაიყვანონ, რადგან მათ აქვთ იმ დაწესებულებების სია, სადაც გადაუდებელი პაციენტების ჰოსპიტალიზაცია უნდა მოხდეს.

 

„კომერსანტის“ ექსლუზიური ინფორმაცია, სავარაუდო კორუფციული სქემის შესახებ ჰოსპიტალურ სექტორშიც დადასტურეს. კლინიკების უმეტესობაში აცხადებენ, რომ ჯანდაცვის სამინისტროს არაოფიციალური დავალებით პატარა, მონოპროფილური კლინიკების ჩაძირვაა გადაწყვეტილი. აღსანიშნავია ისიც, რომ აღნიშნულ თემაზე ჰოსპიტალური სექტორის წარმომადგენლები ღიად საუბარს ერიდებიან. პრობლემაზე ღიად საუბრობს და ჯანდაცვის სამინისტროს უპირისპირდება „კლინიკა გულის“ დამფუძნებელი, ცნობილი კარდიოლოგი ანზორ მელია. იგი აცხადებს, რომ ტიკარაძის უწყებას აქვს კლინიკების შავი სია, სადაც საგანგებო სიტუაციების მართვის სამსახურმა პაციენტები არ უნდა გადაიყვანოს. ამ შავ სიაშია „კლინიკა გულიც“. კარდიოლოგი აცხადებს, რომ საგანგებო სიტუაციების მართვის სამსახური პაციენტებს არაპროპორციულად ანაწილებს და პაციენტები მხოლოდ იმ მრავალფროფილურ კლინიკებში მიჰყავთ, რომელთაც ბაზარი მონოპილიზირებული აქვთ. ექიმის განმარტებით, ჯანდაცვის სამინისტრო მონოპროფილურ კლინიკებს ანადგურებს, რის შედეგაც უახლოეს მომავალში საავადმყოფოები დახურვის საფრთხის წინაშე დადგებიან.

 

კლინიკაში პაციენტი მხოლოდ იმ შემთხვევაში შემოჰყავთ თუ მან სასწრაფოს ექიმებს უთხრა, რომ მისი მკურანლი ექიმი მე ვარ და სხვა კლინიკაში გადაყვანაზე უარს აცხადებს. ამ მდგომარეობაში ვართ მას შემდეგ, რაც არჩილ თალაკვაძის ძმა, ავთანდილ თალაკვაძე საგანგებო სიტუაციების კოორდინაციისა და გადაუდებელი დახმარების ცენტრის დირექტორის თანამდებობაზე დაინიშა. პაციენტები მხოლოდ მრავალფროფილურ კლინიკებში მიჰყავთ. თალაკვაძემდე სასწრაფო სამედიცინო დახმარების ცენტრის დირექტორი მაკა გვარამია იყო, მან ამ რთულ სიტუაციას თავი ბრწყინვალედ გაართვა. მისი მმართველობის პერიოდში პაციენტები ტერიტორიული პრინციპით და რიგითობით ნაწილდებოდა, რა დროსაც ყველა კმაყოფილი ვიყავით.

 

მონოპროფილურ კლინიკებს გვანადგურებენ, გვსპობენ კლინიკებს, რომლებმაც ჩვენი შრომით წარმატებას და ავტორიტეტს მივაღწიეთ. თუ ასე გაგრძელდა მონოპროფილური კლინიკები განადგურდება. პრობლემა იმ შემთხვევაში მოგვარდება, თუ კუალიციური მთავრობა შეიქმნება, მთავრობა რომელიც იზრუნებს სახელმწიფოზე და არა ერთსა და იმავე კლინიკებზე. ამ კლინიკებს ხელისუფლების გავლენიანი მაღალჩინოსნები უმაგრებენ ზურგს. მე თავს უპატრონოდ ვთვლი, რადგან არავინ ჩემს ზურგს უკან არავინაა, ვისაც პატრონი ჰყავს ისინი თავს კარგად გრძნობენ. ეს არის მიზანმიმართული კორუფცია და მცირე, სახელოვანი კლინიკების ჩაძირვა“, - განაცხადა აზნორმ მელიამ.

