მიხეილ ჭკუასელი - ინფლაციის სამპროცენტიანი მიზნობრივი მაჩვენებლის პოლიტიკა ძალიან დიდ კითხვის ნიშანს აჩენს

მიხეილ ჭკუასელი - ინფლაციის სამპროცენტიანი მიზნობრივი მაჩვენებლის პოლიტიკა ძალიან დიდ კითხვის ნიშანს აჩენს

access_time2019-09-04 18:55:06

ინფლაციის სამპროცენტიანი მიზნობრივი მაჩვენებლის პოლიტიკა ძალიან დიდ კითხვის ნიშანს აჩენს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „გურიელის“ გენერალურმა დირექტორმა, მიხეილ ჭკუასელმა დღევანდელ გადაცემაში განაცხადა.


გადაცემაში კიდევ ერთხელ აღინიშნა, რომ დღეის მდგომარეობით ბიზნეს სექტორისთვის მთავარ გამოწვევად ისევ ლარის კურსი რჩება. ჭკუასელმა გამოთქვა ვარაუდი, რომ ეროვნული ბანკის მონეტარული კომიტეტის ხვალ დაგეგმილ სხდომაზე კომიტეტი მონეტარული პოლიტიკის გამკაცრების გადაწყვეტილებას მიიღებს, რათა მზარდ ინფლაციაზე ზემოქმედება მოახდინოს, რაც არაპირდაპირ ლარის კურსზეც მოახდენს გავლენას. ჭკუასელი წლის ბოლომდე ეროვნული ვალუტის კურსის გამყარებას ელოდება.



„ხვალ არის ფულად-საკრედიტო კომიტეტის სხდომა და პროგნოზების გაკეთება რთულია, მაგრამ ჩემი აზრით, მონეტარული პოლიტიკის გამკაცრებას უნდა ველოდოთ. ეს ეროვნული ბანკის კიდევ ერთი ინსტრუმენტია, რომ ლარის კურსზე, უფრო ზუსტად კი ინფლაციაზე ზეგავლენა მოახდინოს. დღეს კი ვამბობთ, რომ ინფლაცია 4.6 პროცენტია, საიდანაც როგორც სტატისტიკის სამსახური ანგარიშობს, 3.9 პროცენტია ინფლაცია და 0.7 პროცენტიანი ზრდა თამბაქოზე აქციზის მატებამ გამოიწვია, მაგრამ მე მაინც მიმაჩნია, რომ ჩვენ ინფლაციის დაანგარიშების მეთოდოლოგია გადასახედი გვაქვს. კატეგორიულად არ ვეთანხმები, სამომხმარებლო კალათის არსებულ სტრუქტურას. ჩემთვის ძალიან დიდი კითხვის ნიშნის შემცველია ინფლაციის სამპროცენტიანი მიზნობრივი მაჩვენებლის არსებული პოლიტიკა. ჩემი აზრით, სამპროცენტიანი მაჩვენებელი ჩვენნაირი ქვეყნისთვის, რბილად რომ ვთქვათ, კითხვის ნიშნის ქვეშ დგას. ეს არის სადისკუსიო თემა“, – განაცხადა ჭკუასელმა.



ამასთან, გადაცემის თანაწამყვანი ვარაუდობს, რომ თუ მონეტარული პოლიტიკა მართლაც გამკაცრდება და არსებული მაკროეკონომიკური ფაქტორებიც შენარჩუნდება, ლარის კურსი წლის ბოლომდე სულ მცირე 10 პროცენტით უნდა გამყარდეს.


„ვფიქრობ, რომ მოცემულ ეტაპზე მონეტარული პოლიტიკის გამკაცრებით ინფლაციაზე პირდაპირ ზეგავლენას მოვახდენთ, მაგრამ ეს გარკვეულწილად ლარის კურსზე არაპირდაპირი ზემოქმედების საშუალებაც იქნება. ყველა თეორიული გაანგარიშება გვიჩვენებს, რომ თუ ჩვენ არსებული ფუნდამენტური მაჩვენებლების შენარჩუნებას შევძლებთ და მონეტარულ პოლიტიკას გავამკაცრებთ, მაშინ ლარის კურსი მიმდინარე წლის ბოლომდე როგორც მინიმუმ 10 პროცენტით უნდა გამყარდეს“, – განმარტა მიხეილ ჭკუასელმა.


1tv





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up