რუსთავში, მე-12 პენიტენციური დაწესებულებასთან, სადაც მიხეილ სააკაშვილი სასჯელს იხდის, სამოქალაქო აქტივისტებმა კარავი გაშალეს.

ერთ-ერთი აქტვისტის, გელა უდუმაშვილის განცხადებით, ამ ფორმით ისინი მიხეილ სააკაშვილის ციხეში ყოფნას აპროტესტებენ და სანამ სააკაშვილი არ გათავისუფლდება, ტერიტორიაზე კარავი იქნება გაშლილი.

“მესამე პრეზიდენტი, ჩვენი ქვეყნის აღმშენებელი ადამიანი, რომელიც არის დიდი იდეის მატარებელი, არ უნდა იჯდეს ციხეში. შესაბამისად, სამოქალაქო ატივისტებმა, რომლებსაც არავითარი კავშირი არ გვაქვს არცერთ პარტიასთან და მოძრაობასთან, გადავწყვიტეთ ჩვენი პროტესტი ასეთი ტიპის აქციით. ჩვენ აქ ვიქნებით, შევეცდებით მაქსიმალურად დავრჩეთ, ვიდრე ჩვენი და საქართველოს მოქალაქეების უმეტესი ნაწილის მოთხოვნა არ იქნება დაკმაყოფილებული, ანუ საქართველოს მესამე პრეზიდენტი არ იქნება გათავისუფლებული”, - განაცხადა უდუმაშვილმა.

წყარო: ინტერპრესნიუსი