 

ჰოსპიტალურ სექტორიში არსებულ პრობლემაზე ასევე ღიად ლაპარაკობს „თბილისის გულის ცენტრის“ გენერალური დირექტორი არჩილ ჩუხრუკიძე. ინტერვენციული კარდიოლოგი „კომერსანტთან“ იმ სავარაუდო სქემაზე საუბრობს, რომლის მიხედვითაც მონოპროფილურ კლინიკებში საგანგებო სიტუაციების მართვის სამსახურს პაციენტები არ გაჰყავს. მედიცინის დოქტორი აცხადებს, რომ პაცენტები კლინიკებში პროპორციულად არ ნაწილდება.

 

„გვაქვს ინფორმაცია იმის შესახებ, რომ 112-ის სამსახურს ბრძანება მიეცა, სპეციალიზირებულ კლინიკებში პაციენტები არ გადაიყვანონ. გადაწყვეტილება ოფიციალურად არ არის დადსტურებული, თუმცა შიგნით 112- ის სამსახურის მენეჯერებისგან გავიგეთ, რომ ჯანდაცვის სამინისტორსგან არის დირექტივა ჩვენთან, კლინიკა გულში, თბილისის მედიცინის ინსტიტუტში და ა.შ. პაციენტები არ გადაიყვანონ. პაციენტი ჩვენთან მხოლოდ პირადი მოთხოვნის შემთხვევაში მოჰყავთ. 112-ს ადამიანები ძირითადად მრავალპროფილურ კლინიკებში გადაჰყავთ რა დროსაც, ხშირად პაციენტებს არაკორექტულად ექცევიან, ეუბნებიან რომ მათთვის მისაღები კლინიკა არ მიიღებს, ბევრ მიზეზს ამბობენ, რათა სპეციალიზირებულ კლინიკებში არ გადაიყვანონ. თუ ეს ინფორმაცია სიმართლეს შეესაბამება, ეს არის უფლებამოსილების გადამეტება, ჩვენს საქმიანობაში ხელის შეშლა და პაციენტების უფლებების დარღვევა. ჩვენი მრავლობითი მცდელობა შევხვდეთ ავთანდილ თალაკვაძეს უშედეგოდ დასრულდა. კარგი იქნება თუ ის ამ კითხვებს უპასუხებს, ჩვენ არ მოგვეცა საშუალება შეხვედრის, ვთხოვეთ რამდენჯერმე, მაგრამ არ გხვდება. წარმოიდგინეთ ჩვენ, რომ რეიტინგი არ გვაქოდეს და 112 გვიბლოკავდეს პაციენტების მოყვანას საქმე დახურვამდე მივიდოდა“, - განაცხადა არჩილ ჩუხრუკიძე.

 

ჩაფიძის გადაუდებელი დახმარების დეპარტამენტის ხელმძღვანელი ივა ხოჭოლავა აცხადებს, რომ პაციენტი კლინიკაში უმეტესად იმ შემთხვევაში შეჰყავთ, თუ ადამიანმა თვითონ მოითხოვა  ჩაფიძის გადაუდებელი კარდიოლოგიის ცენტრში გადაყვანა.


 

ამავე კლინიკის ინტერვენციული მედიცინისა და დიაგნოსტიკის დეპარტამენტის ხელმძღვანელი, მედიცინის მეცნიერებათა დოქტორი, ალექსანდრე ალადაშვილი იმ მიზეზებს განმარტავს, თუ რატომ იკლო მონოპრფილურ კლინიკებში საგანგებო სიტუაციების მართვის სამსახურის მიერ შეყვანილი პაციენტების რაოდენობამ.

