საავტომობილო ინდუსტრიის საუკეთესო გარანტია იმედს იძლევა, რომ მომხმარებლები Mitsubishi-ს სადილეროებში მეტს იაქტიურებენ.
Mitsubishi ავსტრალიისთვის 10-წლიანი ქარხნული გარანტიის წარსადგენად ემზადება. ეს შეთავაზება გარანტიის ამჟამინდელ ხანგრძლივობას ორჯერ გაზრდის. ახალმა ინიციატივამ ბრენდი, გაყიდვის შემდგომი სერვისების თვალსაზრისით, ინდუსტრიის მაღალ საფეხურზე უნდა ასწიოს.
ახალი გარანტია 200 000 კილომეტრამდეა შეზღუდული და 10 წლის პერიოდს ითვალისწინებს. მიმდინარე შეზღუდვა კი 100 000 კილომეტრამდეა დაწესებული. სხვადასხვა ავტომწარმოებელს განსხვავებული საგარანტიო სისტემა აქვს. Mitsubishi-ს გეგმაში კი საგარანტიო შეთავაზებაში, არამხოლოდ განვლილი მანძილის, არამედ დროის გაზრდაც სურს.
ამ მხრივ Mitsubishi-ს ისეთი კონკურენტი ჰყავს, როგორიც Kia-ა. Kia მომხმარებელს 7 წლიან გარანტიას სთავაზობს და კილომეტრაჟის შეზღუდვა არ აქვს. ეს პოლიტიკა კი „კიას“ წარმატების მთავარი მიზეზი გახდა, რამაც კონპანიას უამრავი ახალი მომხმარებელი გაუჩინა. კონკურენტებს Hyundai-ც არ ჩამორჩა და მან გარანტიის ფარგლები სრულად ელექტრო მოდელებისთვის რვა წლამდე და 160 000 კილომეტრამდე გაზარდა.
მდიდრული კლასის ავტომწარმოებლებმა, როგორიც Mercedes-Benz-ი და Volvo-ა, ახლახანს გარანტიის 5 წლამდე აწევა გადაწყვიტა. ამ ტრენდმა კი ავტომწარმოებელთა უმრავლესობა მოიცვა.
მაგალითისთვის გეტყვით იმასა, რომ Tesla-ს მხოლოდ 4 წლიანი გარანტია აქვს, რომელიც 80 000 კმ-მდე ვრცელდება. თუმცა, Tesla-ს უპირატესობა ბატარეებზე აქვს. ავტომწარმოებელი ბატარეების გარანტიას 192 000 კილომეტრზე, რვა წლის განმავლობაში იძლევა.
Lexus-ი 4-წლიან გარანტიას ითავაზება, რა დროსაც, Audi-ს, BMW-სა და Land Rover-ს მხოლოდ 3-წლიანი გარანტია აქვთ.