მიხეილ სააკაშვილი: ერთხელ არ ხსენებულა საქართველო, ეს არ არის ტრამპის ბრალი ან დასავლელი ლიდერების ბრალი, ეს არის პუტინის დავალებით ივანიშვილის გაკეთებული

მიხეილ სააკაშვილი: ერთხელ არ ხსენებულა საქართველო, ეს არ არის ტრამპის ბრალი ან დასავლელი ლიდერების ბრალი, ეს არის პუტინის დავალებით ივანიშვილის გაკეთებული

access_time2018-07-12 19:56:07

საქართველოს მესამე პრეზიდენტი და „ნაციონალური მოძრაობის“ ლიდერი მიხეილ სააკაშვილი, ნატოს სამიტზე, საქართველოსთან დაკავშირებით გაკეთებულ შეფასებებს ეხმაურება.


სამიტი დღეს საქართველოსთან დაკავშირებით კონკრეტული გადაწყვეტილების გარეშე დასრულდა. ითქვა, რომ საქართველო აუცილებლად გახდება ნატოს წევრი, თუმცა ამისთვის საჭიროა მიიღოს გაწევრიანების სამოქმედო გეგმა.


მიხეილ სააკაშვილი ვიდეო მიმართვას ავრცელებს და წუხილს გამოთქვამს იმის გამო, რომ საქართველო უკრაინის მსგავსად ამერიკის შეერთებული შტატების პრეზიდენტის მხრიდან ხსენებული არ ყოფილა.


სააკაშვილის თქმით, მომხდარი არც აშშ-ს პრეზიდენტის და არც მსოფლიო ლიდერების ბრალი არ არის.



საქართველოს მესამე პრეზიდენტი ამბობს, რომ საერთაშორისო დონეზე საქართველოს საკითხის მოხსნა, ბიძინა ივანიშვილს უკავშირდება.


მისი თქმით, ეს არის შედეგი პუტინის დავალებისა, რომელიც ექსპრემიერმა და „ქართული ოცნების“ ლიდერმა შეასრულა.


“თქვენ იცით, რომ ამ დღეებში მიდიოდა ნატოს სამიტი და მზადდება პუტინის შეხვედრა ტრამპთან. ყველა უმაღლეს დონეზე მოლაპარაკებების დროს და პრესაში, ფიგურირებს  ერთი თემა, რომ ტრამპი პუტინთან აუცილებლად ძალიან მწვავედ დააყენებს უკრაინის ტერიტორიების ოკუპაციის საკითხს. მე როგორც უკრაინის დიდ მხარდამჭერს, ეს ძალიან მიხარია, მაგრამ მე როგორც ქართველს ძალიან მწყინს და ბრაზი მახრჩობს, რომ ერთხელ არ ხსენებულა სიტყვა საქართველო მთელი ამ ხნის განმავლობაში. ეს არ არის ტრამპის ბრალი ან დასავლელი ლიდერების ბრალი. ეს არის პუტინის დავალებით ივანიშვილის გაკეთებული.


როდესაც ივანიშვილი მოდიოდა, მან  თქვა, რომ მოხსნიდა საქართველოს უმაღლესი დონის განხილვებიდან და საერთოდ აღარ იქნებოდა საქართველო დასავლეთსა და რუსეთს შორის და მან ეს შეასრულა. კი მაგრამ რამე გვეშველა ამით ჩემო თანამემამულენო? ვიზები მოგვიხსნეს? ტერიტორიები აღარ მიაქვთ? მთელს მსოფლიოში აღარ დაწანწალებენ და აღარ ითხოვენ სხვა სახელმწიფოს მიერ ე.წ. სამხრეთ ოსეთის და აფხაზეთის აღიარებას თუ ვიგრძენით შვება გარდა იმისა, რომ პუტინმა შეისრულა ყველაფერი რისთვისაც ჩაატარა 2012 წლის სპეცოპერაცია,“-აცხადებს სააკაშვილი.


საქართველოს მესამე პრეზიდენტი ამბობს, რომ ვითარება რაც შეიძლება სწრაფად უნდა შეიცვალოს და საქართველოს საკითხი რაც შეიძლება სწრაფად უნდა დაბრუნდეს საერთაშორისო დონის განხილვებში. 


