„პანდემიიდან გამომდინარე იყო სირთულეები, მაგრამ მთლიანობაში დადებითი წელი იყო, რაც სხვა კომპანიებმა განიცადეს, იგივეს ჩვენს კომპანიაზე ვერ ვიტყვი“, - ამის შესახებ „კომერსანტს“ცნობილმა ქართველმა სამრეწველო დიზაინერმა ზვიად ციკოლიამ განუცხადა. მედია ჰოლდინგთან „Tsikolia Watches“-ის დამფუძნებელმა 2020 წელი შეაჯამა და თქვა, რომ რთული ეპიდემიოლოგიური მდგომარეობის მიუხედავად კომპანიის გაყიდვები გაიზარდა.

„ვერ გეტყვით რომ ცუდი წელი იყო, რა თქმა უნდა პანდემიიდან გამომდინარე გვქონდა სირთულეები, ვირუსმა რაღაცებში შეგვაფერხა, მაგრამ მთლიანობაში დადებითი წელი იყო. გაყიდვები გაიზარდა, კოლექციას ახალი მოდელები შევმატეთ ასე, რომ საკმაოდ აქტიური 2020 წელი გვქონდა, რაც სხვა კომპანიებმა განგვიცხადეს, იგივე ჩვენს კომპანიაზე ვერ ვიტყვი. გაყიდვების ზრდა განაპირობა იმან, რომ ჩვენი ძალისხმევა მიმართული იყო ონალიან გაყიდვებზე, ადგილობრივ ბაზარზე, რადგან უცხოეთში მიწოდება მეტ-ნაკლებად შეზღუდული იყო პროდუქტს დროზე ვერ ვაწვდიდით და ამიტომ მაქსიმალური ფოკუსირება ადგილობრივ ბაზარზე მოვახდინეთ. ბაზარმა მოითხოვა ის, რომ ონლაინ პლატფორმები დაგვეხვეწა, სხვაგვარად წაგვემართა მარკეტინგი და ამანაც თავის შედეგი გამოიღო. ის მინუსები რაც კორონამ მოიტანა კომპანიას წაადგა, სხვაგან ვნახეთ რესურსები სად შეიძლებოდა ამოქაჩულიყო. მნიშვნელობა ჰქონდა იმასაც, რომ კოლექციას ახალი მოდელები შეემატა. აქედან გამომდინარე ყველაფერმა ერთად თავის შედეგი გამოიღო“, - განმარტავს ზვიად ციკოლიამ.

ბაჩო ადამია