100-ზე მეტ ქვეყნის 4400 კომპანიას შორის Microsoft-ის წლის პარტნიორად საქართველოში კვლავ SMART business Georgia დასახელდა. მან წამყვან პარტნიორთა შორის საუკეთესოს წოდება ზედიზედ მეხუთედ, ხოლო საქართველოში უკვე მეორედ დაიმსახურა.
კომპანიის წარმატებაზე დეტალურ ინფორმაციას გვიზიარებს SMART business Georgia-ს მმართველი პარტნიორი გიორგი კოფენლუ:
„Microsoft-ის წლის პარტნორის სტატუსი გულისხმობს კომპანია Microsoft-თან ეფექტურ თანამშრომლობას, შეთავაზებული გადაწყვეტების მაღალ კონკურენტუნარიანობას და კლიენტების ბიზნესის შემოსავლების ეფექტურ ზრდას. კომპანია SMART business უკვე მე-12 წელია წარმატებით ართმევს თავს თითოეულ მოთხოვნას. მეტიც, არა მარტო ნერგავს
Microsoft-ის პლატფორმაზე არსებულ მრავალფუნქციურ ბიზნეს გადაწყვეტილებებს, არამედ მუდმივად ახორციელებს თანამშრომელთა სწავლებასა და მათი ცოდნის დონის განუწყვეტელ ამაღლებას, რითაც კლიენტების კმაყოფილების მაღალ ხარისხს უზრუნველყოფს. SMART business მსოფლიო მასშტაბით 60-ზე მეტ ქვეყანაში ახორციელებს ციფრულ ტრანსფორმაციას, უზრუნველყოფს ERP და CRM სისტემების იმპლემენტაციას განსხვავებული ინდუსტრიებისა და სექტორების სხვადასხვა ზომის კომპანიებში.
მიუხედავად იმისა, რომ SMART business-ის ოფისი საქართველოში 2019 წლის დასაწყისში გაიხსნა, კომპანია უკვე 2011 წლიდან აქტიურად ახორციელდებდა პროექტებს ჩვენს ქვეყანაში.
2019 წლიდან სხვადასხვა ორგანიზაციასთან აქტიური მუშაობის შედეგად, SMART business Georgia-მ მოწინავე პოზიციები დაიკავა ERP და CRM სისტემების ბიზნეს-გადაწყვეტილებების დანერგვის და ისეთი ღრუბლოვანი სერვისების მიმართულებით, როგორებიცაა - Microsoft Office 365 და Microsoft Azure Services. მხოლოდ 2019 წლის განმავლობაში Office 365 10 000-ზე მეტ მომხმარებელთან დაინერგა, რაშიც მრავალმა ტრენინგმა და ვორქშოპმა შეიტანა თავისი წვლილი. Microsoft Dynamics Business Central და Dynamics Finance and Operations უკვე ქართულ ენაზეა ხელმისაწვდომი. აღნიშნულ პლატფორმებზე ხელმისაწვდომია ქართული ლოკალიზაციაც, რომელიც სრულ შესაბამისობაშია საქართველოში არსებულ საგადასახადო კანონმდებლობასთან, ინტეგრირებულია შემოსავლების სამსახურთან (https://www.rs.ge/) და არაერთ საბანკო სისტემასთან.
პანდემიის დროს მსოფლიოს გამოწვევების დაძლევაში გადამწყვეტი როლი ტექნოლოგიების განვითარებამ შეასრულა. SMART business Georgia-მ, თავის მხრივ, მრავალ ორგანიზაციას გაუწია დახმარება დისტანციურ მუშაობაზე სწრაფ და ეფექტურ გადასვლაში ყოველდღიური ბიზნეს-საქმიანობის შეფერხების გარეშე, რაც კიდევ ერთი დასტურია იმისა, რომ SMART business Georgia მართლაც საიმედო პარტნიორია კომპანიების გაციფრულების გზაზე.
ბოლო თვეებმა აჩვენა, რომ მხარდაჭერა და თანადგომა ჩვენს მომავალში ჩადებული საუკეთესო ინვესტიციაა. ჩვენ ვამაყობთ SMART business-ის გუნდით და მადლიერებას გამოვხატავთ კლიენტებისა და პარტნიორების მიმართ ნდობისთვისა და თანამშრომლობისათვის. მოხარულები ვართ, რომ მეოთხე წელია ზედიზედ გვირჩევენ მსოფლიოს ათასობით პარტნიორს შორის. ეს ჩვენთვის დიდი პატივია!“
SMART business აგრძელებს სამყაროს გაუმჯობესებას და უზრუნველვყოფს თქვენი ბიზნესის ციფრულ ტრანსფორმაციას!
(R)