მითია, რომ პანდემიის დასასრული ახლოვდება - ფაქტები და მითები ომიკრონზე

მითია, რომ პანდემიის დასასრული ახლოვდება - ფაქტები და მითები ომიკრონზე

access_time2022-01-21 22:30:00

მითია ინფორმაცია, რომ COVID-19-ის „ომიკრონ“ ვარიანტი მსუბუქი დაავადებაა,- ამის შესახებ „ჯანდაცვის მსოფლიო ორგანიზაციის“ ევროპის ოფისის მიერ გავრცელებულ ინფორმაციაშია აღნიშნული, სადაც ომიკრონის შტამის შესახებ ფაქტებსა და მითებზეა საუბარი.



ორგანიზაციაში აცხადებენ, რომ „ომიკრონ“ ვარიანტი „დელტასთან“ შედარებით ნაკლებად მძიმე დაავადებას იწვევს, თუმცა, იგი საშიშ ვირუსად რჩება არავაქცინირებულთათვის. ამასთან, „ომიკრონი“ განსაკუთრებულად დიდ საფრთხეს წარმოადგენს ქვეყნებში, სადაც ვაქცინაციის მაჩვენებელი დაბალია.



ანგარიშის თანახმად, „ომიკრონი“ ჯანდაცვის სისტემებისთვის დიდ საფრთხეს წარმოადგენს, რადგან გავრცელების მაღალი კოეფიციენტი აქვს. მიუხედავად იმისა, რომ იგი „დელტასთან“ შედარებით ნაკლებად მძიმე დაავადებას იწვევს, შემთხვევების სწრაფი ზრდა გამოიწვევს ჰოსპიტალიზაციის ზრდას, რაც ზეწოლას მოახდენს ჯანდაცვის სისტემებზე და გაძნელდება როგორც COVID-19-ით ინფიცირებული, ასევე სხვა დაავადების მქონე პაციენტების მკურნალობა.



მითია ინფორმაცია, რომ ვაქცინა „ომიკრონის“ წინააღმდეგ არ მუშაობს, პირიქით, ვაქცინაცია წარმოადგენს საუკეთესო დაცვას ამ შტამისგან. მოსალოდნელია, რომ ვაქცინირებული ადამიანები დაცულები იქნებიან „ომიკრონით“ გამოწვეული მძიმე დაავადებისა და სიკვდილისაგან, ისევე, როგორც ეს „დელტა“ ვარიანტის შემთხვევაში მოხდა. ვაქცინაცია იწვევს ორგანიზმის იმუნურ პასუხს ვირუსზე, რომელიც ადამიანებს იცავს არა მხოლოდ ცირკულაციაში ამჟამად არსებული ვარიანტებისგან, არამედ, სავარაუდოდ, COVID-19-ის მომავალი მუტაციებით გამოწვეული მძიმე დაავადებისაგანაც.




ჯანმოში აცხადებენ, რომ ომიკრონი გაციებაზე ბევრად საშიში დაავადებაა და არავაქცინირებული ადამიანები ყველაზე მაღალი რისკის წინაშე იმყოფებიან.



მითია, რომ თუ ადამიანი COVID-19-ით ერთხელ მაინც ყოფილა ინფიცირებული, „ომიკრონისგან“ დაცულია. ორგანიზაციის განცხადებით, „ომიკრონი“ იწვევს COVID-19-ით რეინფიცირების შემთხვევების ზრდას. სრული ვაქცინაციაა კი (მათ შორის ბუსტერ დოზა) ამცირებს „ომიკრონისა“ და COVID-19-ის ყველა სხვა ვარიანტისგან გამოწვეული მძიმე დაავადებისა და სიკვდილის რისკს.



COVID-19-ის საწინააღმდეგო ვაქცინისაგან გამომუშავებული იმუნიტეტი დროთა განმავლობაში სუსტდება. ბუსტერ დოზა აძლიერებს იმუნიტეტს და ვაქცინირებულ მოქალაქს ამჟამად ცირკულაციაში არსებული ვარიანტებისა და მომავალი მუტაციებისაგან იცავს. ბუსტერ დოზით ვაქცინაცია განსაკუთრებით მნიშვნელოვანია რისკ-ჯგუფებისთვის (60+ ასაკის ხანდაზმულები, ქრონიკული დაავადების მქონე პირები და სამედიცინო პერსონალი.)



არსებული მტკიცებულებების საფუძველზე, „დელტა“ ვარიანტის წინააღმდეგ გამოყენებული უსაფრთხოების ზომები (პირბადე, დისტანცია, ხელების ხშირი დაბანა, ხალხმრავალი ადგილებისაგან თავის არიდება, დაცემინება და დახველება მოხრილ იდაყვში და კარგი ვენტილაციის უზრუნველყოფა) ეფექტურია „ომიკრონის“ წინააღმდეგაც.