 

„პაციენტები სასწრაფოს შემოჰყავს, უბრალოდ კორონავირუსის გამო მიმართვიანობა შემცირდა. აღსანიშნავია კიდევ ის ფაქტი, რომ კარდიოლოგიური მიმართულებით საქართველოში არის 5 ჯერ მეტი კლინიკა ვიდრე საჭიროა, შესაბამისად პაციენტები გაიფანტნენ“, - ალექსანდრე ალადაშვილი.

 

 

„კომერსანტი“ დაინტერესდა რა პასუხი აქვს ამ უმძიმეს ბრალდებებზე ჯანდაცვის სამინისტოს. რა სქემით მუშაობს საგანგებო სიტუაციების კოორდინაციისა და გადაუდებელი დახმარების ცენტრი, როგორ ხდება პაციენტისთვის კლინიკის შერჩევა და რატომ ვერ ხვდებიან ადამიანები პატარა, მონოპროფილურ კლინიკებში, ამ კითხვებით ავთანდილ თალაკვაძის უწყებას მივმართეთ.


სახელმწიფო უწყებისგან მივიღეთ პასუხი, რომ საგანგებო სიტუაციების კოორდინაციისა და გადაუდებელი დახმარების ცენტრი ჰოსპიტალიზაციისას ხელმძღვანელობს საქართველოს მთავრობის დადგენილებით განსაზღვრული სქემით, რაც მათი ინფორმაცით გულისხმობს პაციენტთა შესაბამისი სერვისების მქონე უახლოეს კლინიკაში ტრანსპორტირებას. ავთანდილ თალაკვაძის უწყებაში პრობლემის არსებობას არ აღიარებენ და  ამბობენ, რომ ცენტრის ჰოსპიტალიზაციის ძირითადი პრინციპები ემყარება პაციენტისთვის დროული, ხარისხიანი და სრულყოფილი სერვისების შეთავაზებას.


„ცენტრისთვის უცნობია რა იგულისხმება მონოპოლისტ მრავალპროფილურ კლინიკათა საკითხში - იმდენად, რამდენადაც მსგავსი გამოწვევა სასწრაფო დახმარების სამსახურში ცალსახად არ არსებობს. ჰოსპიტალიზაციის სქემით გათვალისწინებულ ნუსხაში შესულია გადაუდებელი დახმარების მიღებისთვის საჭირო ძირითადი სერვისების მიმწოდებელი კლინიკები. მოგეხსენებათ, ქვეყნის მასშტაბით, ფუნქციონირებს როგორც ქსელური, ასევე არაქსელური სამედიცინო დაწესებულებები, რომლებშიც პაციენტთა ჰოსპიტალიზაცია იმისდა მიუხედავად ხორციელდება - თუ რომელ კომპანიას ან ქსელს წარმოადგენს იგი. ცენტრისთვის მთავარ პრიორიტეტს წარმოადგენს პაციენტთა ისეთ სამედიცინო დაწესებულებაში განთავსება, სადაც მოქალაქეებს მოემსახურებიან დროულად, სრულყოფილად და მათი ჯანმრთელობის მდგომარეობის შესაბამისად.  ცენტრი პაციენტთა საუკეთესო ინტერესების გათვალისწინებით, უზრუნველყოფს მათ ისეთ კლინიკაში ტრანსპორტირებას, სადაც ადგილზე ხელმისაწვდომია ყველა საჭირო სერვისი. აღნიშნული შემდგომში პაციენტთა სხვა კლინიკაში მკურნალობის მიზნით გადაყვანის საჭიროების პრევენციას ახდენს“, - აცხადებენ სახელმწიფო უწყებაში.

 

მიუხედავად იმისა, რომ სახელმიწფო უწყებაში პრობლემის არსებობას არ აღიარებენ, ფაქტია რომ ჰოსპიტალური სექტორი მნიშვნელოვანი პრობლემის წინაშე დგას, აქედან გამომდინარე მედიაჰოლდინგი აგრძელებს თემაზე მუშაობას და ჯანდაცვის სამინისტროს სავარაუდო კორუფიულ სქემაზე დამატებით მასალებს უახლოეს მომავალში შემოგთავაზებთ.





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up