მიგრაციის სალდო დადებითია – პირველად ბოლო 60 წლის განმავლობაში

მიგრაციის სალდო დადებითია – პირველად ბოლო 60 წლის განმავლობაში

access_time2021-07-21 15:00:07

საქართველოში პანდემიის მძიმე ფონზე მიგრაცია გამონაკლისია, სადაც შედეგი ცალსახად დადებითია. 1959 წლის შემდეგ პირველად, მიგრაციამ 2020 წელს დადებითი სალდო აჩვენა  (15732  კაცი),  რის   შედეგადაც        წინა  წლებთან  შედარებით,  მცირედით, მაგრამ  მაინც  3303  კაცით  გაიზრდა  საქართველოს მოსახლეობა  და  შეჩერდა წინა  წლებში არსებული  მოსახლეობის  კლების  ტენდენცია.  ამის შესახებ ,,კომერსანტს“ დემოგრაფიული ინსტიტუტის დირექტორმა ავთანდილ სულაბერიძემ აცნობა.

 

,,მიმდინარე პროცესს განვიხილავთ, როგორც  „პანდემიის დემოგრაფიას“, რამდენადაც დემოგრაფიული ცვლილებები ინერციულად წარიმართა.  სწორედ  პანდემიის  დადებითი შედეგია,  1959  წლის შემდეგ  პირველად 2020  წელს დაფიქსირებული  წმინდა   მიგრაციის  დადებითი  სალდო (15732  კაცი),  რის   შედეგადაც წინა წლებთან შედარებით, მცირედით, მაგრამ  მაინც  3303  კაცით  გაიზრდა  საქართველოს მოსახლეობა  და  შეჩერებულ  იქნა  წინა  წლებში არსებული  მოსახლეობის  კლების  ტენდენცია. რომ  არა დეპოპულაცია (-4017 კაცი), საქართველოს მოსახლეობა 2020  წლისთვის  წინა  წელთან  შედარებით  19749  კაცით გაიზრდებოდა და 2020 წლისთვის ნაცვლად არსებულისა, 3 739 910 კაცი (15732+4014) იქნებოდა. გარდა ამისა, პანდემიის პოზიტიურ მოვლენად უნდა მივიჩნიოთ 2019 წელთან შედარებით  საქართველოდან  2020  წელს  30843  კაცით  ნაკლები ემიგრაცია და  ქვეყანაში 6868 კაცით ნაკლები ადამიანის შემოსვლა“, - განმარტავს ავთანდილ სულაბერიძე.  

 

როგორც  წესი, პანდემიის  პირობებში  სამუშაოს  დაკარგვის  და ვირუსით  დაინფიცირების  მაღალი  რისკიდან  გამომდინარე, უცხოეთში  სამუშაოდ  წასული  მიგრანტების  უმრავლესობა, ლოგიკურად,  ძირითადად  სამშობლოში  უნდა  დაბრუნდეს.  ამ თვალსაზრისით, როგორც დემოგრაფიის ინსტიტუტის მიერ მომზადებულ დოკუმენტშია აღნიშნული,  საქართველოში შემოსულთა თითქმის 2/3  (74,0%) საქართველოს  მოქლაქეები  არიან,  ხოლო  გასულთა  რაოდენობაში ნახევარზე  მეტს  (58,4%)  უცხო  ქვეყნის  მოქალაქეები  შეადგენენ.



კვლევის ავტორის შეფასებით, მართალია, პანდემიამ მიგრაციის  მრავალწლიანი ნეგატიური  პროცესების  ტენდენცია  შეაჩერა  და  დადებითით შეცვალა,  მაგრამ    ძნელია  ივარაუდო,  როდემდე  გაგრძელდება  და შენარჩუნდება  თუ  არა  ტენდენცია პოსტპანდემიურ  პერიოდში,  ქვეყნის არცთუ სახარბიელო სოციალურ-ეკონომიკური  განვითარების ფონზე.

