„მინისტრმა მიიწვია მხოლოდ იმ ბაღების წარმომადგენლები, სადაც მთავრობის წევრებს დაჰყავთ ბავშვები და შეღავათებზეც მათ ესაუბრა“ - ასოციაცია

„მინისტრმა მიიწვია მხოლოდ იმ ბაღების წარმომადგენლები, სადაც მთავრობის წევრებს დაჰყავთ ბავშვები და შეღავათებზეც მათ ესაუბრა“ - ასოციაცია

access_time2020-12-14 11:00:57

„კერძო ბაღებს, ისევე როგორც პანდემიით დაზარალებულ სხვა ბიზნესებს,  სხვადასხვა მიმართულებით დავეხმარებით“, - განაცხადა ნათია თურნავამ კერძო ბაღების წარმომადგენლებთან შეხვედრისას, რომელთაც საქართველოს პრემიერ-მინისტრის დავალებით შეხვდა.


მინისტრის თქმით, შეხვედრაზე განხილული იქნა სექტორში პანდემიის გამო არსებული პრობლემები, რადგან ეს არის საკმაოდ დაზარალებული სფერო, ის ერთ-ერთი პირველი მოყვა შეზღუდვებში, რაც განპირობებული იყო ეპიდემიოლოგიური ვითარებით. მათ აქვთ ისეთი პრობლემები, რომელიც მსგავსია სხვა ბიზნესების პრობლემებთან - მათ შორის არის ბანკის სესხები და პროცენტების გადახდა, საიჯარო ქირის გადახდა და პრობლემები გადასახადებთან დაკავშირებით.


მინისტრთან შეხვედრას კერძო ბაღების ძალიან მცირე ნაწილი ესწრებოდა, დანარჩენი მათგანისთვის კი შეხვედრის და შეთანხმების დეტალები დღემდე უცნობია. საქართველოს კერძო საბავშვო ბაგა-ბაღების ასოციაციის ხელმძღვანელი პავლე ქალიაშვილი „კომერსანტთან“ აღნიშნავს, რომ მინისტრმა მიიწვია მხოლოდ ისინი, სადაც მთავრობის წევრებს დაჰყავს ბავშვები და მათთან დაახლოებულები არიან, შეღავათებზეც სწორედ მათ ესაუბრა. მისი თქმით, ასოციაციამ, რომელიც 140 ბაღს აერთიანებს შეხვედრაზე მიწვევა, კრიტიკული განწყობის გამო არ დაიმსახურა.


„ჩვენი ასოციაციის წარმომადგენლები ნათია თურნავასთან შეხვედრაზე არ ყოფილან, 15 ბაღამდე რომლებიც ფულიანი მოქალაქეების ბაღებს წარმოადგენს მხოლოდ იქედან ესწრებოდნენ, ესენია „ალუბლები“, mother.ge, family და კიდევ რამდენიმე. დაახლოებით 6 ბაღი იყო მიწვეული, საქართველოში როგორც ხდება ძირითადად იმ პრინციპით შეირჩა, ნათია თურნავას ბავშვი დაჰყავს ერთ-ერთ ბაღში, მათ ერთმანეთთან რაღაცეები გაარკვიეს და შემდეგ შეიკრიბნენ. მინისტრმა მიიწვია მხოლოდ ისინი, სადაც მთავრობის წევრებს დაჰყავს ბავშვები და მათთან დაახლოებულები არიან, შეღავათებზეც მათ ესაუბრა. რაც შეეხება კომპენსაციებს და ბანკებთან შუამდგომლობის დეტალებს ჩვენთვის არაფერია ცნობილი. მე ყოველთვის კრიტიკულიად ვარ განწყობილი და ალბათ ამის გამო არ მითხრეს, თუმცა ჩვენს ასოციაციაში შემავალ არცერთი ბაღის წარმომადგენელი არ მიიწვიეს, ჩუმად მოხდა ყველაფერი.



მთავრობას არაერთხელ მივმართეთ, 5 სამთავრობო უწყებას ასოციაციამ წერილები გავუგზავნეთ და დახმარება ვთხოვეთ, ამის საფუძველზე ივანე მაჭავარიანს დაევალა რომ საგადასახადო საკითხთან დაკავშირებით მიიღოს გადაწყვეტილება. ეროვნული ბანკიდან გვითხრეს რომ დაინტერესებულმა პირებმა უნდა დავრეკოთ ცხელ ხაზზე, ჩავაწერინოთ მონაცემები, რათა კომერციულ ბანკებთან ჩვენი მდგომარეობა გადაამოწმონ და შემდეგ რას იზამენ არ ვიცით. რაც შეეხება ფულად კომპენსაციას, ამ გადაწყვეტილებას პრემიერ-მინისტრისგან ველოდებით.


ძალიან მძიმე მდგიმარეობაა, ჩემს ასოციაციაში პირველი „ლოკდაუნის“ დროს რეგისტრირდებოდა 270 ბაღი, რომელიც 5200 თანამშრომელს ითვლიდა. ახლა 140 ბაღია დარჩენილი და 3600 თანამშრომელი, თუმცა ყოველდღიურად იხურებიან, ფინანსურ ვალდებულებებს ვეღარ უმკლავდებიან, ასევე დიდი წნეხია ბანკების მხრიდან, ისინი დღემდე სთხოვენ სესხის დაფარვას და ამბობენ რომ მთავრობის მხრიდან ბაღებთან შეღავათებზე წასვლაზე საუბარი არ ყოფილა“, - აცხადებს პავლე ქალიაშვილი.

