მირზა შაფის ქუჩაზე, სასტუმროს კორექტირებულ ესკიზს დედაქალაქის მთავრობამ უარი მეოთხედ უთხრა

მირზა შაფის ქუჩაზე, სასტუმროს კორექტირებულ ესკიზს დედაქალაქის მთავრობამ უარი მეოთხედ უთხრა

access_time2021-03-12 12:00:59

ებრაული ინვესტიციით თბილისის ისტორიულ უბანში 62 ნომრიანი სასტუმრო შენდება. პროექტს საქართველოში მოქმედი საინვესტიციო კომპანია „ემ. სი. აი. პროჯექტი“ ახორციელებს.




როგორც სამეწარმეო რეესტრის ამონაწერიდან ირკვევა, კომპანიის დირექტორები საქართველო-ისრაელის ბიზნესპალატის ხელმძღვანელი იციკ მოშე და მომღერალი ია ჩანტლაძე არიან.




მშენებლობის ნებართვა კომპანიამ პირველად 2015 წელს მიიღო, 2020 წელს შეთანხმდა ესკიზი. მიუხედავად იმისა, რომ სასტუმროს მშენებლობა დიდი ხსნის დაწყებულია, ინვესტორებმა პროექტის კორექტირება მოითხოვეს.




მირზა შაფის ქუჩაზე, სასტუმროს კორექტირებულ ესკიზს დედაქალაქის მთავრობამ უარი მეოთხედ უთხრა. ახალი პროექტი შემდეგ ცვლილებებს ითვალისწინებს:

 

1. საპროექტო ტერიტორიის ფართობი ნაცვლად 1628 კვ. მ,  არის 2527 კვ. მ .

 

2. არსებულ ორ ნაგებობას აღმოსავლეთ ნაწილში ემატება მესამე ნაგებობა.

 

3. ერთიანდება საკუთრებაში არსებული ყველა საკადასტრო ერთეული.

 


4. გაერთიანებული პროექტი შედგენილია 41-ე დადგენილების მოთხოვნების მიხედვით.

 




თბილისის მერიის გადაწყვეტილება არქიტექტურის ვებ-გვერდზე რვა მარტს გამოქვეყნდა:

 

„უარი ეთქვას ქ. თბილისში, ბააზოვის ქ. N19; შუშინის ქ. N19-ის მიმდებარე ტერიტორია. მირზა შაფის ქ. N12ა; მირზა შაფის ქ. N12ა-ს მიმდებარედ. მირზა შაფის ქუჩაზე სასტუმროს კორექტირებული ესკიზის წინასწარ შეთანხმების საკითხს“, - ნათქვამია ბრძანებაში.

 



დედაქალაქის უარის პარალელურად, რამდენიმე დღის წინ გავრცელდა ინფორმაცია, რომ „ემ. სი. აი. პროჯექტი“ უმაღლესი კლასის სასტუმრო ბრენდის „The Registry Collection“- ის ოფიციალური წარმომადგენელი და ექსკლუზიური მფლობელი გახდა.

 


კომპანია „ემ. სი. აი პროჯექტის“ დირექტორის, საქართველო-ისრაელის ბიზნესპალატის ხელმძღვანელის, იციკ მოშეს თქმით, კომპანია თბილისის ისტორიულ უბანში განაშენიანების საკითხს განსაკუთრებული პასუხისმგებლობით ეკიდება. სწორედ ამიტომ მისი განცხადებით, მირზაშაფის ქუჩაზე მდებარე, კომპანიის საკუთრებაში არსებული, მაღალი კლასის ახალაშენებული შენობის ნებართვის მიღების პროცესი თითქმის 8 წლის განმავლობაში გრძელდებოდა. „ემ. სი. აი პროჯექტის“ დირექტორი აცხადებს, რომ პროექტმა არაერთი შესაბამისი უწყებისა და სხვადასხვა სფეროს სპეციალისტის ხელში გაიარა. როგორც მოშე ამბობს, კომპანიამ გაითვალისწინა მათი ყველა შენიშვნა და 2015 წელს მშენებლობის ნებართვა მიიღო. საქართველო-ისრაელის ბიზნესპალატის ხელმძღვანელის განმარტებით, აღნიშნული შენობა მთლიანად მორგებულია თბილისის ისტორიული უბნის ლანდშაფტს და აკმაყოფილებს განაშენიანების ყველა კრიტერიუმს.


„ყველა ქალაქი, მათ შორის ისტორიულიც, დინამიური სტრუქტურაა, ვითარდება. მირზაშაფის ქუჩაზე განხორციელებული პროექტი სწორი რეაგირება და გამოძახილია ქალაქის ცხოვრების ახალ რიტმზე. ეს იყო ჩვენი კომპანიის და საკითხზე უფლებამოსილი უწყებების მჭიდრო თანამშრომლობის კარგი მაგალითი“, - აცხადებს იციკ მოშე.


