მიხეილ სააკაშვილს, ვანო მერაბიშვილსა და ერეკლე კოდუას ვალერი გელაშვილისთვის სოლიდური თანხის გადახდა დაეკისრათ

მიხეილ სააკაშვილს, ვანო მერაბიშვილსა და ერეკლე კოდუას ვალერი გელაშვილისთვის სოლიდური თანხის გადახდა დაეკისრათ

access_time2019-05-30 22:30:37

ყოფილი დეპუტატის, ვალერი გელაშვილის ადვოკატ კახა კოჟორიძის ინფორმაციით, სამოქალაქო საქმეთა კოლეგიის მოსამართლემ ადვოკატების სარჩელი თითქმის სრულად დააკმაყოფილა და მორალური და მატერიალური ზიანისთვის შსს-ს, ფინანსთა სამინისტროს, მიხეილ სააკაშვილს, ვანო მერაბიშვილსა და ერეკლე კოდუას 215 000 ლარის გადახდა დააკისრა.


ადვოკატის ცნობით, ვალერი გელაშვილი ითხოვდა მორალური ზიანის ანაზღაურებისთვის 100 000 ლარს. მოსამართლე ინგა კვაჭანტირაძემ ეს მოთხოვნა სრულად დააკმაყოფილა; მატერიალური ზიანის ნაწილში არ დაკმაყოფილდა გელაშვილის ცემის შემდეგ მისგან წაღებული იარაღის თანხის ანაზღაურების მოთხოვნა, თუმცა მატერიალური ზიანის ნაწილში სასამართლომ თანხა 115 000 ლარამდე განისაზღვრა, რომელშიც შედის შემთხვევის დროს გელაშვილისგან წაღებული ბეჭედი, რომელიც 85 000 ლარად შეფასდა, ასევე, ფულადი თანხა 10 000 დოლარი და ავტომანქანის დაზიანება.


„საზოგადოებას კარგად ახსოვს ვალერი გელაშვილის სასტიკად ცემის ფაქტი. სისხლის სამართლის წესით დადგა განაჩენები და კონკრეტული პირები პასუხისგებაში იქნენ მიცემული. ჩვენ შევიტანეთ სამოქალაქო სარჩელი ადმინისტრაციული ორგანოების – შსს-სა და ფინანსთა სამინისტროს წინააღმდეგ, ასევე ფიზიკური პირების – მიხეილ სააკაშვილის, ვანო მერაბიშვილისა და ერეკლე კოდუას წინააღმდეგ. სასამართლომ ჩვენი მოთხოვნა დააკმაყოფილა. მათ დაეკისრათ სოლიდური თანხა ვალერი გელაშვილის სასარგებლოდ – 100 000 ლარის მორალური ზიანის, დაახლოებით 115 000 ლარის კი მატერიალური ზიანის ანაზღაურების სახით. ვალერი გელაშვილისთვის თანხას არ ჰქონდა ისეთი მნიშვნელობა, როგორიც თავად ფაქტს, რადგან სამართლებრივი გზებით იმ პერიოდიდან მოყოლებული ცდილობდა, მიეღწია შესაბამისი შედეგისთვის. ეს საქმე არის პრეცედენტული, რადგან საკმაოდ დიდ თანხაზეა საუბარი მორალური ზიანის ანაზღაურების კუთხით, რაც ქართული სასამართლოსთვის პრაქტიკული კუთხით საკმაოდ იშვიათი მოვლენაა; მეორე მხრივ, საინტერესო და მნიშვნელოვანია იმ კუთხით, რომ კონკრეტული მაღალი თანამდებობის პირების სამოქალაქო პასუხისმგებლობაზეა საუბარი. გარდა ამისა, ვალერი გელაშვილისთვის ამას ჰქონდა პირველ რიგში მნიშვნელობა და არა იმ თანხას, რაც სასამართლო გადაწყვეტილებაში წერია“, – განაცხადა ადვოკატმა კახა კოჟორიძემ.



რაც შეეხება თანხის გადახდას, ადვოკატის ცნობით, სასამართლოს გადაწყვეტილება ძალაშია მისი გამოქვეყნების შემდეგ, თუმცა მოპასუხეებს აქვთ გასაჩივრების უფლება.


