მიხეილ ბატიაშვილი - ჩვენი მიზანია, ადამიანურ კაპიტალში რაც შეიძლება მეტი და კარგად გათვლილი ინვესტირება განხორციელდეს

მიხეილ ბატიაშვილი - ჩვენი მიზანია, ადამიანურ კაპიტალში რაც შეიძლება მეტი და კარგად გათვლილი ინვესტირება განხორციელდეს

access_time2019-04-23 21:46:56

საქართველოში მიმდინარე განათლების რეფორმის მიზანია, ადამიანურ კაპიტალში რაც შეიძლება მეტი და კარგად გათვლილი ინვესტირება განხორციელდეს, – ამის შესახებ განათლების მინისტრმა, მიხეილ ბატიაშვილმა საქართველოს პირველი არხის გადაცემა „ბიზნესპარტნიორთან“ სტუმრად ყოფნისას განაცხადა. გადაცემაში მთავარი აქცენტი განათლების სისტემის რეფორმასა და მის პრიორიტეტებზე გაკეთდა.


მინისტრის განცხადებით, საქართველო იზიარებს მსოფლიოს საუკეთესო გამოცდილებას, რომელიც განათლების სისტემის რეფორმის წარმატების წინაპირობად ადამიანურ კაპიტალში ინვესტირებას და ზოგადად ე.წ. ადამიანური რესურსის განვითარებას მიიჩნევს.


გადაცემის თანაწამყვანმა, კომპანია „გურიელის“ გენერალურმა დირექტორმა, მიხეილ ჭკუასელმა აღნიშნა, რომ ისეთმა მნიშვნელოვანმა ფინანსურმა ინსტიტუტებმაც კი, როგორიცაა მსოფლიო ბანკი და საერთაშორისო სავალუტო ფონდი, მიდგომა შეცვალეს და დღეის მდგომარეობით, ეკონომიკის განვითარების შეფასებისას, ბუნებრივი რესურსებისა და საწარმოო რესურსების გვერდით ერთ-ერთ მთავარ ინდიკატორად სწორედ ადამიანურ რესურსს განიხილავენ.


ბატიაშვილის განცხადებით, საქართველოში მიმდინარე განათლების სისტემის რეფორმა ამოსავალ წერტილად სწორედ ადამიანური კაპიტალის განვითარებას მიიჩნევს. მისი განმარტებით, ყველა ქვეყანამ, სადაც განათლების რეფორმა წარმატებული გამოდგა, ორიენტირად სწორედ ადამიანურ კაპიტალში ინვესტირება აირჩია.



„ჩვენი მიზანია, ადამიანურ კაპიტალში რაც შეიძლება მეტი და რაც მთავარია, კარგად გათვლილი ინვესტირება განხორციელდეს“, – განაცხადა ბატიაშვილმა.


მინისტრის განმარტებით, ადამიანური კაპიტალში მიზანშეწონილი ინვესტირებისთვის აუცილებელია, მოხდეს წლების მანძილზე არსებული ალოგიკური სიტუაციის შეცვლა, როდესაც სახელმწიფო ახდენს ისეთი პროფესიების სუბსიდირებას, რომელიც ყველაზე მოტივირებულ და ენერგიულ სამუშაო ძალას, 30 წლამდე ახალგაზრდებს, უმუშევრობისთვის წირავს, რადგან ეკონომიკაში მასზე მოთხოვნა არ არის. ბატიაშვილი თვლის, რომ ვითარების შესაცვლელად აუცილებელია, ეკონომიკის პრიორიტეტების განსაზღვრა და პროფესიული სასწავლებლების ამ პრიორიტეტების მიხედვით სუბსიდირება.


„პირველი, რაც დავიწყეთ, არის პრიორიტეტების განსაზღვრა. განათლება ხომ ხანგრძლივი პროცესია, დღეს ვლაპარაკობთ ისეთ მოსწავლეებზე, რომლებიც ეკონომიკაში 15-16 წლის შემდეგ მოვლენ. ანუ უნდა ვისაუბროთ, რა გვჭირდება დღეს და რა დაგვჭირდება ეკონომიკაში. დღეს დაფინანსებული პროფესიების სფეროებიდან 50 პროცენტი საერთოდ წყვეტს სწავლას ასეთ უფასო ფაკულტეტებზე. მაგალითად, დღეს ჩვენს ეკონომიკას სჭირდება სპეციალისტები ენერგეტიკისა და მშენებლობის სფეროში, სადაც არის დანადგარები და გვიწევს უცხოელი სპეციალისტის მოწვევა. ამ სპეციალისტების დღიური ანაზღაურება ზოგჯერ შეადგენს 300-400 დოლარს. ჩვენი მთავარი მიზანია, გადავაწყოთ არა მარტო უმაღლესი სასწავლებლების მდგომარეობა, არამედ პირველ რიგში პროფესიული სწავლება, რომ ადამიანებს შევუქმნათ სწორი წარმოდგენა და სწორი მოტივაცია“, – განმარტა მინისტრმა.


