მილიონერ მერაბ ელაშვილის ბიზნესს პრობლემები შეექმნა – რუსეთში Sbarro–ს პიცერიები იხურება

მილიონერ მერაბ ელაშვილის ბიზნესს პრობლემები შეექმნა – რუსეთში Sbarro–ს პიცერიები იხურება

person access_time2016-07-05 17:30:17

ჰოლდინგი „სტუმართმოყვარეობის პლანეტა“, რომელიც რუსეთში პიცერიების ქსელ Sbarro–ს ავითარებს, წყვეტს კონტრაქტს ბრენდის ამერიკელ პარტნიორთან. ამის შესახებ Rambler News Service–ს რუსულ კომპანიაში განუცხადეს. კონტრაქტის გაწყვეტის შედეგად, რუსეთში Sbarro–ს ობიექტების რაოდენობა სამჯერ შემცირდება.


რუსეთში, დსთ–სა და ბალტიისპირეთში Sbarro–ს ბრენდის მფლობელია მერაბ ელოშვილი – წარმოშობით ქართველი ბიზნესმენი.

 

კომპანია „სტუმართმოყვარეობის პლანეტა“  19 წლის განმავლობაში იყო ამერიკული კორპორაცია Sbarro–ს სტრატეგიული პარტნიორი და რუსეთში, ცენტრალურ და აღმოსავლეთ ევროპაში, ასევე ბალტიასა და დსთ–ში ბრენდის ფრანჩიზით განვითარების უფლებას ექსკლუზიურად ფლობდა.


„სტუმართმოყვარეობის პლანეტას“ აქვს აღნიშნული ბრენდის 50 რესტორანი. თუმცა ბოლო პერიოდში კომპანიას პრობლემები შეექმნა: მარტში მოსკოვის შრომის სახელმწიფო ინსპექციამ „სბაროს“ ქსელს გადაუხდელი სახელფასო დავალიანება აღმოუჩინა. იგივე მიზეზით შემოწმება პროკურატურამაც ჩაატარა.


იანვარში გავრცელდა ინფორმაცია, რომ „სტუმართმოყვარეობის პლანეტამ“ სამი ათასი თანამშრომელი დაითხოვა, თუმცა კომპანიამ აღნიშნული ინფორმაცია უარყო. 

 


გარდა ამისა, მისმა 30–მდე თანამშრომელმა საპროტესტო აქცია გამართა და ხელფასის გადახდა მოითხოვა, რამაც კომპანიას დამატებითი დარყმა მიაყენა.


ახლა კი ცნობილი ხდება, რომ ამერიკულმა კომპანია Sbarro–მ. მოთხოვნის შემცირების გამო გააკეთა განაცხადი საკუთარი გაკოტრების შესახებ. მან ასობით პიცერია დახურა, რათა ბიზნესის რენტაბელობა გაეზარდა. 


მერაბ ელაშვილი მის ბიზნესში შექმნილ პრობლემებზე რუსულ საქმიან გამოცემა „ერ ბე კა“–სთან საუბრობს და ამბობს, რომ მისი კომპანიის პრობლემების ერთერთი მთავარი მიზეზი ბანკების პოლიტიკაა.


„2014 წელს ბრუნვამ 7 მილიარდი რუბლი შეადგინა, 2015–ში კი 5,5 მილიარდი იყო. კომპანია მუდმივად ვითარდებოდა რეინვესტიციისა და საბანკო თანხების მიზიდვის ხარჯზე. 2014 წლის შუა პერიოდში, ქვეყანაში ეკონომიკური კრიზისის დაწყებისას, ზოგიერთმა ბანკმა უარი გვითხრა საკრედიტო ხაზის გაგრძელებაზე, და ჩვენ იძულებულნი გავხდით დაგვებრუნებინა ფულადი სახსრები. მაშინ თითქმის ყველა ბანკმა საპროცენტო განაკვეთი 10–11 %–დან 19–25%–მდე ასწია და ჩვენ ძალიან დიდი ძალა და ენერგია დაგვჭირდა, რათა დაგვერწმუნებინა ისინი, რომ სარესტორნო ბიზნეს–მოდელს ასეთი ფუფუნება არ აქვს... მხოლოდ 2015 წლისთვის შევძელით ამ თემის დარეგულირება. ჩვენზე გავლენა მოახდინა სასურსათო ემბარგომ, სავალუტო რისკებმა, მოსახლეობის გადახდისუნარიანობის შემცირებამ – მთლიანობაში ჩეკები 20–30%–ით შემცირდა. ჩვენ დავიწყეთ ბიზნესის ოპტიმიზაცია: პერსონალის შემცირება ოფისში, სავაჭრო ცენტრებთან მოლაპარაკებები მთელი ქვეყნის მასშტაბით. ვიღაც დაგვთანხმდა იჯარის საფასურის რუბლში გადახდაზე, ვიღაც – არა... ამის გამო ერთ დღეში 500 ადამიანი სამსახურის გარეშე დარჩა. ბევრი მათგანი ჩამოსული იყო და მათთვის სამსახურის დაკარგვა ნამდვილი ტრაგედია, კატასტროფა გახდა,“ – განაცხადა ბიზნესმენმა. 


