მიხეილ დუნდუა

მიხეილ დუნდუა "ომეგა ჯგუფისადმი" ხელოვნური ბარიერების შექმნას გამორიცხავს

access_time2018-12-07 19:35:04

ფინანსთა მინისტრის მოადგილე მიხეილ დუნდუა კომპანია "ომეგა ჯგუფისადმი" ხელოვნური ბარიერების შექმნას გამორიცხავს.



მისი თქმით, შემოსავლების სამსახური არ არის პოლიტიკური უწყება და მისი მიდგომა კომპანიისადმი უნდა იყოს კონსტრუქციული.



"დარწმუნებული ვარ, ფინანსთა სამინისტროს ყველა სტრუქტურა კეთილსინდისიერია ყველა კომპანიასთან მიმართებით. გადაიდგა არაერთი ნაბიჯი, რომ დარგში არსებული სიტუაცია, როგორმე მოგვარებულიყო ისე, რომ არც სახელმწიფო ინტერესი დაზარალებულიყო და კომპანიას აღედგინა კეთილსინდისიერი გადამხდელის რეპუტაცია.



სახელმწიფოს შეეძლო გარკვეულ დათმობებზე წასულიყო, თუკი კონკრეტული ნაბიჯები იქნებოდა გადმოდგმული კომპანიის მხრიდან. თუმცა, წინადადება, რომელიც წარმოდგენილი იყო კომპანიის მხრიდან, იყო არარაციონალური. ამ მასშტაბით შეთანხმების განხორციელება არის ძალიან რთული. ჩვენ მათ მივმართეთ, რომ რაციონალური წინადადებები წარმოედგინათ.




რაც შეეხება მათ დღევანდელ მდგომარეობას, მე გავივლი ამ საკითხზე კონსულტაციას შემოსავლების სამსახურთან - როგორია დღეს კომპანიის მდგომარეობა. არის თუ არა გაზრდილი დავალიანება. დავალიანების გაზრდა არ უნდა მომხდარიყო. თუ აღმოჩნდა, რომ დავალიანების გაზრდა ისევ მოხდა, ჩვენი მიდგომა იქნება უფრო მკაცრი.
ხელოვნური პრობლემები აბსოლუტურად უნდა გამოვრიცხოთ. სახელმწიფომ დიდი ხნის განმავლობაში მისცა რამდენიმე შანსი ორგანიზაციას, რომ განეახლებინა წარმოება, თუმცა, გრაფიკი, რომელიც მათ დაუდგინდათ, რამდენჯერმე იყო დარღვეული.



ჩვენ მაქსიმალურად ლმობიერად მივუდექით ფაქტს, ათასობით დასაქმებული ადამიანის ბედს და ადგილობრივი წარმოების ბედს, მიუხედავად ნებისმიერი პოლიტიკური სპეკულაციებისა", - აცხადებს დუნდუა.



თავის მხრივ, „ომეგა ჯგუფის“ მენეჯმენტმა დღეს ბრიფინგი გამართა, რომელზეც ცნობილი გახდა, რომ „ომეგა ჯგუფს“ შეაქვს სარჩელი ფინანსთა სამინისტროს შემოსავლების სამსახურისა და მისი კონტრაქტრი კომპანია „სიქფა სიქურითი სოლუშენს ჯორჯიას“ წინააღმდეგ.



„სასამართლოსგან მოვითხოვთ, შეწყდეს ჯგუფის წინააღმდეგ განხორციელებული უკანონო ქმედებები და დაუყონებლივ გაიცეს აქციზური მარკები იმისთვის, რომ კომპანიამ შეუფერხებლად გააგრძელოს საწარმოო პროცესი“, - აღნიშნა ლევან აღდგომელაშვილმა.



bm.ge






ამერიკული სანქციები Huawei-ს წინააღმდეგ 90 დღით გადაიდო - კომპანიის დამფუძნებლის თქმით, კონფლიქტი გარდაუვალია

ამერიკული სანქციები Huawei-ს წინააღმდეგ  90 დღით  გადაიდო - კომპანიის დამფუძნებლის თქმით, კონფლიქტი გარდაუვალია
access_time2019-05-21 17:30:24
აშშ-ს ვაჭრობის სამინისტრომ  ჩინური გიგანტის Huawei-ის წინააღმდეგ სანქციების შემოღება 90 დღით, 19 აგვისტომდე გადაავადა. კერძოდ, უწყებამ  Huawei დროებითი 90-დღიანი ლიცენზია მისცა, რომელიც კომპანიას აშშ-ში მის მიერ წარმოებული პროდუქციის მომსახურეობის და პროგრამული უზრუნველყოფის განახლების უფლებას  აძლევს სამინისტროს ინფორმაციით ლიცენზია მოქმედებს 20 მაისიდან 19 აგვისტომდე. აღსანიშნავია, რომ ...

