მითები მცირე და საშუალო ბიზნესზე

მითები მცირე და საშუალო ბიზნესზე

access_time2019-02-10 18:00:46

 

ბევრ სუსტად განვითარებულ ქვეყანაში ადამიანებს აქვთ ერთი თვისება - აიტაცებენ რაღაც თემას, რომელზეც შემდეგ საუბრობს ყველა, მაშინაც კი, როდესაც არავინ  იცის საკითხის არსი. რა თქმა უნდა, პირველ რიგში ეს ეხება პოლიტიკოსებს.

 

პოსტსაბჭოთა სივრცეში, მათ შორის საქართველოში, ერთ-ერთი ასეთი საკრალური თემაა  მცირე და საშუალო ბიზნესი. მასზე საუბრობს ყველა პოლიტიკოსი, ყველა ეკონომიკური ექსპერტი, თუ ექსპერტად წოდებული უვიცი.

 

მცირე და საშუალო ბიზნესი არის პასუხი ყველა კითხვაზე და რეცეპტი ყველა დაავადებისთვის, ცოტაც და წმინდანადაც შეირაცხება.

 

რა არის საჭირო წარმოების ასაღორძინებლად? მცირე და საშუალო ბიზნესის განვითარება. რა არის საჭირო ახალი სამუშაო ადგილების შესაქმნელად? მცირე და საშუალო ბიზნესის განვითარება. რა არის საჭირო ინვესტიციების მოსაზიდად? ალბათ უკვე მიხვდით რაც...

 

მცირე და საშუალო ბიზნესის ირგვლივ პოლიტიკოსები და ექსპერტები ასრულებენ რიტუალურ ცეკვებს კოცონის ირგვლივ, მთავრობები იღებენ კანონებს, ამარტივებენ საგადასახადო ტვირთს, შემოაქვს შეღავათები, და ა.შ.

 

ერთი სიტყვით, სულ რომ არაფერი,მრავალწლიანი შელოცვები უნდა ყოფილიყო საკმარისი მცირე და საშუალო ბიზნესის, და მასთან ერთად საქართველოს ეკონომიკის არნახული აღორძინებისთვის.

 

თუმცა, რეალობა სულ სხვაა. კოლექტიური ცეკვები კოცონის ირგვლივ ვერ შველის საქმეს, ხოლო მცირე და საშუალო ბიზნესი ვერ გასცდა რესტორნებს, წვრილ ვაჭრუკანებს, და სილამაზის სალონებს...

 

საქმე იმაშია, რომ წარმოდგენა, თითქოს მცირე და საშუალო ბიზნესი იხსნის ქვეყანას მრავალწლიანი სიდუხჭირისგან - არის ტიპიური პოსტ-საბჭოთა მითი, რომელსაც არაფარი საერთო არა აქვს რეალობასთან. ეს სტერეოტიპი უკვე გახდა საზოგადოებრივი აზროვნების განუყოფელი ნაწილი, და მას იმეორებენ ავტომატურად, ყოველგვარი დაფიქრების გარეშე...

 

პირველი პრობლემაა -  თვითონ მცნების  - მცირე და საშუალო ბიზნესის - არასწორი და ზედაპირული აღქმა. სწორედ ის ქმნის საქართველოს ტიპის ქვეყნებში აუხდენელ ილუზიებს,  როდესაც ადამიანები ხბოსეული აღტაცებით იმეორებენ - „გერმანიაში სამუშაო ადგილების 80%-ს ქმნის მცირე და საშუალო ბიზნესი“..

 

მართლაც ასეა, თანაც არა მხოლოდ გერმანიაში, მაგრამ... რას ვგულისხმობთ ჩვენ, როდესაც ვახსენებთ მცირე და საშუალო ბიზნესს?

