MICE ტურიზმი 2021 წლის შემოდგომამდე ვერ აღდგება - რა შეღავათებს ითხოვს სექტორი

MICE ტურიზმი 2021 წლის შემოდგომამდე ვერ აღდგება - რა შეღავათებს ითხოვს სექტორი

access_time2020-10-16 11:30:00

საშემოსავლო გადასახადის 1 წლით გადავადება და სექტორისათვის დაუბეგრავი მინიმუმის 1 500 ლარამდე ზრდა - ეს მოთხოვნები აქვს საქმიანი ტურიზმის ასოციაციას ხელისუფლებასთან, რათა კადრების და სექტორის შენარჩუნება შეძლოს.


მოთხოვნებსა და პრობლემებზე, ,,საქმიანი ტურიზმის ასოციაციის“ (MICE ტურიზმი) თავმჯდომარე, ირმა კოდუამ რადიო „პალიტრასა“ და ,,პალიტრანიუსის“ გადაცემაში, ,,საქმე“ ისაუბრა.


,,დღეს ტურიზმის სექტორში ძალიან რთული მდგომარეობაა. ვფიქრობ, რომ არსებულ სიტუაციაში ქმედითი მოლაპარაკების და გადაწყვეტილებების მიღების ფორმატი იქნება უფრო მართებული. ყველას გვესმის, რომ დღეს საჰაერო სივრცე რომც გაიხსნას, რაც საპროტესტო აქციებზე ძირითადი მოთხოვნაა, ჩვენ მაინც არ გვეყოლება ვიზიტორების ის ოდენობა, რომელიც შეძლებს ჩვენი ეკონომიკური პრობლემების გამოსწორებას. ამ ყველაფრიდან გამომდინარე, ჩვენ ტურიზმის საქმიანი ადმინისტრაცია არ ვემხრობით კომუნიკაციის ფორმას აქციებით და ვთვლით, რომ ეს არაკონსტრუქციულია.


ამ ეტაპამდე ეკონომიკის მინისტრთან შეხვედრა არ შემდგარა. ვიმედოვნებთ, რომ შეხვედრა უახლოეს მომავალში მაინც შედგება. ამ მიზნით, არაერთი წერილი გავაგზავნეთ მთავრობის ადმინისტრაციაში, სადაც, ჩვენ ვთხოვთ, გარკვეულ შეღავათებს“ - განაცხადა ირმა კოდუამ.



კითხვაზე, თუ რა სჭირდება სექტორს გადარჩენისთვის, კოდუა პასუხობს, რომ სექტორზე მორგებული შეღავათები, რადგან სპეციფიკიდან გამომდინარე, თუ ზოგადად ტურიზმის აღდგენა დაიწყება აპრილიდან, მათი სეგმენტი, მხოლოდ შემოდგომიდან დაიწყებს გამოცოცხლებას.


,,ამ ეტაპზე, ჩვენი მთავარი მოთხოვნაა სექტორის შენარჩუნებისათვის საშემოსავლო გადასახადის გადახდის გადავადება მინიმუმ 1 წლით. ჩვენ უკვე ერთ თვეში გვიწევს გადასახადების გადახდა, რისთვისაც სექტორი არ არის მზად. 8 თვის სრულად უშემოსავლობის პირობებში ძალიან რთულია ფულადი სახსრების გენერირება. ეს საჭიროა კადრების შესანარჩუნებლადაც, რომელთა დასაქმების საკითხი დღეს ეჭვქვეშ დგას. ჩვენი შემდეგი მოთხოვნაა, ჩვენი ინდუსტრიისთვის ცალკე განისაზღვროს დაუბეგრავი მინიმუმი, 1500 ლარით, რადგან ჩვენს სექტორში საშუალო ხელფასი გაცილებით მაღალია.


ჩვენ გვჭირდება დრო, რომ მოვემზადოთ პანდემიის დასრულების შემდეგ, ტურისტების მისაღებად და ამისათვის გვჭირდება რესურსი. დადებითი და პოზიტიური ნიშნების შემთხვევაში ტურიზმი დაიწყებს გამოცოცხლებას მომავალი წლის გაზაფხულისათვის, მაგრამ ეს არ შეეხება საქმიან ტურიზმს, რადგან ეს სეგმენტი, კიდევ უფრო გვიან იღებს გადაწყვეტილებებს. ამ ინდუსტრიის პირველ იმპულსებს ალბათ, 1 წელში, შემოდგომიდან დავინახავთ. “- განაცხადა კოდუამ ,,საქმეში“.