იციკ მოშე აცხადებს, რომ კულტურული მემკვიდრეობის დაცვის საბჭოს 8 მარტის  უარი  შეეხება სხვა საკადასტრო ტერიტორიას, კერძოდ, მირზაშაფის პარალელურ, ბააზოვის ქუჩაზე მდებარე, კომპანიის მიერ მოგვიანებით შეძენილ სამ მიწის ნაკვეთზე მშენებლობის ნებართვას.


„კომპანიის მიერ მოთხოვნილი ეს ნებართვა არ უკავშირდება მირზაშაფის ქუჩაზე სახელმწიფოს ნებართვით უკვე აშენებულ სასტუმროს შენობას. ბააზოვის ქუჩაზე ამჟამად 20-25 წლის წინათ აშენებული 2-3-სართულიანი ბარაკული ტიპის შენობებია, რომელთაგან რამდენიმე კომპანიამ მოსახლეობისგან შეისყიდა. ბარაკების ადგილას დაგეგმილი ასევე 2-3-სართულიანი მშენებლობა რეკრეაციული ზონით, ორგანულად უნდა შეერწყას მირზაშაფის ქუჩაზე აშენებულ სასტუმროს. ბუნებრივი და გასაგებია საბჭოს წევრების პოზიცია და, ტრადიციულად, მზად ვართ გავითვალისწინოთ მათი შენიშვნები. მით უფრო, საბჭოს წევრები გვირჩევენ, რომ სამუშაოები ფრთხილად უნდა წარიმართოს. ლაპარაკია მოცულობების შემცირებაზეც. ჩვენ ახლა მთავარი არქიტექტორის მონაწილეობით სპეციალისტებთან აქტიურად ვმუშაობთ პროექტის დახვეწაზე, რადგან მსგავსად მირზაშაფის ქუჩისა,  ბააზოვის ქუჩაზეც ჩვენი მშენებლობა უნდა გამოირჩეოდეს მაღალი არქიტექტურული ხარისხით. ვინაიდან ძველი უბანი ნიშნავს მრავალფეროვნებას, როგორც ყოველთვის, მზად ვართ, ამ მრავალფეროვნებაში უზრუნველვყოთ ძველისა და ახლის ჰარმონიული თანაარსებობა“, - განუცხადა „კომერსანტს“ იციკ მოშემ.


საქართველო-ისრაელის ბიზნესპალატის ხელმძღვანელი აცხადებს, რომ ამ ობიექტით თბილისს ტურისტულ ზონაში უახლოეს წლებში კიდევ ერთი პრემიუმ კლასის ობიექტი შეემატება. იციკ მოშეს განმარტებით, მსოფლიო პრაქტიკით, ქალაქის ისტორიული ნაწილი, უპირველეს ყოვლისა, გამოირჩევა ტურისტული ატრაქციებითა და მაღალი კლასის სერვისით. როგორც ის ამბობს, კომპანია „ემ. სი. აი პროჯექტის“ ეს ობიექტი სწორედ ამ მიზანს ემსახურება.


იციკ მოშეს თქმით, საქართველო-ისრაელის ბიზნესპალატაში შემავალი კომპანიები, მათ შორის კომპანია „ემ. სი. აი პროჯექტი“, მაღალი სოციალური პასუხისმგებლობით გამოირჩევიან.  საქართველო-ისრაელის ბიზნესპალატის ხელმძღვანელი გვიყვბეა, რომ „ემ. სი. აი პროჯექტი“ მხარში უდგას მისი კუთვნილი ტერიტორიის მეზობლად, მირზაშაფისა და ბააზოვის ქუჩებზე მცხოვრებ ოჯახებს. მოშე ამბობს, რომ კომპანიამ ხუთი ოჯახისგან გამოისყიდა ამორტიზებული ბარაკები და შესაბამისი წესების დაცვით, მეზობლად ზოგიერთ სახლსაც გამაგრებითი სამუშაოები ჩაუტარა.


საქართველო-ისრაელის ბიზნესპალატის ხელმძღვანელის თქმით, ბიზნესპალატის წევრი ორგანიზაციების საქმიანობის ერთ-ერთი ძირითადი მიმართულებაა კულტურულ-ისტორიულ ღირებულებათა შენარჩუნება და მასზე ზრუნვა. იციკ მოშეს განმარტებით, ეს  განსაკუთრებით აქტუალურია ისეთი დიდი ისტორიის მქონე ქვეყანასა და ქალაქში, როგორიც საქართველო და თბილისია, რომლებიც გამორჩეულია მულტიკულტურით.

 

„თბილისის ისტორიული უბანი ქალაქის კულტურული კაპიტალია  და თანამედროვე მოთხოვნების შესაბამისად მისი გამოყენება აუცილებლად გულისხმობს ძველისა და ახლის თანაარსებობას. საქართველო-ისრაელის ბიზნესპალატამ საფრანგეთისა და ისრაელის გამოცდილების საფუძველზე შექმნა კონცეფცია, რომელიც ტრადიციული კულტურული ელემენტების შენარჩუნებით ასეთი ძველი უბნების განვითარებას ითვალისწინებს. ბიზნესპალატის წევრი კომპანიების მიერ ქალაქში შექმნილი პრემიუმ კლასის ობიექტები სპეციალისტთა სამართლიანი შეფასებით, ორგანულად ერწყმის ისტორიული ქალაქის ტრადიციას. ამიტომ ვაგრძელებთ აქტიურ თანამშრომლობას ყველა იმ ოფიციალურ უწყებასთან, რომლებიც მუშაობენ უნიკალური კულტურული გარემოს განვითარებაზე“, - აცხადებს იციკ მოშე.

