ვითიბი ბანკში იპოთეკურ სესხებზე Cashback აქცია დაიწყო. თუ გსურთ სახლის/ბინის შეძენა, აშენება, გარემონტება ან იპოთეკური სესხის გადმოტანა, შეგიძლიათ ვითიბის განსაკუთრებული შეთავაზებით ისარგებლოთ. Cashback აქციაზე „კომერსანტთან“ დეტალურად საუბრობს ვითიბი ბანკის იპოთეკური მიმართულების კოორდინატორი ნათია მიქაძე. მისი თქმით, თუ მომხმარებელი იპოთეკური სესხს უცხოურ ვალუტაში (USD/EUR) აიღებს მას გაცემული თანხის 2% ქეშბექის სახით დაუბრუნდება.

„პირველ რიგში, მინდა აღვნიშნო, რომ ვითიბი ბანკი მომხმარებლებს უცხოურ ვალუტაში გაცემულ იპოთეკურ სესხებზე უპრეცედენტო პირობებს სთავაზობს. ბაზარზე არსებულ საუკეთესო საპროცენტო განაკვეთთან ერთად, მომხმარებელი მიიღებს გაცემული თანხის 2%-ს ქეშბექის სახით. მაგალითად, თუ სესხის თანხა 100 000 ევროს შეადგენს, მომხმარებელს ქეშბექის სახით 2 000 ევრო დაუბრუნდება. თანხის გამოყენება შესაძლებელია ნებისმიერი მიზნობრიობით - მომხმარებელს შეუძლია, შეიძინოს სასურველი ნივთი ან გახსნას ანაბარი, ის არჩევანში თავისუფალია. ასევე, შესაძლებელია, აღნიშნული ქეშბექით მომხმარებელმა დაიკომპენსიროს წინსწრების საკომისიო, სხვა ბანკიდან სესხის პორტირების შემთხვევაში. თუმცა,  სურვილისამებრ, შეუძლია, ქეშბექი სხვა მიზნითაც გამოიყენოს“, - განაცხადა ნათია მიქაძემ.

ნათია მიქაძე გვიყვება, რომ უცხოურ ვალუტაში ვითიბი ბანკს ბაზარზე იპოთეკურ სესხზე კონკურენტული საპროცენტო განაკვეთი აქვს. ევროს წლიური საპროცენტო განაკვეთი 3%-დან (ეფექტური 5,6%-დან), ხოლო დოლარის - 4.5%-დან (ეფექტური 6,7%-დან) იწყება.

 „მიუხედავად იმისა, რომ უცხოურ ვალუტაში სესხის აღება სავალუტო რისკთანაა დაკავშირებული, საპროცენტო განაკვეთი იმდენად დაბალია, რომ ლარის სესხს დიდ კონკურენციას უწევს.  შესაბამისად, მომხმარებელი ხშირ შემთხვევაში მომგებიან პოზიციაშია“ - განაცხადა ნათია მიქაძემ.

მომხმარებლებს განაცხადის შევსება შეეძლებათ როგორც ონლაინ, ისე ფილიალში ვიზიტით ან მარტივი ზარით ვიდეო ბანკში. ვითიბი ბანკში იპოთეკურ სესხებზე Cashback აქცია წლის ბოლომდე გაგრძელდება.

®