ორგანიზაციის ინფორმაციით, მითია, რომ „ომიკრონ“ ვარიანტის გავრცელებასთან ერთად პანდემიის დასასრული ახლოვდება. სპეციალისტების განცხადებით, პანდემიის დასრულებამდე ჯერ კიდევ გრძელი გზაა გასავლელი.


businessformula.ge


თეგები:
პანდემია



„საიდუმლო ოთახი“ ხელოვნების სასახლეში 18 მაისიდან გაიხსნა – გიორგი კალანდია გადაცემაში „ბრენდი საქართველო“

„საიდუმლო ოთახი“ ხელოვნების სასახლეში 18 მაისიდან გაიხსნა – გიორგი კალანდია გადაცემაში „ბრენდი საქართველო“
access_time2022-05-18 18:30:34
18 მაისი მუზეუმების საერთაშორისო დღეა, მუზეუმების საერთაშორისო დღესთან დაკავშირებით ხელოვნების სასახლეში საინტერესო სიახლეებია დაგეგმილი, მათ შორის ერთ-ერთი ხელოვნების სასახლეში იმ „საიდუმლო ოთახის“ გახსნაა, რომელიც ლეგენდარული სიყვარულის ისტორიას უკავშირდება. სიყვარულის ისტორიაზე და საიდუმლო ოთახზე რადიო „კომერსანტის“ ეთერში ლევან კობერიძის საავტორო გადაცემაში „ბრენდი საქართველო“ ხელოვნების სასახლის გენერალურმა დირექტორმა გიორგი კალანდიამ ისაუბრა. ...

18 მაისი - ლარი თითქმის ყველა ვალუტასთან მიმართებით გამყარდა

18 მაისი - ლარი თითქმის ყველა ვალუტასთან მიმართებით გამყარდა
access_time2022-05-18 17:10:24
18 მაისი ვაჭრობის შედეგად ლარი აშშ დოლართან მიმართებით 2.12 თეთრით 2.9442-მდე გამყარდა. საერთაშორისო ვალუტებიდან ლარი ევროსთან 2.08 თეთრით 3.0973-მდე, ბრიტანულ ფუნტთან 4.23 თეთრით 3.6538-მდე, ლარი 100 რუსულ რუბლთან 3.48 თეთრით 4.5576-მდე, 10 უკრაინულ გრივნასთან 0.29 თეთრით 1.0014-მდე, 1000 სომხურ დრამთან კი 8.49 თეთრით 6.4031-მდე, თურქულ ლირასთან 0.25 თეთრით 0.1846-მდე, აზერბაიჯანულ მანათთან 1.23 თეთრით 1.7354-მდე გამყარდა.

რაიმე განსაკუთრებულის გაკეთების შესაძლებლობა არ გვაქვს - ფხაკაძე საწვავის ფასზე

რაიმე განსაკუთრებულის გაკეთების შესაძლებლობა არ გვაქვს - ფხაკაძე საწვავის ფასზე
access_time2022-05-18 16:25:08
საწვავზე საერთაშორისო ფასები რეკორდულად მაღალია, ამ სიტუაციაში რაიმე განსაკუთრებულის გაკეთების შესაძლებლობა არ გვაქვს, – ამის შესახებ „ვისოლ ჯგუფის“ პრეზიდენტმა, სოსო ფხაკაძემ მთავრობის ეკონომიკურ გუნდთან გამართული შეხვედრის შემდეგ განაცხადა. სოსო ფხაკაძის თქმით, ამ ეტაპზე, ფასების შემცირების რესურსი არ არსებობს.   „დღეს არის არაორდინალური ვითარება ომის გამო. დაახლოებით ერთი თვის წინ იყო ისეთი პროცესი, სამშვიდობო მოლაპარაკებები მიმდინარეობდა რუსეთ-უკრაინას შორის ასევე...

ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი გახდა

ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
access_time2022-05-18 14:55:01
ავსტრიის განვითარების თანამშრომლობის (ADC) დაფინანსებით, საქართველოში დაიწყო მასშტაბური პროექტი „ახალგაზრდული მეწარმეობა სოფლის განვითარებისთვის“ (RDYE). აღნიშნული პროექტის საწყის ღონისძიებას ესწრებოდნენ ავსტრიის განვითარების სააგენტოს (ADA) მმართველი დირექტორი, ფრიდრიხ შტიფტი, პროექტის განმახორციელებელი ორგანიზაციის ‘მერსი ქორფსის’ პროგრამის ოფიცერი აზიაში, სიმონა ჰერმეილოვა, RDYE პროექტის ხელმძღვანელი, უჩა ვარამაშვილი, სპორტის,...

ქეთევან წამებულის გამზირი დღეს (ფოტო კოლაჟი)

ქეთევან წამებულის გამზირი დღეს (ფოტო კოლაჟი)
access_time2022-05-18 20:00:21
ქეთევან წამებულის გამზირის რეაბილიტაციის პროცესი. 18 მაისი, 2022...


მსგავსი სიახლეები

up