ისრაელში სავაჭრო ცენტრები და ღია ტიპის ბაზრობები მიმდინარე კვირის ხუთშაბათიდან გაიხსნება. ამის შესახებ ქვეყნის პრემიერ-მინისტრმა ბენიამინ ნეთანიაჰუმ განაცხადა.
მისივე თქმით, შემსუბუქებული შეზღუდვების ფარგლებში უქმდება რეგულაცია, რომელიც მოქალაქეებს აიძულებდა, საკუთარი საცხოვრებელი ადგილებიდან მხოლოდ 100 მეტრის რადიუსის მანძილით გადაადგილებულიყვნენ. გარდა ამისა, დასაშვები ხდება 20-მდე პირის შეკრება და ქორწილები, სადაც 50-მდე ადამიანი იქნება თავშეყრილი.
ნეთანიაჰუს განმარტებით, საბავშვო ბაღები ქვეყანაში კვირის ბოლოდან გაიხსნება, სპორტული და გასართობი დაწესებულებები კი ეტაპობრივად ივნისის შუა რიცხვებამდე განაახლებს ფუნქციონირებას. რემიერ-მინისტრმა აღნიშნა, რომ კორონავირუსის ინფექციის გავრცელების მეორე ტალღის შესაძლებლობა არსებობს და იმ შემთხვევაში, თუკი ქვეყანაში ეპიდსიტუაცია გაუარესდება, შეზღუდვები კვლავ დაწესდება.
ცნობისათვის, ბოლო ინფორმაციით ისრაელში კორონავირუსის 16 246 შემთხვევაა დადასტურებული, დაღუპულია 235 ადამიანი.
imedinews.ge