მინისტრი სპეკულირებს, როდესაც ლარის გამყარებას ეკონომიკური პოლიტიკის შედეგად აფასებს

მინისტრი სპეკულირებს, როდესაც ლარის გამყარებას ეკონომიკური პოლიტიკის შედეგად აფასებს

access_time2020-06-12 10:00:33

„საქართველოში ეკონომიკის ვარდნა გლობალური კრიზისით და პანდემიით არის გამოწვეული. ლარის გამყარება კი ჩვენი სწორი და კორდინირებული პოლიტიკით. ეს არის ეკონომიკური პოლიტიკს შედეგი და ეს არაა თავისთავად მოტანილი პოზიტივი. ჩვენ ყველაფერი გავაკეთეთ იმისთვის, რომ ეროვნული ვალუტის გამყარება შევძლოთ და გაცვლითი კურსის რყევები შევამციროთ, რაც პოზიტიურად მოქმედებს ბაზარზე“, - ამის შესახებ ეკონომიკის მინისტრმა ნათია თურნავამ განაცხადა.


ეკონომისტი ირაკლი ყიფიანი მიიჩნევს, რომ ეკონომიკის მინისტრი სპეკულირებს როდესაც ლარის გამყარებას ეკონომიკური პოლიტიკის შედეგად აფასებს. მისი თქმით, ლარი ერთ-ერთი ყველაზე არაპროგნოზირებადი ვალუტაა ბიზნესისთვის, შესაბამისად მისი მოკლევადიან პერიოდში შეფასება  - სპეკულაციაა.


„ეკონომიკის მინისტრი ნათია თურნავა სპეკულირებს, როდესაც ლარის გამყარებას ეკონომიკური პოლიტიკის შედეგად აფასებს, რადგან ლარის კურსი უფასურდება და მყარდება ბოლო 8 წლის განმავლობაში ისე არაპროგნოზირებულად, როგორც არასდროს. ლარი ერთ-ერთი ყველაზე არაპროგნოზირებადი ვალუტაა ბიზნესისთვის, შესაბამისად მისი მოკლევადიან პერიოდში შეფასება ისეთი როგორიც მინისტრმა გააკეთა, ორი დღის შედეგების მიხედვით - სპეკულაციაა. მინისტრმა გადახედოს რა სჭირს ლარს ბოლო პერიოდის განმავლობაში და რა ემართებას ბიზნესს ლარის გაუფასურების გამო, ასევე  შეხედოს ფასებს. თუ ფასების ზრდა და ლარის ასეთი მერყეობა სწორი ეკონომიკური პოლიტიკის შედეგია, მაშინ  საკმაოდ ბევრი კითხვის ნიშანი ჩნდება, მათ შორის თუ რამდენად ჯანსაღად ფიქრობს  ნათია თურნავა საერთოდ ეკონომიკაზე“, - განაცხადა ირაკლი ყიფიანმა.


ეკონომიკის ექსპერტი და ანალიტიკოსი ნიკა შენგელია აცხადებს, რომ არავითარი  ეკონომიკური პოლიტიკა, რომელიც ლარის კურსს გაამყარებდა ბუნებაში არ არსებობს.



