2022 წლიდან მიწის სპორადული რეგისტრაცია ფასიანი გახდა. როგორც საჯარო რეესტრის ეროვნულ სააგენტოში განუცხადეს, მიწის საკუთრების უფლების რეგისტრაცია 3 თვის ვადაში მოქალაქეს 300 ლარი დაუჯდება.
“სისტემური რეგისტრაციის გეოგრაფიულ არეალში მდებარე მიწის ნაკვეთზე სპორადული რეგისტრაციის ფარგლებში,„მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფისშესახებ“ საქართველოს კანონის მე-3 მუხლის პირველი პუნქტის „ჟ“ და „რ“ ქვეპუნქტებით გათვალისწინებულიმართლზომიერი მფლობელობის (სარგებლობის) ან საკუთრების უფლების დამადასტურებელი დოკუმენტის საფუძველზე,საკუთრების უფლების რეგისტრაცია, საჯარო რეესტრში რეგისტრირებული მიწის ნაკვეთების საკადასტრო მონაცემებისდაზუსტება/ცვლილება − 3 თვის ვადაში − 300 ლარი,” – განუმარტეს “აგროგარემო TV-ს” საჯარო რეესტრის ეროვნულ სააგენტოში.
მიწის სისტემური რეგისტრაცია უფასოა. მისი დარეგისტრირების შემთხვევაში პირს სოციალურად დაუცველის სტატუსი არ შეუჩერდება, ანუ სოციალური დახმარების მიღება არ შეუწყდება.
რას ნიშნავს მიწის სისტემური და სპორადული რეგისტრაცია და რა განსხვავებააა მათ შორის?
სისტემური რეგისტრაციის ინიციატორია საჯარო რეესტრის ეროვნული სააგენტოა. ამ შემთხვევში რეგისტრაცია გეგმა–გრაფიკით მიმდინარეობს, საამზომველო სამუშაოებს საჯარო რეესტრის ეროვნული სააგენტო აწარმოებს. ის უფასოა.
სპორადული რეგისტრაცია მოქალაქის მიმართვის საფუძველზე იწყება. საამზომველო სამუშაოებსაც მოქალაქე აწარმოებს. ის ფასიანია და 300 ლარი გახდა.
ცნობისთვის, მიწის სისტემური რეგისტრაციის პარალელურად, საჭიროების შემთხვევაში, მოქალაქეებს მიწის სპორადული წესით რეგისტრაციაც შეეძლებათ.
მიწის სისტემური რეგისტრაციის პროგრამა სამ წლიანი პროქტია, რომელიც1 200 000 ჰექტრის აზომვასა და რეგისტრაციას გულისხმობს.
საჯარო რეესტრის ეროვნული სააგენტოს მონაცემით, ბოლო 6 წელიწადში წარმატებით დარეგისტრირდა 738 483 განაცხადი, რაც დამოუკიდებლობის აღდგენიდან 2016 წლამდე დარეგისტრირებულ ფართობზე სამჯერ მეტია. სწორედ ამიტომ აქამდე მოქმედი მიწის რეგისტრაციის გამარტივებული წესი გახდება ზოგადი წესი და იმოქმედებს უვადოდ.
როგორც სააგენტოში განმარტავენ, დღეს არსებული მდგომარეობით, ქვეყანაში მიწების 1/3 დაურეგისტრირებელია. საჯარო რეესტრის ეროვნული სააგენტო 2024 წლის ბოლომდე ეტაპობრივად უზრუნველყოფს ყველა მუნიციპალიტეტის ტერიტორიაზე სისტემურ რეგისტრაციას.
ავტორი: ბელა გელაშვილი.
წყარო: “აგროგარემო TV”