BPN.GE 




თეგები:
MICE ტურიზმი



რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი

რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი
access_time2020-10-29 17:00:01
8 წლიანი მმართველობის დასასრულს „ქართული ოცნება“ მესამე ვადით ცდილობს ხელისუფლებაში დარჩენას. მთავარ ორიენტირად ისევ მემარცხენე მიმართულება რჩება. საარჩევნო პროგრამაში პირველივე გვერდზე ვკითხულობთ სიტყვებს „მზრუნველი ხელისუფლება.“ პროგრამის ეკონომიკურ ნაწილში აღნიშნულია, რომ ქართულმა ოცნებამ მმართველობის პირველივე წლებიდან „ეკონომიკის ხარისხობრივი განვითარებისთვის ფუნდამენტური...

ქართულმა ავტომობილების რეექსპორტმა სომხური ბაზარი დაკარგა

ქართულმა ავტომობილების რეექსპორტმა სომხური ბაზარი დაკარგა
access_time2020-10-29 14:00:38
სომხეთში ექსპორტი სექტემბერში შემცირებულია, წლიურად (Y.Y) 67%-ი (09/2020 მთლიანი ექსპორტი ზრდა 8.6%Y.Y). $16 მლნ -და (L/Y - $44.6 მლნ, 7.7) ადგილობრივმა ექსპორტმა - 8,5 მლნ. დოლარი შეადგინა. კლება რეექსპორტის ხარჯზეა. რაც მსუბუქი ავტომობილების შემცირებით აიხსნება, რაც ძირითადი საექსპორტო ჯგუფია. 2019 წლის სექტებერში სომხეთში საქართველოდან $31 მლნ -ის ავტომობილი გავიდა, 09/2020 - 0. საქტატში აღრიცხული არ არის და მსხვილი ექსპორტიორის კავკასიის...

პანდემიამ მომხმარებლის ქცევა შეცვალა, ნაწილმა დაზოგვა დაიწყო - DUNKIN-ის დირექტორი

პანდემიამ მომხმარებლის ქცევა შეცვალა, ნაწილმა დაზოგვა დაიწყო - DUNKIN-ის დირექტორი
access_time2020-10-29 16:00:39
Dunkin'-ის გენერალური დირექტორი გიორგი მშვილდაძე „ბიზნესპარტნიორთან“ პანდემიის გავლენაზე საუბრობს და აცხადებს, რომ მსოფლიოში თითქმის ყველა ბიზნესს ნეგატიურად შეეხო გლობალური COVID-19-ის პანდემია და გამონაკლისი არც Dunkin'-ია. მისი ინფორმაციით, ფინანსური მაჩვენებლები წინა წელთან შედარებით, ლოგიკურად, შემცირებულია. „ამის მიუხედავად მუდამ ვმუშაობთ და ყოველთვის ვცდილობთ, რომ ჩვენს მომხმარებელებს საინტერესო და ხელსაყრელი სიახლეები შევთავაზოთ როგორც...

ლევან კობერიძე ქართული ოცნების ვაკის კანდიდატს კიდევ ერთხელ იწვევს დებატებში

ლევან კობერიძე ქართული ოცნების ვაკის კანდიდატს კიდევ ერთხელ იწვევს დებატებში
access_time2020-10-29 12:40:36
პარლამენტის ვაკის მაჟორიტარი დეპუტატობის კანდიდატი პარტიიდან „ლელო საქართველოსთვის“ ლევან კობერიძე ქართული ოცნების ვაკის კანდიდატს კიდევ ერთხელ იწვევს დებატებში. „გუშინ მესიზმრა: შუაგულ ვაკეში ყვითელ მაგიდასთან ვიჯექი და ვაკის სამაჟორიტარო ოლქში ხელისუფლების კანდიდატთან დებატებისთვის ვემზადებოდი. ის კი, ტრადიციულად, არსად ჩანდა. ამ სიზმარში ყველაზე სამწუხარო ისაა, რომ ის ცოტა სურეალისტურად, თუმცა რეალობას აღწერს:...

მიმდინარე წლის 24 ოქტომბერს ტელეკომპანია პირველის გადაცემა „ნოდარ მელაძის შაბათის“ ეთერში გასული ცრუ და ცილისწამებლური სიუჟეტის შესახებ

მიმდინარე წლის 24 ოქტომბერს ტელეკომპანია პირველის გადაცემა „ნოდარ მელაძის შაბათის“ ეთერში გასული  ცრუ და ცილისწამებლური სიუჟეტის შესახებ
access_time2020-10-29 11:20:52
„საქართველოს ხორბლისა და ფქვილის მწარმოებელთა ასოციაციის“ და ,,პურის მცხობელთა ასოციაციის’’ განცხადება გვსურს, საზოგადოებას მივაწოდოთ სრული და ამომწურავი ინფორმაცია ბოლო დროს მედიაში გავრცელებულ ცრუ და ცილისმწამებლური კამპანიის პასუხად, რომელიც ახლა უკვე მიმართულია კერძო სექტორის და ჩვენი წევრების წინააღმდეგაც. 2020 წლის 24 ოქტომბერს, ტელეკომპანია პირველის ეთერში...


მსგავსი სიახლეები

up