ელაშვილი ამბობს, რომ მზადაა, კომპანიის აქციების ნაწილი ინვესტორებს დაუთმოს, თუმცა არ აკონკრეტებს რა წილის გაყიდვას გეგმავს.


მერაბ ელაშვილი ქართული წარმომავლობის ბიზნესმენია. ის სამტრედიაში დაიბადა,  18 წლის ასაკში მოსკოვში გაემგზავრა და სახელი შოკოლადის კვერცხებით გაითქვა, რომლის შიგნითაც, კაფსულაში სათამაშო იყო მოთავსებული. კვერცხებით ვაჭრობამ მას საკმაოდ მალე დიდი ფული მოუტანა. ცოტა ხანში ამერიკელებისგან პიცერიების ქსელის "სბაროს" ფრანჩაიზინგის უფლება გამოისყიდა და მოსკოვში ერთმანეთის მიყოლებით რამდენიმე პიცერია გახსნა.


მისი ბიზნესი საოჯახო ხასიათისაა: მან ძმასთან და დის ქმართან ერთად. ჰოლდინგი  "გ.მ.რ. - სტუმართმოყვარეობის პლანეტა" შექმნა, სადაც პირველი სამი ასო მათი სახელების ინიციალებია - გიორგი, მერაბი და რომანი. დღეს ეს ჰოლდინგი მსოფლიოს ხუთი ქვეყნის 44 ქალაქში 285 რესტორანს აერთიანებს.


„მე ვაზროვნებ ქართულად და გადაწყვეტილებებსაც ქართულად ვიღებ. ფულსაც კი ქართულად ვითვლი", - ამბობს ელაშვილი.




მარკ ცუკერბერგი ცენტი-მილიარდერების კლუბს შეუერთდა

მარკ ცუკერბერგი ცენტი-მილიარდერების კლუბს შეუერთდა
access_time2020-08-08 19:35:02
მარკ ცუკერბერგი ცენტი-მილიარდერების კლუბს შეუერთდა, რაც იმას ნიშნავს, რომ მისმა ქონებამ $100 მილიარდი შეადგინა. ამის შესახებ...

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა
access_time2020-08-08 18:00:38
„ამ კვირაში სრულდება 12 წელი რუსეთის მიერ საქართველოს ტერიტორიაზე შემოჭრის შემდეგ. მაშინ, როცა მსოფლიოს ყურადღება გადატანილი იყო პეკინის ზაფხულის ოლიმპიადაზე, ოკუპანტი ძალები: ასობით რუსული ტანკი და ჯავშანტრანსპორტიორი როკის გვირაბის გავლით მიადგა რუსეთ-საქართველოს საზღვარს“, - ამის შესახებ არაკომერციული და არაპარტიული ანალიტიკური ინსტიტუტის – „ახლო აღმოსავლეთის...

ევროპული თვალთახედვა დეზინფორმაციასთან საბრძოლველად

ევროპული თვალთახედვა დეზინფორმაციასთან საბრძოლველად
access_time2020-08-08 13:00:39
ლიეტუვას რადიოსა და ტელევიზიის კომისიის თავმჯდომარეს, ბატონ მანტას მარტისიუსს სოციალური სამართლის იურისტი ნინი შენგელია ესაუბრა. დიალოგი გაიმართა „სექტორი 3-ის, ჰაბი განვითარებისთვის“ პროექტის ფარგლებში. თემა შეეხებოდა დეზინფორმაციის საფრთხეს, ყალბ ახალ ამბებს, სოციალურ მედიაში სიძულვილის ენასა და სოციალური მედიის პლატფორმებთან მიმართებაში, როგორც ლიეტუვას, ასევე გლობალურ გამოცდილებას.რუსეთის დეზინფორმაცია ლიეტუვასა და მისი ბალტიელი მეზობლებისთვის, ესტონეთისა და ლატვიისთვის...

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან
access_time2020-08-08 16:30:43
აშშ-ის კონტრდაზვერვის და უსაფრთხოების ეროვნული ცენტრის ხელმძღვანელის,...

პირბადე 8 ენაზე თარგმნის ფუნქციით – იაპონური სტარტაპის გამოგონება

პირბადე 8 ენაზე თარგმნის ფუნქციით – იაპონური სტარტაპის გამოგონება
access_time2020-08-08 14:00:59
როდესაც COVID-19-ის პანდემიამ პირბადე ჩვენი ყოველდღიურობის ნაწილად აქცია, იაპონური სტარტაპი Donut Robotics ახალ შესაძლებლობებზე დაფიქრდა. მაშინ, როცა სხვადასხვა კომპანია სხვადასხვა დიზაინისა...


მსგავსი სიახლეები

up