ვალერი გელაშვილზე თავდასხმის ფაქტზე აღძრულ სისხლის სამართლის საქმეზე სასამართლოს მიერ გამამტყუნებელი განაჩენი უკვე გამოტანილია საქართველოს ყოფილი პრეზიდენტის მიხეილ სააკაშვილის, შინაგან საქმეთა ყოფილი მინისტრის ივანე მერაბიშვილის, სპეციალური ოპერატიული დეპარტამენტის ყოფილი დირექტორის ერეკლე კოდუასა და ამავე დეპარტამენტის სამმართველოს ყოფილი უფროსის გია სირაძის მიმართ.


1ტვ





მთავრობა ეკონომიკის ეტაპობრივი გახსნის გეგმას 2 დღეში წარადგენს

მთავრობა ეკონომიკის ეტაპობრივი გახსნის გეგმას 2 დღეში წარადგენს
access_time2021-01-18 14:15:52
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განმარტებით, მომდევნო ორი დღის განმავლობაში ჯანდაცვისა და ეკონომიკის სამინისტროებმა 1-ლი თებერვლიდან ეკონომიკის გახსნის ეტაპობრივი გეგმა უნდა წარადგინონ. „დღეს საბჭოზე განვიხილეთ ეს საკითხი. პრემიერისგან არის დავალება, რომ ჯანდაცვისა და ეკონომიკის სამინისტროებმა ამ 2 დღის განმავლობაში ეტაპობრივი შემსუბუქების გეგმა უნდა შეიმუშაონ. პრინციპში, მისი მონახაზები უკევ არსებობს. ერთბაშად არ უნდა გაიხსნას და...

მიკროსაფინანსოების მიერ დასაკუთრებული ქონება 7 მლნ-მდეა

მიკროსაფინანსოების მიერ დასაკუთრებული ქონება 7 მლნ-მდეა
access_time2021-01-18 13:10:13
მიკროსაფინანსო სექტორში უპასუხისმგებლო მსესხებლის კუთვნილი ქონება 7 მლნ-მდეა შემცირებული. სექტორს პანდემიის საგაზაფხულო ტალღისას მარეგულირებლის დავალებით ნამეტი რეზერვი აქვს შექმნილი. Q2/2020-ისთვის, სასესხო დანაკარგებზე 129 მლნ-ის ბუფერი ჰქონდა და 3 კვარტლის მდგომარეობით, 1 ოქტომბრისთვის, 108 მლნ-მდეა შემცირებული. 7 მლნ-ის ½-ზე მეტი მსხვილ მოთამაშეებზე მოდის, თუმცა ზუსტი წილი ვერ გამოითვლება რადგან "რიკო კრედიტს" ანგარიშგებაში...

რამდენიმეთვიანი პაუზის შემდეგ Air Arabia საქართველოს ავიაბაზარზე ბრუნდება

რამდენიმეთვიანი პაუზის შემდეგ Air Arabia საქართველოს ავიაბაზარზე ბრუნდება
access_time2021-01-18 12:01:04
რამდენიმე თვიანი პაუზის შემდეგ, არაბული ავიაკომპანია Air Arabia საქართველოს ავიაბაზარზე ბრუნდება.საქართველოში Air Arabia-ს ოფიციალურ სავაჭრო აგენტ კომპანია GASA-ში (გასა) განმარტავენ, რომ Air Arabia 23 იანვრიდან, (უკვე დამტკიცებულია განრიგი თებერვლის ჩათვლით) პირდაპირ რეისებს განაახლებს შარჯა-თბილისი-შარჯა, მიმართულებაზე. ფრენები კვირაში ერთი სიხშირით, ყოველ შაბათს შესრულდება.ბილეთების ღირებულება 237 დოლარიდანაა.30 დღიანი ტურისტული ვიზის ღირებულება კი 89...

საქართველოში კორონავირუსით ინფიცირების 780 ახალი შემთხვევა დაფიქსირდა

საქართველოში კორონავირუსით ინფიცირების 780 ახალი შემთხვევა დაფიქსირდა
access_time2021-01-17 10:55:27
ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 780 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 805-ს. ბოლო 24 საათში ვირუსისგან გამოჯანმრთელდა 1 608 პირი, ხოლო ჯამში გამოჯანმრთელებულთა რაოდენობა გაიზარდა...

Kaveuli Parfum აბასთუმნის ტყის სურნელით გაჯერებული ქართული სუნამო

Kaveuli Parfum აბასთუმნის ტყის სურნელით გაჯერებული ქართული სუნამო
access_time2021-01-16 16:00:10
პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.     ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.     სუნამო იტალიაში, იტალიელი პარფიუმერის სახელოსნოში ისხმება და გავლილი...


მსგავსი სიახლეები

up