გადაცემის თანაწამყვანის, მიხეილ ჭკუასელის ინფორმაციით, ბოლო ხუთი წლის მანძილზე სახელმწიფომ 145 მილიონი ლარი დახარჯა იმ შვიდ პრიორიტეტულ პროფესიულ მიმართულებაზე, რომელზეც უმაღლესმა სასწავლებლებმა ან საერთოდ არ გამოაცხადეს მიღება, ან ამ პროფესიებზე მიღებული სტუდენტებიდან მხოლოდ ნახევარმა დაასრულა სწავლა.


1tv.ge





საქართველომ უკრაინულ „ALTKOM“-ს საერთაშორისო დავა მოუგო

საქართველომ უკრაინულ  „ALTKOM“-ს საერთაშორისო დავა მოუგო
access_time2021-06-25 10:00:53
მრავალწლიანი საერთაშორისო დავა საქართველოს გამარჯვებით დასრულდა. საქმე ეხება სამტრედია-გრიგოლეთის მონაკვეთის ავტომაგისტრალის მშენებლობას, რა დროსაც უკრაინულმა კონტრაქტორმა კომპანია „Road Building ALTKOM“-მა დაახლოებით 25 მილიონი ევრო ავანსის სახით აიღო, ხოლო ხელშეკრულებით გათვალისწინებული სამუშაოები არ შეასრულა და ქვეყანა დატოვა.   „ALTKOM“-ს მიერ ვალდებულებების დარღვევის გამო გაფორმებული ხელშეკრულება 2017 წელს საავტომობილო გზების დეპარტამენტმა შეწყვიტა. რის შემდეგაც...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-06-24 21:00:30
დღის TOP 10 საინტერესო ამბავი:   1. კოვიდრეგულაციების დარღვევებზე დაკისრებული ჯარიმები გაუქმდა პრემიერ ირაკლი ღარიბაშვილის გადაწტვეტილებით, 245 000 ფიზიკურ და 344 პირს კოვიდჯარიმები ჯამში 76 მლნ ლარი ჩამოეწერება.   2. „ქართული ოცნების“ მხრიდან მეტ პოპულიზმს ვნახავთ“ - ზურაბ ჭიაბერაშვილი კოვიდჯარიმების...

ლარი ყველა ძირითად საერთაშორისო ვალუტასთან მიმართ გამყარდა

ლარი ყველა ძირითად საერთაშორისო ვალუტასთან მიმართ გამყარდა
access_time2021-06-24 18:00:11
ლარი გამყარებას განაგრძობს. 24 ივნისის ვაჭრობის შედეგად, ეროვნული ვალუტა ძირითად საერთაშორისო ასევე თურქულ ლირასთან და აზერბაიჯანულ მანათთან მიმართებაში გამყარდა. სომხურ დრამთან და რუსულ რუბლთან კი გაუფასურდა. 0.79 თეთრიანი გამყარების შემდეგ 25 ივნისს, დოლარის ოფიციალური კურსი 3.1470 იქნება. Bloomberg-ის სავაჭრო პლატფორმაზე კი მიმდინარე კურსი 3.1450-ა, იმდენივე, რამდენიც დილით ვაჭრობის დასაწყისში. ევროსთან მიმართ ლარი 1.04 თეთრით გამყარდა და კურსი...

ვითიბიში ლარის ანაბრის გახსნა უფრო მომგებიანია, ვიდრე სხვასთან

ვითიბიში ლარის ანაბრის გახსნა უფრო მომგებიანია, ვიდრე სხვასთან
access_time2021-06-24 16:55:59
ვითიბი მომხმარებელს ლარში გახსნილ ანაბრებზე საუკეთესო პირობებს სთვაზობს. დღეიდან,  ნებისმიერი მსურველი, რომელიც ვითიბიში გახსნის ანაბარს ლარში,  ყველაზე მაღალ - 12.75% წლიურ სარგებელს (12.03% ეფექტური) მიიღებს, ხოლო, ვადიანი ანაბრის დარღვევის შემთხვევაში, მიიღებს ყველაზე მაღალ, წლიურ 9%-ს, რითიც დააზღვევს ლარის შესაძლო გაუფასურებით გამოწვეულ სავალუტო რისკს.   „ჩვენ...

Covid ამნისტია - ამომრჩევლის მოსყიდვა თუ დაჯარიმებულების ფინანსური კეთილდღეობა

Covid ამნისტია - ამომრჩევლის მოსყიდვა თუ დაჯარიმებულების ფინანსური კეთილდღეობა
access_time2021-06-24 19:00:18
დღის მთავარი თემა გახდა პრემიერის გადაწყვეტილება, რომ კოვიდრეგულაციების დარღვევის გამო 245 000 ფიზიკურ და 344 იურიდიულ პირს 76 მლნ ლარის მოცულობის ჯარიმები ჩამოეწერება – კანონპროექტი, რომელიც პარლამენტმა უნდა დაამტკიცოს, ამნისტიას მხოლოდ გადაუხდელ ჯარიმებზე ითვალისწინებს და ვინც უკვე გადაიხადა, მას თანხა არ დაუბრუნდება. ამის შესახებ გადაწყვეტილება Commersant-ს მთავრობის ადმინისტრაციაში დაუდასტურეს. ამის პარალელურად, დაავადებათა კონტროლის ეროვნული ცენტრის ხელმძღვანელი ამირან გამყრელიძე...


მსგავსი სიახლეები

up