„გამიზნული ეკონომიკური პოლიტიკა ჩვენს ქვეყანას არ აქვს, ახლა თითქოს დაიწყეს სოფლის მეურნეობის მხრივ ნაბიჯების გადადგმა, მაგრამ ძალიან პატარა ძვრებია. რაც შეეხება ეკონომიკურ პოლიტიკას, საერთოდ რაზე უნდა ვისაუბროთ, როდესაც ბიუჯეტი ვერ სრულდება და დიდი გარღვევა არის, ამ დროს ზოგადად ლარის კურსის გამყარებაზე ვერაფერს ვიტყვით. ეროვნული ვალუტის გამყარებას ჩვენ მივაწერთ იმ ფაქტს, რომ იმპორტი შემცირებულია და შემოდის ასევე საერთაშორისო დახმარებები, რაც ჩვეულებრივ მიიმართება სავალუტო ბაზარზე და ლარზე მოთხოვნის ზრდას იწვევს. გარდა ამისა რომელიღაც კომერციულ ბანკს დოლარი ჰქონდა შესასყიდი და ამის გამო ლარი გამყარდა, რათა იაფად შეესყიდა უცხოური ვალუტა, ახლა კი ვხედავთ რომ ლარი ისევ 3-ის ფარგლებშია. თუ მოსახლეობის მხრიდან მოთხოვნა გაიზრდება, ლარის კურსი ისევ გაუფასურდება. არავითარი  ეკონომიკური პოლიტიკა, რომელიც ლარის კურსს გაამყარებდა ბუნებაში არ არსებობს, ყველასთვის ცნობილია, რომ ზაფხულის პერიოდში ლარი ისედაც მყარდება. ეკონომიკურ პოლიტიკაზე მთავრობამ ნოემბრის ბოლოსთვის გვესაუბროს, როდესაც ლარი ისევ გაუფასურდება. ლარის კურსი ივნისის პერიოდში 2.95-3.05 იქნება, 2.90-ზე დაბლა ჩამოსვლას არ ვვარაუდობთ. წლის ბოლოსათვის კი სადღაც 3,20- იან ნიშნულს არ გადააჭარბებს“, - განმარტა ნიკა შენგელიამ.


საქართველოს ეროვნული ბანკის მიერ გამოქვეყნებული მონაცემების თანახმად, 11 ივნისის ვაჭრობის შედეგად აშშ დოლარის ღირებულებამ 3.0387 ლარი შეადგინა.


აღნიშნულ თემასთან დაკავშირებით, „კომერსანტმა“ ეკონომიკის სამინისტროსაც მიმართა შეკითხვით, პასუხებს მიღებისთანავე შემოგთავაზებთ.


ნინო თამაზაშვილი





ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი

ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი
access_time2021-06-19 17:55:10
საქართველოს საავიაციო ბაზარს ახალი მიმართულება – აბუ – დაბი ემატება. არაბთაგაერთიანებული საემიროების დაბალბიუჯეტიანი ავიაკომპანია Air Arabia Abu Dhabi , 1-ლი ივლისიდანზაფხულის სანავიგაციო სეზონის ბოლომდე (28 ოქტომბერი), კვირაში 3 სიხშირით პირდაპირ რეისებსაბუ-დაბი – თბილისი – აბუ-დაბი მიმართულებით შეასრულებს. Air Arabia Abu...

დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი
access_time2021-06-19 16:00:40
კომპანია „ჭკვიანი თხილი“ მცირე ქართული საწარმოა, რომელიც ადგილობრივი ნედლეულისგან 5 სახეობის თხილის პასტას აწარმოებს. არაქისის, თხილის, ნუშის, პეკანის ნიგვზისა და გოგრის თესლისგან დამზადებული პასტების ონლაინ-გაყიდვები გასულ წელს, დაახლოებით, 800% -მდე გაიზარდა. ინფორმაციას პორტალი EastFruit ავრცელებს. კომპანიის მთავარი სარეალიზაციო ხაზი სწორედ ინტერნეტ-არხებია.   პასტების დასამზადებლად მხოლოდ ადგილობრივ პროდუქციას იყენებენ: არაქისი და ნუში კახეთიდანაა, თხილი -...

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა
access_time2021-06-19 15:00:49
“ეროვნული ბანკის მიერ გაცემულ ამ პასუხში ვკითხულობთ, რომ რეფინანსირების სესხების მოცულობით ლარის კურსის მერყეობების ახსნა არასწორია, ცენტრალურ ბანკში მაგალითად აპრილის თვის მონაცემები მოჰყავთ, სადაც აღნიშნულია, რომ 2021 წლის 31 მარტს (რაც 1-ლი აპრილის ოფიციალურ კურსში აისახა) საშუალო საბაზრო გაცვლითი კურსი დაახლოებით 3.45 იყო, თუმცა 31 მარტს დაახლოებით მილიარდ 200 მილიონის რეფინანსირების სესხი იყო გაცემული. შემდეგ 1-ლი აპრილიდან რეფინანსირების სესხებმა ზრდა დაიწყო და 15 აპრილს 3 მილიარდამდე...


მსგავსი სიახლეები

up