 

შეგახსენებთ, რომ პროექტში 12 მილიონი დოლარის ინვესტიცია განხორციელდება. ტერიტორიაზე მოეწყობა 30 ავტომობილზე გათვლილი ავტოფარეხი, ოფიციალური დოკუმენტებით თბილისის ძველ უბანში სასტუმროს მშენებლობა  წელიწად-ნახევარში დასრულდება.


ბაჩო ადამია

თეგები:
მირზა შაფი



ლარი დოლართან და ევროსთან მიმართებით გაუფასურდა

ლარი დოლართან და ევროსთან მიმართებით გაუფასურდა
access_time2021-10-27 18:00:34
27 ოქტომბრის ვაჭრობის შედეგად ლარი აშშ დოლართან მიმართებაში 1.29 თეთრით 3.1557-მდე გაუფასურდა. Bloomberg-ის პლატფორმაზე დღის ბოლოს კურსმა 3.1520 შეადგინა. საერთაშორისო ვალუტებიდან ლარი ევროსთან 0.62 თეთრით 3.6581-მდე, 1000 სომხურ დრამთან კი 2.77 თეთრით 6.6093-მდე, ხოლო აზერბაიჯანულ მანათთან კი 0.58 თეთრით 1.8554-მდე გაუფასურდა. ლარი 100 რუსულ რუბლთან 3.72 თეთრით 4.4915-მდე, თურქულ ლირასთან 0.07 თეთრით 0.3314-მდე, ბრიტანულ ფუნტთან კი 1.28 თეთრით...

თავისუფლების მოედანზე ქართული ოცნების მხარდამჭერი აქცია მიმდინარეობს

თავისუფლების მოედანზე ქართული ოცნების მხარდამჭერი აქცია მიმდინარეობს
access_time2021-10-27 17:00:22
მმართველი პარტია თვითმმართველობის აჩევნების მეორე ტურის წინ, დღეს, 27 ოქტომბერს მხარდამჭერებთან შემაჯამებელ შეხვედრას მართავს. თავისუფლების მოედანზე იმავე ადგილას 2 კვირით ადრე საპროტესტო აქცია ექს-პრეზიდენტ სააკაშვილის პატიმრობიდან გათავისუფლების მოთხოვნით გაიმართა. ქართულ ოცნებაში ირწმუნებიან, რომ მათი აქცია უფრო მრავალრიცხოვანი იქნება. 2 ოქტომბერს გამართულ თვითმართველობის არჩევნებზე, არაოფიციალურ რეფერენდუმში ქართულმა ოცნებამ 43%-იანი ბარიერი გადალახა და პროპორციულ...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-27 21:00:15
დღის TOP10 საინტერესო ამბავი:     1. თუ ორნიშნა ინფლაცია გაგრძელდა, საპენსიო ფონდის ამონაგები მინუსში იქნება საქართველოს 1 166 737 მოქალაქე ნაწილობრივ სავალდებულო საპენსიო სისტემაში მონაწილეობს და მათი ყოველთვიური ხელფასის 6% საპენსიო სააგენტოში ირიცხება. საპენსიო ფონდის აქტივები უკვე...

საქართველოს ბიზნეს ასოციაციის ახალი წევრია პაშა ბანკი

საქართველოს ბიზნეს ასოციაციის ახალი წევრია პაშა ბანკი
access_time2021-10-27 14:55:47
საქართველოს ბიზნეს ასოციაცია მიესალმება ახალ წევრს, პაშა ბანკს. პაშა ბანკი საქართველოში 2013 წლიდან...

საქართველოში ლუდის პირველი სპა ცენტრი გაიხსნა

საქართველოში ლუდის პირველი სპა ცენტრი გაიხსნა
access_time2021-10-27 16:00:27
ქვევრის ლუდის მწარმოებელმა კომპანია „ვარძიამ“, რომელიც პროდუქტს „ქვევრის ლუდის“ ბრენდით აწარმოებს, ასპინძაში დასასვენებელი კომპლექსი გახსნა. როგორც „ბიზნესპარტნიორს“ კომპანის დამფუძნებელმა ზაზა ზედგენიძემ განუცხადა, კომპლექსი “მელუდის სახლი“, რომელიც თითქმის 2 თვეა გაიხსნა, განთავსებულია როგორც ლუდის სპა ცენტრი, ისე სასტუმრო. მისი განცხადებით, ვიზიტორს შეუძლია როგორც ლუდის აბაზანების მიღება, ისე ლუდის დაგემოვნება და...


მსგავსი სიახლეები

up