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით
access_time2019-05-21 16:30:38
ბოლო კვირების განმავლობაში ლარის კურსის გაუფასურებას  ყოფილი ვიცე-პრემიერი თემურ ბასილია რადიო “კომერსანტის“ გადაცემაში „ეკონომისტის დრო ლევან ქისტაურთან ერთად“ აფასებს. მისი განცხადებით, ვალუტის გაცვლითი კურსი ფულად-საკრედიტო პოლიტიკის ნაწილია და ის  ეროვნულმა ბანკმა უნდა გაატაროს. ამიტომ, ლარის კურსზე ეროვნული ბანკი პასუხისმგებლობას ვერ მოიხსნის. „ეროვნულმა ბანკმა საერთოდ ყველაფრისაგან ხელები დაიბანა. მას...

15 ივნისიდან „მაგთი ფიქსი“ უქმდება

15 ივნისიდან „მაგთი ფიქსი“ უქმდება
access_time2019-05-21 15:30:35
15 ივნისიდან „მაგთი ფიქსის“  ისევე როგორც EVDO-ს მოდემის  მომხმარებლები სერვისით ვერ ისარგებლებენ, - ამის შესახებ  “კომერსანტს“  სატელეკომუნიკაციო კომპანია „მაგთიკომში“  განუცხადეს. 15 ივნისიდან CDMA ლიცენზიას ვადა გასდის  და  „მაგთი ფიქსის“ ნაცვლად, იმ ლოკაციებზე, სადაც მოქმედებს მაგთის ოპტიკურ-ბოჭკოვანი ინტერნეტი,“მაგთის“ მომხმარებლებს შეუძლიათ ისარგებლონ ინტერნეტზე დაფუძნებული ფიქსირებული...

OPIC-სა და „პეის ჯგუფს“ შორის სესხის ხელშეკრულება ვაშინგტონში გაფორმდა

 OPIC-სა და „პეის ჯგუფს“ შორის სესხის ხელშეკრულება ვაშინგტონში  გაფორმდა
access_time2019-05-21 14:25:40
ფოთის ნავსადგურში ახალი, მულტიფუნქციური საზღვაო ტერმინალის მშენებლობისა და მართვის პროექტი, რომელსაც კავკასიის რეგიონში უმსხვილესი სატრანსპორტო კომპანია „პეის ჯგუფი“ ახორციელებს, 50 მილიონი დოლარით დაფინანსდა აშშ-ის კერძო უცხოური ინვესტიციების კორპორაციის მიერ. 14 მაისს ვაშინგტონში სწორედ სესხის ხელშეკრულების ხელმოწერის ოფიციალური ცერემონია...

მამუკა ბახტაძემ ქუთაისში მზის პანელების ქარხნა გახსნა

მამუკა ბახტაძემ ქუთაისში მზის პანელების ქარხნა გახსნა
access_time2019-05-21 12:26:11
ჩვენთვის პირდაპირ უცხოურ ინვესტიციებს განსაკუთრებული მნიშვნელობა აქვს, - ამის შესახებ პრემიერ-მინისტრმა მამუკა ბახტაძემ ქუთაისში, მზის პანელების ქარხნის გახსნის ღონისძიებაზე განაცხადა.   მისი თქმით, პირდაპირი უცხოური ინვესტიციები მეტი სამუშაო ადგილების შექმნის შესაძლებლობას იძლევა.   „ყოველთვის აღვნიშნავდი, რომ პირდაპირ უცხოურ ინვესტიციებში ჩვენ მაქსიმალურად უნდა ვიყოთ ორიენტირებული სწორედ მაღალტექნოლოგიურ წარმოებებზე. ისეთ წარმოებებზე, რომლებსაც...


მსგავსი სიახლეები

up