რუსთავი 2






„m2 უძრავი ქონება“ და კომპანია „ცენტრ-პოინტი“ ჯერ ვერ შეთანხმდნენ

„m2 უძრავი ქონება“  და კომპანია „ცენტრ-პოინტი“ ჯერ ვერ შეთანხმდნენ
person access_time2018-07-23 15:23:00
m2 უძრავ ქონებასა“...

ორბელიანის მოედნის რეაბილიტაციისთვის თბილისის განვითარების ფონდი დამატებით 11 მილიონ ლარს ითხოვს

ორბელიანის მოედნის რეაბილიტაციისთვის თბილისის განვითარების ფონდი დამატებით 11 მილიონ ლარს  ითხოვს
person access_time2018-07-23 12:05:00
,,თბილისის განვითარების ფონდი“ ორბელიანის მოედნის, მშრალი ხიდისა და მიმდებარე ტერიტორიების რეაბილიტაციის პროექტის ფარგლებში, დამატებით, 11 მილიონ ლარს ითხოვს გამარტივებული შესყიდვის უფლებით. როგორც ფონდში აცხადებენ გასულ წელს გამოყოფილი თანხის ოდენობა (52 მლნ. ლარი) საკმარისი არ აღმოჩნდა.   ფონდში ასევე აცხადებენ, თავის დროზე გამოყოფილი თანხა საკმარისი არ არის, რადგან შენობების მდგომარეობა იმაზე მძიმე აღმოჩნდა, ვიდრე წინასწარი შეფასებით...

აქციზის გაძვირებამ საწვავის ფასი 25 თეთრით გაზარდა

აქციზის გაძვირებამ  საწვავის ფასი 25 თეთრით გაზარდა
person access_time2018-07-23 13:33:00
„კომერსანტს“ კომპანია „ლუკოილ ჯორჯიას“ დირექტორის მოადგილემ შავლეგ მიშველაძემ განუცხადა, რომ ბოლო ერთ თვეში მათ საცალო ქსელში საწვავი 3 თეთრით გაძვირდა. ნავთობიმპორტიორი საწვავზე ფასის ზრდის სამ მიზეზს...

სოლიდარობა ტყიბულელ მეშახტეებს - აქციას ხვალიდან რეგიონები შეურთდებიან

სოლიდარობა ტყიბულელ მეშახტეებს - აქციას ხვალიდან  რეგიონები შეურთდებიან
person access_time2018-07-23 13:32:05
ტყიბულელი მეშახტეების აქცია დღეს დასრულდა, თუმცა მათი თქმით ხვალიდან პროტესტი უფრო მასშტაბურ სახეს მიიღებს და აქციას შეურთდებიან გაერთიანებული პროფკავშირები, ჭიათურელი მაღაროელები,ზესტაფონის ფეროს, ქსნის და რუსთავის ქარხნების თანამშრომლები.   ცოტა ხნის წინ ცნობილი გახდა, რომ „საქნახშირის“ გენერალურმა დირექტორმა მეშახტეთა მოთხოვნით თანამდებობიდან გაათავისუფლა შახტის დირექტორი აკაკი ახვლედიანი, წარმოების დირექტორი გია ქარქაშაძე და მთავარი ინჟინერი გიზო...

„მწვანე ზრდის ფონდისა“ (GGF) და „კრისტალის“ თანამშრომლობის შედეგად საქართველოში ენერგოეფექტურობის დაფინანსება იზრდება

„მწვანე ზრდის ფონდისა“ (GGF) და „კრისტალის“ თანამშრომლობის შედეგად საქართველოში ენერგოეფექტურობის დაფინანსება იზრდება
person access_time2018-07-23 12:03:44
• „მწვანე ზრდის ფონდის“ (GGF) მიერ პირველი ქართული მიკროსაფინანსო ორგანიზაციისთვის გაცემული კრედიტი 1.5 მილიონ აშშ დოლარს შეადგენს, რომელიც სოფლის მოსახლეობასა და ფერმერებს ენერგოეფექტურობის ხელშემწყობი სიახლეების დანერგვაში უნდა დაეხმაროს. • პროგნოზის მიხედვით, GGF-ის კრედიტით დაფინანსებული ენერგოეფექტურობის ხელშემწყობი ღონისძიებები წელიწადში 2,620 მვტ.სთ-ზე მეტ ენერგიას დაზოგავს და ნახშირორჟანგის ემისიას...


მსგავსი სიახლეები

up