 

საქმე იმაშია, რომ საქართვლოში მოსახლეობის უმრავლესობას აქვს წვრილი ვაჭარის ფსიქოლოგია - აქ ყველაფერი  - მცირე და წვრილია. თბილისი სავსეა ასობით მიკროსკოპული ავტოსერვისით, რაღაცის დამამზადებელი და ამწყობი მცირე საამქროებით, მიკროსკოპული სავაჭრო ობიექტებით.

 

იქ, სადაც განვითარებულ ქვეყნებში მუშაობს ერთი დიდი მაღალტექნოლოგიური ობიექტი, საქართველოშია ათასი მცირე, სადაც მუშაობს ნახევრად წერა-კითხვის უცოდინარი გუშინდელი გლეხები - ყოველგვარი ცოდნის, კვალიფიკაციის, და ტექნოლოგიური აზროვნების გარეშე.

 

გერმანიაში 80% მცირე და საშუალო ბიზნესი არაა მხოლოდ სილამაზის სალონი და ხაჭაპურის საცხობი, როგორც საქართველოში - ძირითადად ესაა საწარმოები, სადაც დასაქმებულია 150-მდე ადამიანი, საკმაოდ ძლიერი და მაღატექნოლოგიური ქარხნები, რომელთა ღირებულება აღწევს ათობით მილიონ ევროს.

 

ისინი არიან მცირე და საშუალო BMW-სთან ან Siemens-სთან შედარებით, თორემ საქართველოში მზგავსი საწარმოების ასაშენებლად არის საჭირო მრავალმილიონიანი ინვესტიციები, მაღალი კვალიფიკაციის მუშები და ინჟინრები, შრომის უმაღლესი კულტურა, აზროვნების მასშტაბურობა,  და გასაღების ბაზრები - ანუ, ყველაფერი ის, რაც საქართველოში არ არის.

 

მეორე ფაქტორი, რომელსაც საერთოდ არავინ არ აქცევს ყურადღებას - ზემოაღნიშნული საშუალო ქარხნების გარდა, მცირე და საშუალო ბიზნესის ერთ-ერთი ძირითადი ფუნქციაა მსხვილი ბიზნესისთვის შეკვეთების შესრულება.

 

მაგალითად, დგას მიუნხენში BMW-ს ქარხანა, მსხვილი მეგა-საწარმო, მის ირგვლივ კი, იგივე მიუნხენში ფუნქციონირებს ასობით მცირე კომპანია, რომელიც აწარმოებს სარკეებს, რეზინის სათადარიგო ნაწილებს, ჭანჭიკებს ძრავებისთვის, და სხვა ათას წვრილმანს, რომლის გარეშეც ავტომობილის აწყობა შეუძლებელია.

 

იქვე, მიუნხენში, მუშაობენ სამშენებლო კომპანიები, რომლებიც აშენებენ სახლებს BMW-ს და მასთან დაკავშირებული მცირე საწარმოების თანამშრომლებისთვის, რესტორნები, სადაც სადილობენ BMW-ს და მასთან დაკავშირებული მცირე საწარმოების თანამშრომლები,  სილამაზის სალონები, სკოლები, საბავშვო ბაღები, სუპერმარკეტები..

 

ერთი სიტყვით, მცირე და საშუალო ბიზნესის დიდი ნაწილი პირდაპირაა მიბმული გიგანტურ კორპორაციასთან, რომელიც საბოლოო ჯამში არის ლოკომოტივი, რომლის გარეშეც არაფერი არ იქნებოდა.

 

და ნურავის შეიყვანს შეცდომაში ციფრი „80% - მცირე და საშუალო ბიზნესია“  - ხვალ მიუნხენში რომ დაიხუროს BMW-ს ქარხანა, ამ მცირე და საშუალო საწარმოების 80% გაქრება როგორც გუშინდელი თოვლი  - დარჩენა მხოლოდ რესტორნები, სილამაზის სალონები, ერთი-ორი პატარა საამქრო და ბევრი ბაზრის მოვაჭრე - ზუსტად როგორც საქართველოში.