 

თუმცა, ბავშვთა საგანმანათლებლო ცენტრი „ალუბლების“ დამფუძნებელი ნათია გურგენიძე „კომერსანტთან“ საუბრისას ამბობს, რომ მინისტრთან შეხვედრაზე მხოლოდ პროცესებში აქტიურად ჩართული კერძო ბაღების წარმომადგენლები ესწრებოდნენ, რაც შეეხება შეღავათებს, მათ ყველა ბაღი მიიღებს, მიუხედავად იმისა იყვნენ თუ არა შეხვედრაზე.


„ჩვენი კერძო ბაღების სექტორი მეათე თვეა დახურულია და ამ ხნის განმავლობაში შემოსავალი არ გვქონდა. სექტემბერში უნდა გავხსნილიყავით, თუმცა სამჯერ გადაიდო თარიღი, მოვემზადეთ იმისთვის რომ ყველა რეგულაცია დაგვეცვა, ყველაფერი შევიძინეთ და ძალიან დიდი თანხა დავხარჯეთ, თუმცა მხოლოდ ორი კვირა ვიმუშავეთ. 10 თვის განმავლობაში ძალიან ბევრ უწყებას მივმართეთ, თუმცა ნათია თურნავასთან შეხვედრა იყო ყველაზე ნაყოფიერი მათ შორის რაც კი აქამდე მომხდარა. სამწუხაროდ გვაიგივებდნენ საჯარო ბაღებთან, რომელიც ჩვენთან არაფერ კავშირშია. მინისტრმა მოგვისმინა და გვითხრა, რომ აუცილებლად დაგვეხმარებიან, გვაქვს მიმდინარე ვალდებულებები, გვაქვს სესხები, რომელსაც ამბობენ რომ აუცილებლად დაასუბსიდირებენ. ამავე დროს, მეიჯარეებთან შუამდგომლობას შეგვპირდნენ, ასევე გადასახადების გადავადებას და შესაძლოა საშემოსავლო და ქონების გადასახადის გაუქმებაც მოხდეს. აგრეთვე, „აწარმოე საქართველოში“ პროგრამის ფარგლებში ჩაგვრთავენ. უმეტესად ამ საკითხებზე იყო საუბარია და უკვე დაიწყო მუშაობა.


რაც შეეხება სხვა ბაღების კრიტიკას, ამ შეხვედრის ორგანიზატორი პირადად მე ვიყავი, შესაბამისად 10 წარმომადგენლის შეკრება მთხოვეს და ვინც ამ ათი თვის განმავლობაში პროცესში აქტიურად იყო ჩართული, ყველა მათგანს დავუკავშირდი. ყველა კერძო ბაღს შეეხება ეს შეღავათები და ვფიქრობ ისინი კრიტიკის ნაცვლად, ჩვენი მადლიერები უნდა იყვნენ. თუ არიან ზუსტად კლასიფიცირებული ის სეგმენტი, რომლებზეც ეს შეღავათები გაითვლება, აუცილებლად ყველაფერს მიიღებენ“, - განაცხადა ნათია გურენიძემ.


ნინო თამაზაშვილი


თეგები:
ბაღი



Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი

Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი
access_time2021-04-23 09:55:25
Galaxy A სერია წლების განმავლობაში ინარჩუნებს ყველაზე მოთხოვნადი და გაყიდვადი სმარტფონის სტატუსს სამსუნგის ბიუჯეტური მოდელების კატეგორიაში; დღეს მინდა დეტალურად გაგაცნოთ Galaxy A52, რომელიც სამსუნგმა 2021 წლის მარტში წარუდგინა მსოფლიოს;   Galaxy A52 აღჭურვილია თანამედროვე უსაზღვრო O ტიპის 6.5’’ ინჩიანი, FHD+ რეზოლუციის Super  AMOLED ეკრანით. A52-ის ეკრანის ყველაზე შთამბეჭდავი პარამეტრი მისი განახლების სიხშირეა. A52-ს 90 ჰერციანი ეკრანი აქვს და გადმოსცემს დინამიურ და გლუვ...

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს
access_time2021-04-23 10:00:58
დიდი ვარდნის შემდეგ საქართველოში სარკინიგზო გადაზიდვებში ზრდა ფიქსირდება. 2021 წლის პირველ კვარტალში რკინიგზით 2.917 მლნ ტონა ტვირთი გადაიზადა, რაც გასული წლის ანალოგიურ პერიოდთან შედარებით 7.3%-ით მეტია. კიდევ უფრო მეტად, 14%-ით 86.9 მლნ-მდე გაიზარდა სატვირთო გადაზიდვებით მიღებული შემოსავალი. 2012 წელს რკინიზის ტვირთბრუნვა 20.1 მლნ ტონას შეადგენდა. 2018 წელს ის 10 მლნ ტონამდე შემცირდა. 2019 წელს 8 წლიანი მუდმივი კლების შემდეგ ბრუნვა 8%-ით 10.8 მლნ ტონამდე...

Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...


მსგავსი სიახლეები

up