მარი ჩიტაია

 





რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა

რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა
access_time2021-08-02 16:00:48
საქართველოში თხილის მოსავლის აღება მომავალი კვირიდან იწყება. გასული სეზონი აღდგენითი ხასიათის იყო, როდესაც ბოლო 5 წლის განმავლობაში ყველაზე მაღალმოსავლიანობა იყო (33 000 ტ). მეწარმეები მიმდინარე სეზონზე კიდევ უფრო მეტ მოსავალს ელიან, თუმცა მსოფლიო ბაზარზე წარმატების მისაღწევად თხილის ხარისხის გაუმჯობესებაა აუცილებელი. EastFruit–ის ქართული ჯგუფი ბლაი ლორტ მარტის ესაუბრა, აგრონომსა და ტექნოლოგიების სპეციალისტს, FRUSESA, BAIN BORGES International Group–ის ყოფილ...

ცესკოს თავმჯდომარე 6 თვით გიორგი კალანდარიშვილი იქნება

ცესკოს თავმჯდომარე 6 თვით გიორგი კალანდარიშვილი იქნება
access_time2021-08-02 13:55:18
საქართველოს ცენტრალური საარჩევნო კომისიის თავმჯდომარე 6 თვით გიორგი კალანდარიშვილი იქნება. პარლამენტმა ის მეოთხე მცდელობაზე დღეს, 2 აგვისტოს აირჩია. კალანდარიშვილის კონკურენტმა გიორგი სანტურიანმა ხმების საჭირო რაოდენობა ვერ მოაგროვა. გიორგი კალანდარიშვილის კანდიდატურას 83 მომხრე და 3 წინააღმდეგი ჰყავდა;გიორგი სანტურიანს კი 4 მომხრე და 1 წინააღმდეგი.დღესვე ცესკოში პროფესიული ნიშნით ორი წევრი აირჩიეს, გია ცაცაშვილი და მაია ზარიძე. წევრობის...

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს
access_time2021-08-02 14:00:48
ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს. დამატებით რისკებად კი შესაძლო ძალადობის შემთხვევებს ასახელებს. გასათვალისწინებელია ის ფაქტიც, რომ ანგარიში 16 ივნისითაა დათარიღებული, მაშინ როცა კოვიდის შემთხვევათა 7 დღის საშუალო მაჩვენებლი 704-ს შეადგენდა და უცხოელებზე თავდასმხებიც არ იყო გახშირებული. ივნისში ვიზიტორების რაოდენობა, გასული წლის...

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა
access_time2021-08-02 15:00:10
სამხრეთ კავკასიის მილსადენის ტექნიკური ოპერატორის როლი კომპანია ბი-პი ექსპლორეიშენ (შაჰ დენიზ) ლიმიტედმა კომპანია სოკარ მიდსთრიმ ოპერეიშენს ლიმიტედს გადააბარა. სამხრეთ კავკასიის მილსადენი ერთ-ერთია სამხრეთის გაზის კორიდორის ოთხი სეგმენტიდან, რომელიც ემსახურება ბუნებრივი გაზის ექსპორტს აზერბაიჯანიდან თურქეთსა და ევროპაში საქართველოს გავლით. სოკარ მიდსთრიმ ოპერეიშენს ლიმიტედი კი სოკარის შვილობილი კომპანიაა. ტექნიკური ოპერატორობის გადაცემა...

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი
access_time2021-08-02 13:00:52
„სეისმურ ინფორმაციაზე ხელმისაწვდომობა შეზღუდულია და დაინტერესებული მეცნიერებისა თუ პოტენციური ინვესტორებისთვის ის, პრაქტიკულად, დახურულია“, -ამის შესახებ სპეციალურ ბრიფინგზე არასამთავრობი ორგანიზაცია „ახალგაზრდა ადვოკატების ასოციაციის“  ხელმძღვანელმა, არჩილ კაიკაციშვილმა განაცხადა. აღნიშნული პრობლემის გადაჭრისკენ მან ილიას სახელმწიფო უნივერსიტეტის რექტორ გიგა ზედანიას მოუწოდა. სწორედ ილიუნის ერთეულია „დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი“,...


მსგავსი სიახლეები

up