 

ვერ დამისახელებთ ვერც ერთ ქვეყანას, რომელიც აყვავდა მცირე და საშუალო ბიზნესის წყალობით.

 

საქართველოში უკვე 20 წელია მიდის ღია კარის მტრევა, და უკვე მოვიდა დრო ყველამ გაიგოს - რა თქმა უნდა, მცირე და საშუალო ბიზნესსაც აქვს თავისი ადგილი, თუმცა, ეკონომიკის შესაქმნელად საჭიროა სწორედ რომ მსხვილი ბიზნესი - დიდი ქარხნები,  დიდი სასტუმროები, გიგანტური ჰესები, დიდი ფერმები ათობით, ან ასობით ჰექტარის ფართობზე, მსხვილი ინვესტიციები სოფლის მეურნეობაში.

 

დღეს ბიზნესი უნდა წავიდეს მაქსიმალური კონცენტრაციის და გამსხვილების გზით, და მხოლოდ ეს, საბოლოო ჯამში,  მისცემს ბიძგს მცირე და საშუალო ბიზნესის განვითარებს, და არა პირიქით.

 

მანამდე კი შეგიძლიან გააგრძელოთ შელოცვები და ცეკვები კოცონის ირგვლივ - მაინც არაფერი გვეშველება...

 

ავტორი: თენგიზ აბლოთია





StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა

StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა
access_time2020-04-09 00:50:17
StopCoV ფონდში ჩარიცხული თანხის მაჩვენებელი 124 543 899 ლარამდე გაიზარდა. მონაცემები საქართველოს მთავრობის...

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ
access_time2020-04-08 21:20:49
ივანე ჯავახიშვილის სახელობის თბილისის სახელმწიფო უნივერსიტეტის  3 სტუდენტი კომპანია „გრანთ თორნთონის“ სტიპენდიანტი გახდა.  ეკონომიკისა და ბიზნესის ფაკულტეტის სტუდენტები თამარ ათოშვილი, ანა ბუხრაშვილი და ელენე ცეცხლაძე სპეციალურ სტიპენდიას 2019-2020 სასწავლო წლის გაზაფხულის სემესტრში მიიღებენ.   როგორც „გრანთ თორნთონის“ მმართველმა პარტიორმა ვახტანგ ცაბაძემ განაცხადა,  კომერციული სექტორის ჩართულობა და სტიპენდიების დაწესება სახელმწიფო უნივერსიტეტებში,...

ლიბერთი ბანკის მმართველ გუნდში ცვლილებებია

ლიბერთი ბანკის მმართველ გუნდში ცვლილებებია
access_time2020-04-08 19:50:52
თბილისი, 8 აპრილი, 2020 - დღეს, ლიბერთი ბანკის მმართველ გუნდს, გენერალური დირექტორის მოადგილის, ფინანსური დირექტორის პოზიციაზე, დავით წიკლაური შეუერთდა. დღემდე, ამ პოზიციას ლევან ლეკიშვილი იკავებდა.   დავით წიკლაურს საბანკო სექტორში მუშაობის მრავალწლიანი გამოცდილება აქვს, როგორც საქართველოში ასევე საქართველოს საზღვრებს გარეთ. მას არაერთი პოზიცია ეკავა ქვეყნის წამყვან ბანკებში თიბისი ბანკის გენერალური დირექტორის მოადგილის, კორპორაციული საბანკო საქმიანობის მიმართულებით...

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ
access_time2020-04-08 20:00:05
კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს,  სადაც მომხმარებელს ახალ პროდუქტის შეძენა და მისი სახლში მომზადება...

8 აპრილი - ქართული ლარი, თურქული ლირა და სომხური დრამი გაუფასურდა

8 აპრილი - ქართული ლარი, თურქული ლირა და სომხური დრამი გაუფასურდა
access_time2020-04-08 19:00:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი მცირედით...


მსგავსი სიახლეები

up